粵語、普通話

呢樣當然一樣發生緊
語言排儕絕不限於特定族群
既然你都成日接觸大陸人
你都或者明白大陸ge"地域矛盾"係乜野一回事
語言排儕只係其中一種表現而矣

廣州話其實又何嘗唔係排儕緊其他方言？

真正香港地方方言其實係「圍頭話」，而四十年代起來自各方嘅移民亦有各自方言，好似上海話、潮州話、客家話等，即使係粵語亦有不同腔調，但最終就俾廣州話「統一」。唔好話電視台無方言廣播，如果你只係講圍頭話或其實方言而唔識廣州話的話，連尋求公共服務都有困難。

隔了幾日，睇多幾種觀點，大致上都係話，一個小小建議之所以激起如此大反應，
背後原因係廣州為了搞亞運，將城區建築拆的拆、改的改，市民日常生活受影響，
未見其利先見其害，真係擔心粵文化毀在自己一代，所謂撐粵語亦只係借題發揮。

當然不排除有排儕外省人的心理在內，但「聽唔明就返鄉下」的論調，
我相信係對應部分北方人士自己不了解就貶低粵語文化的反彈，如#40的經驗，
粵人此等心理只係「你做初一我做十五」，但有一些人真係對外來人口反感亦唔出奇。

今日又輪到，亞運會主題曲冇一首係粵語演唱。
廣州就係唔同架哩，又唔見上海人話世博主題曲唔係上海話，
反而奧巴馬去上海演講好識做地講句「儂好」。

講到尾，我覺得廣州人保衛廣州話在情在理都冇乜問題，
即使自己都係文化壓制者，唔代表唔可以為自己發聲架喎，美國911後都係咁God Bless America啦。
廣州的撐粵行動中，有只操普通話的人士參與，而當時的散步者亦歡迎佢地，足見族群排儕並非主因。

以下純粹分享：

我在lab期間聽過來自上海的同學指廣州話係「鳥語」，我唔肯定呢個詞語係褒定貶定中性喇，
佢係不折不扣的上海人性格，但唔識講上海話，後來學了幾句廣州話，講唔正，大家一齊笑囉；
亦有來自北京的同學來港五年以上仍然一個廣州話詞語都聽唔明，語言天份有高有低，我相信佢真係不能也。
同時，又有來自青海的同學，廣州話講得好過任賢齊；
又有來自寧夏的同學，同個廣州同學拍拖，而家大致聽得明廣州話，
但原來那位廣州同學屋企係講客家話既，跟佢返鄉下都係乜都聽唔明。

內地人多過香港人，個lab的「拎瓜翻卡」(lingua franca)就係普通話，
香港人廣州人中山人圍內講返廣州話（那個廣州人母語係客家話喎），
教授來自廣西，又去過美國留學，兩文三語都識，睇下對住邊個而講咩話。
沒有特別措施，然而普通話已成大氣；但同時，粵語在原有使用者中亦不會被磨滅，
反而因交流增多而生命力更強，也沒有造成語言對立，各種語言使用者都因文化好奇而加深了彼此的了解。
有些lab香港人同內地人係壁壘分明的，大家都唔肯踏出第一步，
但我做的那個lab我會評為非常融洽，我而家畢業一年，仍然會參加佢地的聯誼活動。
這是最理想的「推普」，最理想就係唔使「推」佢都已經「普」。

曾幾何時我對「廣西人」識得「廣東話」都有點疑惑，
後來先知道西江流域由南寧至廣州都係講差唔多口音的粵語，
教授的粵語口音的確係同廣州音有少少唔同的，可能係廣西白話。
可惜以網上資料推測，而家南寧白話已經銷聲匿跡。

[ 本帖最後由 DIH 於 2010-8-5 10:02 編輯 ]

原帖由 DIH 於 2010-8-5 09:54 發表
隔了幾日，睇多幾種觀點，大致上都係話，一個小小建議之所以激起如此大反應，
背後原因係廣州為了搞亞運，將城區建築拆的拆、改的改，市民日常生活受影響，
未見其利先見其害，真係擔心粵文化毀在自己一代，所謂撐粵語亦只係借題發揮。 ...

我呢邊有同學係南寧人, 佢都係來到香港先學廣東話 (他們稱白話)
佢自細受到學校灌輸的概念係講白話係野蠻人所為, 因此不屑學廣東話

成個 research group 入面絕大多數係大陸人,
就算有 d 人識講唔少廣東話(部份係睇電視聽歌學的; 有口音但我都聽得明),
但佢地都唔願意講廣東話。有問題只會問其他同學而唔搵我 (雖然我話過可以同我講普通話)
我普通話講得唔係太好, 都攪到有少少融入唔到佢地圈子

有時都感覺到, 佢地係睇唔起普通話以外的其他語言同文化

原帖由 Quanta 於 5/8/2010 13:51 發表


我呢邊有同學係南寧人, 佢都係來到香港先學廣東話 (他們稱白話)
佢自細受到學校灌輸的概念係講白話係野蠻人所為, 因此不屑學廣東話

成個 research group 入面絕大多數係大陸人,
就算有 d 人識講唔少廣東話(部份係 ...

以兩隻語言淵源而言，唔排除係普通話族群因自卑而自大。

其實響香港ge情況又唔同
你講ge壁壘其實係來自生活習慣同日常文化上ge差異多過語言ge分別
係要D時間去了解佢地ge果套(當然你可以唔認同)
如果你蒲開大陸forum
識得多D大陸潮語
可以用到佢地個tone同用語同佢地溝通
其實我覺得 on average 黎講大陸人仲易相處過香港人

[ 本帖最後由 kychung 於 2010-8-5 17:44 編輯 ]

原帖由 kychung 於 2010-8-5 17:42 發表
其實響香港ge情況又唔同
你講ge壁壘其實係來自生活習慣同日常文化上ge差異多過語言ge分別
係要D時間去了解佢地ge果套(當然你可以唔認同)
如果你蒲開大陸forum
識得多D大陸潮語
可以用到佢地個tone同用語同佢地溝通[size=14.1667px]其實我覺得 on average 黎講大陸人仲易相處過香港人
...

認同[size=14.1667px]on average 黎講[size=14.1667px]內地人仲易相處過香港人
[size=14.1667px]不過話說回頭, 係要"歸化"咗入佢地文化圈子入面, 先可以有以上立論
[size=14.1667px]事實上, 內地人的文化包容性[size=14.1667px]on average 黎講仍然比不上香港人/廣東人
[size=14.1667px]例如, [size=14.1667px]內地人翻譯英文, 普遍用自己果套機械式譯法, 文法全對, 卻忽略英美為母語人的語感

嘩, 咁熱鬧o既討論, 可惜來遲左! 其實各位都講左好多觀點, 尤其係DIH 兄, 我只係略加些少感想:
1. 7月13日個集星期二檔案講香港人講鄉下話o既情況, 值得一睇, 恕我孤陋寡聞, 客家話就聽/講得多, 圍頭話都真係第一次聽到有人講,唔怪得之前去吉慶圍參觀, d老人家唔講客家, 而講歪歪地o既白話, 原來就係圍頭話;
2. 香港就係一個咁奇怪o既地方, 白人老外來到住成世都唔使學中文, 黑皮膚老外來到成世都學唔好中文, 黃皮膚本地人想d 仔女唔好學中文! 昨日(8月7日)梁啟智兄o既文章可供參考。我估香港華人不少o既上一代或兩代都唔係講粵語,對粵語無乜歸屬感, 只係社會需要而講, 所以唔覺得有義務保護粵語。不過如果社會開始關心保育舊建築、自然景觀, 呢股風氣亦應可以帶到保護語言之上。
3. 香港o既法定語言為兩文三語, 但偏偏學校只會教兩文兩語 (甚至連粵語都趕出學校者亦有, 參考德望學校), 餘下o既粵語絕大多數人都無機會學,小弟好彩o係中大有機會上左3堂 “語精” (DIH學弟有冇上過?), 先至識得粵語拼音, 難道母語就唔需要學?
4. 國內向下一代強力推普, 尤其在校內, 校外又係咁向公眾宣傳, 實際效果就係小朋友用方言o既機會同能力大減, 成人亦少左機會為方言注入新內容, 潛台辭就係要削弱大人細路講方言o既能力, 試問咁仲唔係要慢慢消滅方言? 溫水煮蛙而已! 最後變成點? 好彩o既可能好似台灣o既閩南話咁, 只可活躍於鄉間/ 南部, 但一種語言如果唔可以存在於大城市同年輕人之間(未去過高雄, 唔知多唔多年輕人講閩南話呢? 但連 “海角七號” 去到最南處都係講國語, 我無寄於希望了), 則生命力大減矣!
5. 國內主要官員由外省人擔任並沒有問題, 反而係好事, 吸納四方人才, 也可避免在地方盤根。保護方言不需要本地人任地方官, 也不需要外來官做騒咁學本地話, 只要佢任內o既措施唔好壓縮本地人講本地話之空間就好了, 就好似英國人管香港, 甚少港督識中文, 華人半 “被逼” 學好英文, 但英國人無要求我地校內家內任何時間都要講英文, 已經係對使用方言o既德政。

德望......從小學開始我已經覺得呢間學校好陰森恐怖......

語精我當然有上，但粵語拼音我係細個時睇字典自學而識，
小學四年級開始學普通話，五年級英文老師教曉英文拼音，
後來又係睇字典自學音標，所以語精全取DN（Distinction）。

同時，香港應該沒有一條法律要求使用兩文三語，
基本法係話中文及英文都是香港的法定語言，並無為中文及英文再作定義。
咁都正常，就算英文，今日同二百年前都唔同，如果規定埋乜乜兩文三語，會搞到好死，
咁同大陸規範漢語，反而窒礙漢語靈活發展，及為文化霸權鋪路，有乜分別？

[ 本帖最後由 DIH 於 2010-8-8 15:56 編輯 ]