39A增設空調巴士服務

原帖由 snake128 於 2010-7-24 22:45 發表
荃景圍居民唔係好有錢,人口亦都老化得好緊要
所以39A應該好快死 ...

兄台講野未免刻薄左d bor......  近黎, 好多年輕夫婦開始買荃景圍既樓黎住, 除左空氣好之外, 價錢亦算相宜, 所以完全唔係人口老化既!

我係住荃景圍既, 聽到39A要加冷都好唔開心, 見到條線家陣都算係做得ok既時候, 突然間又話加冷, 仲要收成$3.7。如果收到咁貴, 基本上我係荃灣都改搭小巴上去啦......的確, 彩龍小巴既服務真係好勁, 同埋佢地有人通報消息, 例如邊度有客即刻開車去載, 所以係九巴度都搶到唔少客返荃灣中心, 而且人地收得平好多 ($2.5/$2.8), 又快, 對比起39A (尤其係加冷後) /39M, 仍然有吸引力~~~

當初我仲以為 39M 應該平過 238M 添，
後來度過先知差唔多長。

地圖搵到的結果：
其實荃威落仁濟個站同 31 由悅來去安蔭差不多，
計埋大家同一點返西站距離相若，無乜好拗的。
問心，當年唔咁樣改線點呃到班區議員？

我諗荃景圍山丘特性同埋個大圈
係好令人有距離錯覺的。

P.S.
39A 個冷價掠得過 38A 個分段冷價？

[ 本帖最後由 238X 於 2010-7-24 23:09 編輯 ]

原帖由 天瑞總站 於 2010-7-25 01:47 發表
區區都多老人家行黎行去架啦.........唔代表該區老化
以我所見搭39M 39A 30X等荃威線既後生仲有唔少喎

講真, 39A 如果唔係多得一班學生客, 分分鐘比而家客量更小 ~
不過與其 39A 加到 $ 3.70
不如索性接左佢, 拉返條 95 上荃威一了百了 ~

原帖由 snake128 於 2010-7-24 22:45 發表
之前區議會好似提出過收3.5
九巴都係唔肯讓步
而家收到咁貴
有咩理由同36嗰堆線同價
人地去遠咁多
好喇,而家要做就係放長雙眼睇吓九巴點整死呢條線
荃景圍居民唔係好有錢,人口亦都老化得好緊要
所以39A應該好快死 ...

無可否認係 39A 而家行車里數去到 9.2km
單程都已經 4.6km

不過如果計葵青區路線黎講
如 31M (4.1km), 235M (4.1km) 等線, 其實同 39A 線相差唔夠 0.5km
但係人地都係收 $ 3.4, 都唔知係唔係岩岩過左收費上限 ~
39A 真係收得好盡 ~

[ 本帖最後由 AVD1 於 2010-7-25 03:50 編輯 ]

點解要提個時間表出黎，又冇加密又冇變疏...話俾人聽我好疏？？？「呼籲」荃灣鐵路站來往荃威人士搭39M？？

原帖由 snake128 於 2010-7-24 22:45 發表
之前區議會好似提出過收3.5
九巴都係唔肯讓步
而家收到咁貴
有咩理由同36嗰堆線同價
人地去遠咁多
好喇,而家要做就係放長雙眼睇吓九巴點整死呢條線
荃景圍居民唔係好有錢,人口亦都老化得好緊要
所以39A應該好快死 ...

九巴求知不得啦,39A本身一直蝕錢,如果客量再跌,大條道理減班轉單層,甚至取消,對九巴不是更好嗎?

有好多人話39A加冷又貴又趕客暈暈,講真,要搭綠小既,早就搭左綠小啦,仲同你慢慢等39A咩.俾多一蚊幾毫,都係遲早既事啦,九巴得番百幾架熱狗,
今年唔加冷唔通等到出年先加咩(本來39A係建議出年先加),到時唔夠熱狗行跟住收車,對乘客咪仲慘.

PS: 唔知32B會否於同日起加冷呢?