巴士收音機一問

我聽人講過以前九巴D巴士有收音機,未知是否有此事?
有咩巴士車款曾經有收音機?我見AM車頂有天線,AM曾經都有收音機?
thx.

部份AM好似一落地就有
另外就係行100號既果批3AV都有...

好似個時係冷氣車都有??(未經證實),最少AV/3AV有

[ 本帖最後由 浚╭☆ 於 2010-8-6 03:10 編輯 ]

九巴既話開路線100時好似全部車都有
城巴既我知8頭龍有

印像中，讀小學的時候(零四年或之前)，有幾次坐278K的AM返學，車上的收音機也有開啟。

冇記錯的話當年"愛上903巴"係唔係就係講緊巴士上面廣播903節目?

原帖由 HR889@3C 於 2010-8-6 02:44 發表
我聽人講過以前九巴D巴士有收音機,未知是否有此事?
有咩巴士車款曾經有收音機?我見AM車頂有天線,AM曾經都有收音機?
thx.

當時AL 上層都有收音機播放, 果時好似播緊RTHK RADIO 2..

AM AD ADS AL AV等等幾隻H牌或以前既車都有裝過
我自己聽過有881 903同埋948三個台

原帖由 GR1473 於 2010-8-6 11:13 AM 發表

完全正確.好懷念晌巴士聽903既日子呢......
好過而家播勞嘈多多聲
仲記得有左RS之後,仲可以晌冇RS既AL聽到收音機.

當時全線空調車都有裝收音機﹐由商業電台出錢的﹐但部收音機只能播放903。

除了第一期有裝收音機的3av外 (即100號線用車﹐由九巴出錢﹐當時是播rthk的金曲台﹐即係全古典音樂﹐天線裝在司機位車窗上面﹐打橫裝在車外)﹐天線是安裝在車頭牌箱之內﹐當部車車頭一到天橋底﹐即是聲沙的。


當年﹐都唔係無人投訴的收音機的。有人上報紙的投訴版﹐話夜深人靜﹐冷氣又凍的時間﹐偏偏電台又播鬼故節目﹐令到膽細的朋友非常恐慌。



未同903合作之前﹐AT 及 AM 都是有收音機的﹐但是不准司機開的﹐只是司機偷雞聽收音機﹐所以選台方面係視乎司機而定。其後第一批2+2位的3AV﹐便是九巴第一批安裝收音機的雙層車﹐用作推廣100號線﹐指定司機要播RTHK的金曲台(好似係第5台)。其後AM都有相同安排﹐而AT 應該已全數退役。在選台時﹐應該都是播RTHK的﹐但可能個別司機會有心無意地選錯台的﹐例如接收不理想而選其他電台。

之後便同903合作﹐由商台出錢裝收音機﹐並且一律播903了。同一時期﹐新城在數條小巴安裝收音機﹐全天候播997。


PS. 由電台出錢安裝的收音機﹐在硬件層面已經設定只可接收一個固定的電台﹐司機係無法轉台的。在接收不到的情況下﹐只會無聲出﹐去到可接收的地方﹐會自動播出指定的電台﹐司機什麼都不用理的。

[ 本帖最後由 kei_hk 於 2010-8-6 12:15 編輯 ]