轉載新聞 : 港鐵屈客買平飛入閘 認點錯相

有乘客遭港鐵職員誣告以特惠票搭地鐵，其間三名便衣職員圍着事主不放，糾纏兩個半小時至凌晨 2時半，並禁止事主查閱職員的手提讀卡機，
以核實他的八達通卡入閘紀錄。事主昨日向傳媒公開申訴，港鐵在晚上才承認，經調查後證實職員認錯人，向事主致歉。

遭港鐵職員點錯相的事主母親 Jenny昨於記者會上指出，其兒子 John於本月 21日晚 11時 40分在港鐵灣仔站以八達通卡入閘，經中環站轉東涌線返回東涌寓所。
當 John進入東涌線列車等候期間，遭三名港鐵便衣職員截停，聲稱在控制室閉路電視目睹事主以優惠票在香港站入閘，違反港鐵附例，需票控。

按此瀏灠該新聞

其實係咪真係有指引話係呢種情況乘客唔可以睇番自己D入閘記錄?

港鐵公司同果三個職員我唔評價了。
我反而想講事主個阿媽一 d 都唔肯去理解八達通收錢係點運作，
無啦啦走去八達通公司查入閘記錄？
八達通只係有收費記錄，事主都無出閘，就即係無收到費，八達通公司點可能有記錄啊！

原帖由 thomas_tang01 於 2010-7-29 10:20 發表
港鐵公司同果三個職員我唔評價了。
我反而想講事主個阿媽一 d 都唔肯去理解八達通收錢係點運作，
無啦啦走去八達通公司查入閘記錄？
八達通只係有收費記錄，事主都無出閘，就即係無收到費，八達通公司點可能有記錄啊！ ...

一般市民根本不用也不需要明白八達通收錢係點運作
因為他只是一位消費者
不是八達通公司職員
反而整件事最奇趣的是糾纏了個多小時
而那位真正的逃票者是仍逍遙法外

原帖由 busfunfun 於 2010-7-29 10:28 AM 發表

一般市民根本不用也不需要明白八達通收錢係點運作
因為他只是一位消費者
不是八達通公司職員
反而整件事最奇趣的是糾纏了個多小時
而那位真正的逃票者是仍逍遙法外 ...

無錯﹐如果不是大家上來看得多﹐再去細想研究﹐有些工作上熟悉運作的朋友在此講解﹐根本唔會知道整套系統的運作。

所以﹐無理由知道原來check 紀錄﹐係check 唔到一程未完成的mtr 車程﹐所以有此問題。


而最神奇的﹐係mtr職員的處理方法。

既然事主都check 到他有持的八仔卡是由灣仔入閘﹐為何唔即刻放人走?

仲要警察和解後﹐再扣留事主話係事主是在香港站用惠優票入閘?


好明顯是mtr 職員問題﹐單是不容許乘客查閱八達通紀錄﹐已經是有問題。

証明了在灣仔入閘﹐還要再「老屈」事主在香港站入閘﹐這是不可理喻的。

全個過程已經是2小時有多﹐要check 閉路電視影帶都做到啦。即使不能即時check﹐咪記錄事主資料﹐有齊料再作票控囉﹐所需攪成幾個小時


在香港要檢控他人﹐是要控方提供証據﹐不是被告提供清白的理據。既然控方(即 mtr)不能提供証據﹐便不應留難事主。難講一句﹐mtr 有禁錮事主之嫌。

原帖由 ryanlee09 於 2010-7-29 09:53 發表
其實係咪真係有指引話係呢種情況乘客唔可以睇番自己D入閘記錄?

乘客本身是有灣仔站的入閘紀錄，不過職員要老屈乘客無入閘紀錄嘛，身有屎，咪點都唔肯俾乘客睇囉

港鐵啱啱搞完一場PR show (傑出員工選舉)
用咁多人力物力去sell自己點為客著想
結果畀呢三個人K.O.咗,真係諷刺

D大公司一向都係一流宣傳,九流服務

呢家世界級公司,
成日剩係識老吹點心繫你每一程,點貼心服務法....  

但事實上,
佢前線的職員對乘客的態度又系另一回事,
MTR前線職員處理方法過份強硬,甚至濫權,扣留乘客,捉錯人,
呢d已經唔係第一次出現,
完全無法接受  

我覺得呢位市民做到岩,
大公司,暇乘客---一定要比人睇下世界級公司真面目  

仲有,
我睇完全段新聞,
MTR都好似完全係冇主動向事主道歉半句,直到單野上報,
唔該世界級公司好好改善下自己點教自己的世界級員工  

[ 本帖最後由 93A_S3_6:30am 於 2010-7-29 14:07 編輯 ]

都傻的...宜家D查票人員都唔知係咪要追quota
好似當自己係警察咁，想人點就點，屈得就屈

而最好笑既係，事主係灣仔入閘
但點解果三條友會話佢係香港站入閘...真費解

原帖由 thomas_tang01 於 2010-7-29 10:20 發表
港鐵公司同果三個職員我唔評價了。
我反而想講事主個阿媽一 d 都唔肯去理解八達通收錢係點運作，
無啦啦走去八達通公司查入閘記錄？
八達通只係有收費記錄，事主都無出閘，就即係無收到費，八達通公司點可能有記錄啊！ ...

你期望人地點樣理解?