車長忘記調校分段 引致乘客俾多錢

咁我相信呢種事日日都有發生，只係大家唔係好覺而已。
而且車長又要記分段，又要記站位，最緊要仲係顧及行車安全，有時無轉到分段都好難怪。

幾年前九巴未加價時，試過一次與家母在牛頭角下村分站搭1A上秀茂坪，家母先上車，睇住張八達通扣左$5.6
（但係佢自己無留意到，果陣呢個分段應該係$4.7），
我即刻提返個車長轉分段。
果次連埋之前個分站，我估應該至少有幾個乘客俾人扣多左錢。

我自己就通常會睇住個八達通收費器顯示，但係好多時烈日之下個顯示未必好清楚，
而且九巴的價錢牌同八達通收費器無記錯應該仲係分開兩套系統，話唔埋好多乘客見到個價錢牌咁大隻字咁清楚
就以為八達通都係扣果個數。

試過一次同我呀媽係紅橋等260X(排係隊中間),架車嚟左,正正下一個到我地上車時,見到個顯示器寫$3.7(8仔果度都係寫扣$3.7)!!!!!!!!!!!!!但是到我果時司機就立刻轉番做$13.3.................

即係話之前既乘客都係俾$3.7

講真，其實都係差幾蚊，你比心思去追返D錢，隨時因小失大

自己試過坐87D同905提返個車長轉分段，但623個日上81C時，因為急+嬲，冇留意之下比多左一蚊。

我同朋友坐都係開601/619, 自然知道收費多少
有一次我地一齊坐車過九龍, 我朋友上車先, 我跟尾
拍卡前一睇, 八仔機show $9.4... (當年係未加價)
我朋友心水清, 知道未轉分段, 就通知師傅
師傅轉分段之餘, 仲即刻叫同站上車的乘客返轉頭
找番5亳子比佢地...

不過佢應該收多左好多乘客錢,
事關我地上車的分站已經差不多係尾站...

原帖由 FBI2 於 2010-8-6 09:15 發表


1) 不要事事都說'累乘客",乘客是有責任看看八達通的收費顯示是否正確的,極其量說"容易令乘客多繳車資",車長沒有累乘客的,而且付多錢也不算是累.
2) 我都試過為了一毫而向九巴追討,想起來都有十年前了. ...

咁乘客都的確係有責任要睇清楚先拍卡既
車長一日揸咁多轉車，偶然唔記得其實都情有可原
但最後如果要追究責任，車長始終責無旁貸

小弟將標題的"累"改為"引致"，希望能夠平衡番兩者既責任

近排接左份暑期班導師工,每朝都要由長安搭車上長青,e兩個禮拜已經試過起碼有3次個司機冇轉分段(路線涉及41同43B),其中兩次好彩係我上車先,提番個司機轉分段,但係有一次就因為排中間,到我上車個時先發現冇轉分段,前面個堆俾晒$4.1 @@ (仲要完全唔知情....)

另外唔知朝早d司機係咪未訓醒,同一程車入面,先有上面提及既冇轉分段,之後去到青怡花園,有人按鐘(未到站前),司機亦有減速,但冇停車,之後再俾油,直到乘客問做咩唔停車,個司機先為意有人按左鐘,個時架車已經差唔多去到迴旋處

原帖由 ryanlee09 於 6-8-2010 10:41 AM 發表
俾多我未試過,88M原價$3.0我試過好多次都係俾$0.3

88M有獅子山隧道轉乘計劃嘛...減$2.7/$3.5
(2008年加價後，88M收$3.2，轉乘優惠減$2.8/$3.7)

你之前有坐過任何獅隧路線就可以有此優惠...(不包括81S及其他馬場或特別路線)



我試過兩次難忘經驗︰

1. 261天平邨往三聖邨方向..全程收費$12.0，設有富泰往三聖分段收費$3.5
富泰邨上車..要排隊..及該站只有該路線(其他67M/67X/263M等都係另一站)
有兩人不排隊就上車..因為架車都大把位..我先咁強行咁上先過佢地..唔忿氣嘛..佢地唔排隊又上第一...

最後，前面兩者嘟機先..我就睇得好清楚..八達通機同收費顯示屏都係寫$12.0。

跟住我就同司機講，好大大聲話「司機未調分段WO」...除左講俾司機聽，呢句話都專登講俾兩個插隊上車的人，唔知佢地係聽唔到定係點喇...
總之，我就唔使好冤枉咁俾多$8.5


2. 俾少錢...
輕鐵臨時巴士505...冷氣車收費$3.7
山景總站上車，唔知點解睇個八達通機係顯示$0.0(未拍卡已是這樣)..拍左卡，真係淨係收取$0.0(之前冇任何輕鐵或巴士轉乘紀錄)
應該都有八十個客享受左呢程免費冷氣巴....

我最癲個次 .. 都莫過於係紅磡用$14坐E23 返土瓜灣

個次上車唔為意 .. 嘟左先知 ...
後尾我行入車廂... 個carlo叫番我去.. 比番$10我 ...

原帖由 eric278 於 2010-8-6 09:19 發表

對一些有八達通雙向分段的路線，八達通收費顯示正確與否並不足夠，還要看下車拍咭時顯示的回贈是否正確。

我試過10西行轉5西行第二程照收$3.4，然後城巴寄送支票退回$3.4