12/8 新聞透視 (街道命名)

原帖由 DIH 於 2010-8-13 09:55 PM 發表
我諗節目中訪問的士司機，佢地個難處都係個客話去天ｘ路，但佢地都唔知天ｘ路的位置，
要「怪責」的話其實係佢地冇做好功課，雖然做左幾十年嗟，放本地圖在車上也不是很難為情吧？

不過，天水圍周圍都係住宅區，好難話一邊學校、一邊住宅、一邊公園咁，
一些主要道路地標（例如頌富輕鐵橋）又唔係一定見到，講真如果睇熟地圖認樣唔認名的話，唔難，
但當人地畀你的資料只係一個路名，就真係好巧司機的功力喇。

將軍澳呢，可能因為我成日都去寶林坑口一帶，所以都記到，
但我媽幾年前都試過，當時91M總站仍在安寧花園，
我媽在坑口問人邊度有得搭91M返市區，冇人知，因為那些人都係足不出區的。

有一點我想講﹐便是司機隨身帶地圖又如何﹐真的可解決問題? 唔會比人講唔「專業」?

其次﹐平均每3個月都有新的道路命名﹐這本地圖又要幾耐更新一次?

看來﹐都是帶部手提電腦 + 流動上網 + 這個網址更為可靠 http://www2.map.gov.hk/gih3/view/index.jsp

可是﹐都解決不了邊開車邊查資料的問題﹐都是要找個安全地點停車查資料。以及查資料時的錯別字問題﹐一有錯別字便查不到。


點都好﹐你一要去查地圖﹐call 上的士台問人﹐打電話去求救﹐在乘客角度看﹐便是唔夠「專業」。

真正如這位司機大哥所講﹐一句「專業」真係玩死你。

**************************************************************************************************************************************


其實﹐節目都講了一個幾奇特的問題﹐便是多數乘客只會講目的地的樓宇名/商場名/建築物/屋村名.....﹐係唔會講街道名的(即xx街x號)。

這又反映了另一個問題﹐究竟詳細地址是否只用於寄信之上?


我估不少人都住在大型屋村﹐不論公型房屋及私人屋苑。大家在申請一些服務﹐地址又會如何墳寫?

會寫 : 新界﹐荃灣﹐愉景新城﹐第x座﹐xx樓xx室
定係會寫: 新界 荃灣 青山公路-荃灣段398號 愉景新城﹐第x座﹐xx樓xx室


我相信﹐除了相關信件是由田土廳取地址資料發出外(例如差餉單)﹐全部都會用第一個寫法﹐事實上又真係寄信又完全沒有問題的。


相反﹐你同人講「青山公路-荃灣段398號」﹐真係無幾多個人答到你﹐甚至你問業主都是這樣講。你上的士﹐唔講愉景新城﹐你講「青山公路-荃灣段398號」﹐我肯定司機要花很多時間同你去check 地址






唔好講一些大眾市民點去處理地址﹐又比個例子你看﹐都係唔會講那條街﹐幾多號的

[ 本帖最後由 kei_hk 於 2010-8-15 13:09 編輯 ]

原帖由 kei_hk 於 2010-8-15 11:37 發表
唔好講一些大眾市民點去處理地址﹐又比個例子你看﹐都係唔會講那條街﹐幾多號的;P

很多屋村都有這樣的問題，因為大部分的屋村、屋苑（無論是房屋署還是私人的也是這樣）的大廈都不是對著街道，所以便沒有門牌，不過找回差餉物業估價署的文件，居屋則有列出街道名稱及門牌。

[ 本帖最後由 hkaiw 於 2010-8-15 13:39 編輯 ]

原帖由 kei_hk 於 2010-8-15 11:37 發表


有一點我想講﹐便是司機隨身帶地圖又如何﹐真的可解決問題? 唔會比人講唔「專業」?

其次﹐平均每3個月都有新的道路命名﹐這本地圖又要幾耐更新一次?

看來﹐都是帶部手提電腦 + 流動上網 + 這個網址更為可靠 http://www2.ma ...

再不是就學英國在全部的士裝GPS，每次遇到有地方不懂去便把目的地
輸入到GPS，然後靠GPS引路；
不過問題是香港不像英國有Postcode，要輸入地方名已經頭痛……

[ 本帖最後由 ML29 於 2010-8-15 11:58 編輯 ]

原帖由 hkaiw 於 2010-8-15 11:44 AM 發表

很多屋村都有這樣的問題，因為大部分的屋村、屋苑（無論是房屋署還是私人的也是這樣）的大廈都不是對著街道，所以便沒有門牌。

除非是鄉郊地區﹐沒有正式道路覆蓋﹐否則每一地段都會有一個門牌號碼的﹐而一個門牌號碼所代表的地段是可大可細的﹐大的可以成個屋村﹐細的可以只是一座樓。


事實係政府本身都貪方便或簡化方便大家﹐不會刻意提供詳細地址﹐不會主動提供地段的門牌資料。
連私人發展商都是一樣﹐他們在買地時已經知道詳細地段及街道門牌﹐只是他們除了在賣樓書會提及一下之外﹐都唔會刻意去講的(連賣樓廣告都唔講﹐更甚的可以連地區都唔講 )。



正如我自己住的公共屋村﹐由於已經購入(租者有其屋計劃)﹐所以要自行負責差餉﹐所以才會每3個月收到差餉單﹐上面的地址係會寫得非常詳細﹐而不是某某村某座樓。

而這個地址係會這樣寫的 (番釋成中文)  香港﹐新界青衣xxx路x號﹐xx村第x座﹐YY樓??樓??室。

藍字的是大家常用的地址﹐而紅字係田土廳的詳細地址部份﹐即是政府本身是有這一些資料的﹐只是一般都唔會用﹐便不通知相關使用者。

正如是屋村租客﹐都只會用藍字的地址﹐都唔會加上紅字部份。


所以﹐對於住屋村屋苑的朋友﹐真係會唔知自己住邊一條街的。
因為政府唔刻意講﹐連你入住公屋簽租約﹐都只是用上面藍字的地址。申請公用事業如水電煤都唔會要你填報﹐又唔會用田土廳詳細地址﹐可能真係永遠唔會知到自己間屋屬於那一條街之上 。

即使有幾條街包圍的地段﹐政府都會有一個詳細的地址(即上面紅字部份)﹐唔會唔清唔楚的﹐最多會包括了2條或以上的街上面的地段。

[ 本帖最後由 kei_hk 於 2010-8-16 23:27 編輯 ]

找回差餉物業估價署那份「樓宇名稱」，屋村的地址有不少是沒有確實的街道位置及門牌，有詳細列出街道名稱及門牌的屋村的便有：

．彩霞村：穎竹街18號
．彩雲一村：清水灣道45號
．鳳德村：鳳德道111號
．峰華村曉峰樓：峰霞道6號
．峰華村秀峰樓：峰霞道4號
．興田村：連德道8號
．興華一村：環翠道11號
．海富苑：海庭道2號
．啟業村：啟業道18號
．高翔苑：高超道32號
．利東村：利東村道5號
．黃大仙下一村：大成街3號
．馬坑村：佳美道33號
．模範村：英皇道740 - 778, 786 - 788, 796 - 802C號
．南昌村：昌新里3號
．德田村：碧雲道223號
．翠樂村：翠灣街26號
．翠屏北村：翠屏道19號
．翠灣村：翠灣街3號
．慈正村：慈雲山道80號
．慈康村：毓華街75號
．慈樂村：雲華街10號
．慈民村：慈雲山道55號
．東頭二村：東頭村道183號
．華貴村：華貴道3號
．長安村：担桿山道1號
．祥華村：新運道38號
．彩明苑：彩明街3A - 3D號
．秦石村：盛田街1號
．富亨村：頌雅路6號
．富善村：安埔路12號
．富泰村：屯貴路9號
．恒安村：恒錦街1號
．顯徑村：車公廟路69號
．建生村：良運街3號
．景林村：寶琳北路38號
．葵興村：禾葵里2號
．廣源村：小瀝源路68號
．良景村：田景路31號
．朗屏村：朗屏路1號
．安定村：屯門鄉事會路2A號
．安蔭村：安足街7號
．寶琳村：寶琳北路18號
．博康村：沙角街6號
．三聖村：三聖街6號
．山景村：鳴琴路1號
．水邊圍村：媽廟路17號
．新翠村：翠田街2號
．太平村：保平路8號
．太和村：大埔太和路12號
．大元村：汀角路10號
．天澤村：天瑞路73號
．田景村：田景路10號
．天平村：天平路48號
．天慈村：天喜街9號
．青衣村：楓樹窩路10號
．華明村：華明路21號
．運頭塘村：曉運路10號
．逸東村：逸東街8號
．耀安村：恒康街2號
．雍盛苑：暉明路8號
－－－－－
．晉昇工廠大廈：葵福路85 - 89號
．葵安工廠大廈：大連排路103及113號
．穗輝工廠大廈：山尾街5 - 13號

反而居屋（房委會及私人參建的都有）、香港房屋協會的屋村、香港平民樓宇有限公司的大坑西新村則有詳細列出街道名稱及門牌。

[ 本帖最後由 hkaiw 於 2010-8-15 20:54 編輯 ]

是因為一個門號代表一個地段﹐同一個門號多於一座樓。

所以﹐唔會講明一座樓是那一門號﹐但會好似我上面的例子﹐講講XX街X號??村﹐第?座的。

而有你上面提供的資料﹐最少大家都知道你的物料座落那一條街﹐這是大家所忽略了的。
由於同一門號/地段多於一座建築第﹐便要靠第?座去細分。

於是﹐正式地址便會是 XX街X號﹐??村﹐第X座﹐大明樓?樓?室。  
X是日常不會用﹐因而省略了﹐而? 的是日常會用的。


如果屬多業權難以管理的﹐有需要分開地段的﹐便會拆細門號。例子有如馬頭圍道冧樓位置﹐細分了45A, 45B 等門牌。



至於找不到的門牌的﹐便是政府本身問題﹐沒有做好資料﹐叫人點講邊條街

[ 本帖最後由 kei_hk 於 2010-8-15 14:28 編輯 ]

原帖由 hkaiw 於 2010-8-15 13:37 發表
找回差餉物業估價署那份「樓宇名稱」，屋村的地址有不少是沒有確實的街道位置及門牌，有詳細列出街道名稱及門牌的屋村的便有：

．彩霞村：顈竹街18號

是打錯字吧........

原帖由 hkaiw 於 2010-8-15 13:37 發表
找回差餉物業估價署那份「樓宇名稱」，屋村的地址有不少是沒有確實的街道位置及門牌，有詳細列出街道名稱及門牌的屋村的便有：

．彩霞村：穎竹街18號
．彩雲一村：清水灣道45號
．鳳德村：鳳德道111號
．峰華村曉峰樓：峰霞道6號
．峰華村秀 ...

小弟之前都貼過塊"寶湖道28號"既路牌,係廣福村既門牌
http://hkitalk.net/HKiTalk2/viewthread.php?tid=503619
元州村亦有門牌,係元州街303號

再貼多張
蘇屋村 保安道380號


另外想問下,通常一條街門牌號碼是一邊單數一邊雙數,但係點解有些門牌係有英文字母,係甚麼因素去決定個門牌有無英文字母?
例:廣播道1A

先謝

[ 本帖最後由 ~~Knysna~~ 於 2010-8-17 02:06 編輯 ]

原帖由 hkaiw 於 2010-8-15 13:37 發表

找回差餉物業估價署那份「樓宇名稱」，屋村的地址有不少是沒有確實的街道位置及門牌，有詳細列出街道名稱及門牌的屋村的便有：

．利東村：利東村道5號

其實同一個島上0既西村都係有地址，住宅部份係鴨利洲橋
道 322 號，而街市就係用鴨利洲橋道 330 號。

[ 本帖最後由 nwfb1601 於 2010-8-24 20:43 編輯 ]

原帖由 ~~Knysna~~ 於 2010-8-16 06:03 PM 發表

另外想問下,通常一條街門牌號碼是一邊單數一邊雙數,但係點解有些門牌係有英文字母,係甚麼因素去決定個門牌有無英文字母?
例:廣播道1A

先謝

上面#44 & 46 已講﹐一個門牌代表一個地段﹐而一個地段沒有一個固定的大細﹐可以只有一座樓的大細﹐也可以一個屋苑屋村。當有地段需要分割(例如出讓部份給其他人﹐拆散業權等)﹐便會把原有的門牌加上英文字作為細門牌﹐成為多個獨站地段/門牌﹐當中不會用 i 及 o 的免同數目字撈亂。

而且﹐門段早已編好順序由細至大的﹐不可能因中間要分割而重部編排﹐所以唯一方法便是用英文字母。

[ 本帖最後由 kei_hk 於 2010-8-16 23:24 編輯 ]