車長忘記調校分段 引致乘客俾多錢

原帖由 yuiok158 於 2010-8-6 21:59 發表
試過一次係總站搭城記既619去北角
比5.7過海

1714.6由海怡->長沙灣

原帖由 ryanlee09 於 2010-8-6 10:41 發表
俾多我未試過,88M原價$3.0我試過好多次都係俾$0.3  

小巴亦試過比$3搭88C由美景->葵芳鐵路站(收$3.4)

話就話有叮噹提司機，但試過搭269M，報站機無聲既，結果司機就無轉到八仔...

時有發生 , 好似

37司機唔知佢係唔記得轉定係覺得都係收$5唔轉 , 我坐66轉佢就俾多咗$5 , 上咗車 , 諗咗幾秒先SENCE到....結果我算數, 因為年中九巴都俾咗唔少著數我 , 一次過當無數算

試過一次$5.4搭971由南區往九龍。現在經常性發生既係N293由旺角返將軍澳只需$11.8，幾次都係我排頭位落車，我著數完後，司機醒覺，後面個客就要畀返正價 。

原帖由 yunghin2004 於 2010-8-6 17:00 發表
我淨係試過俾小同埋睇住人地俾多

先講俾少 , 有好幾次搭 25A / C 喺寶馬山上車仲係 $3.7 xD

而有次搭某過海線往南區方向 , 去到香隧佢唔記得轉做 $4.9
咁啱嗰陣又落緊大雨 , 有人見車就上 , 不過照俾貴價 ...

我都係多數俾少

最近一次最正係華富去沙田 170 > $5.3，應該係上到總站唔記得轉~

試過用3.6由金鐘坐43X返華貴。
所有金鐘客都係，一開車先還原。

其實大家有沒有想到車長的工資並不會因為多收了的車資而有所改善。
如果你知道八達通的調校出了問題﹐客氣的跟車長說一聲﹐大家都好做點。 試想車長只有一人﹐既要顧及駕車時的安全﹐又要顧及車上的乘客大帝們的要求﹐忘了分段﹐又要給其他乘客及公司責怪﹐換轉你是車長﹐其實真的不好受。  如果你跟車長相熟的﹐加點温馨提示﹐他朝好相見。

之前係屯市搭260X我排第二，當我上車果時望到個價錢器show住$13.3，咁我就等部八仔show番果價都係$13.3，第一個乘客嘟左機都唔知俾人扣左$13.3，我即時話番俾個司機聽等佢轉番$3.7，跟住果司機叫番果個乘客話俾番差額佢，佢話唔要播。

原帖由 edwardyuen 於 2010-8-7 09:40 發表
其實大家有沒有想到車長的工資並不會因為多收了的車資而有所改善。
如果你知道八達通的調校出了問題﹐客氣的跟車長說一聲﹐大家都好做點。 試想車長只有一人﹐既要顧及駕車時的安全﹐又要顧及車上的乘客大帝們的要求﹐忘了分段﹐又要給其他乘客及公司責怪﹐換轉你是車長﹐其實真的不好受。  如果你跟車長相熟的﹐加點温馨提示﹐他朝好相見。

但係我既錢會因多收車資而少左，同埋知道既情況下仲拍落去然後走去同九巴投訴擺明就係玩野，問題係拍卡前知定拍卡後知。

幾年前同朋友o係第一城坐299 去新城市廣場
我朋友上先拍左卡收$6.1
之後我見到叫師姐轉番
去到總站落車o個陣個師姐叫住我地畀番$3 我朋友

又早幾個月坐811 o係火炭站上穗禾苑
我上第一個
拍左卡至發現佢仲係$5.6
結果落車個司機畀番$2 我

其實如果條線係有分段
我都會睇清楚至拍卡
但如果冇(或者係收全費)就通常都拍左就算