[news]電車申加價25% 冀年底生效

巴士公司有其他賺大錢既路線補貼,唔同電車獨沽一味!!

原帖由 053h4 於 2010-8-13 16:59 發表
城巴又係十幾年無加過價, 同佢比我就覺得唔係好合理啦

原帖由 jeff_akqj10 於 2010-8-13 19:43 發表
巴士公司有其他賺大錢既路線補貼,唔同電車獨沽一味!!

係唔合理啦,
唔合理又點?都係要比嫁,

而家講緊現實,
而家10仔確實真係收緊$3.4,
如果丁丁收$3,
比你你寧願舒舒服服嘆冷氣定因為丁丁難經營都支持丁丁?

而正苦保鐵又唔包電車在內,
所以話,
香港電車要發圍真係唔易....


唔加?...又冇可能
而家$2.5合理La

[ 本帖最後由 93A_S3_6:30am 於 2010-8-13 20:03 編輯 ]

其實應該逐步加會冇咁大反彈...好似天星咁...
$2>>$2.2>>$2.5...

原帖由 053h4 於 2010-8-14 01:01 發表
講真, 我就唔清楚電車整個更新計劃係點啦
不過, 如果要電車更新系統裝冷氣, 一定要錢

而有人話同十仔比, 客路根本唔同
電車流水客極多, 絕大部份人坐十個站內, 可以話唔洗點等, 通常一兩份鐘就上到車
10仔有無開到 ...

講到站密及流水客,我可以提一提,我係立法局門口載過一名議員上車,佢係金鐘廊站落,2個站唔使5分鐘,有時唔係話差幾毫子問題,最緊要方便.

電車公司應該有計過數,加左價後會唔會少左人乘坐,加左等於無加,我睇大家可以衡量一下!!

威立雅買入電車實際睇到公司尚有改善空間,另外又要執一執前公司九倉既爛攤子盤數,例如系統老花,折舊,員工開支等.

原帖由 jeff_akqj10 於 2010-8-14 01:30 發表



講到站密及流水客,我可以提一提,我係立法局門口載過一名議員上車,佢係金鐘廊站落,2個站唔使5分鐘,有時唔係話差幾毫子問題,最緊要方便.

電車公司應該有計過數,加左價後會唔會少左人乘坐,加左等於無加,我睇大家可 ...

其實佢之前重組服務，都睇見佢想係有限資源下賺多d，
開多d短棍疏導中區客，
點知又要拖。

我覺得加價導火線應該係呢單

原帖由 93A_S3_6:30am 於 2010-8-13 20:01 發表




係唔合理啦,
唔合理又點?都係要比嫁,

而家講緊現實,
而家10仔確實真係收緊$3.4,
如果丁丁收$3,
比你你寧願舒舒服服嘆冷氣定因為丁丁難經營都支持丁丁?

真係現實?

呢位板友似乎唔係幾了解港島區既交通工具, 電車係勝在站位又多又就腳, 方便同等車快,
舉個例子, 小弟住山道附近返工返信德, 每日就算幾曬幾熱都會坐電車返放工,
返工既話行去屈地街總站上車點都一定有位坐, 落車過條天橋就返到公司,
至於一堆城記流水線, 逼之餘仲未必上到車, 落車仲要有排行返返去,
上唔到車等下一班? 我由屈地街坐到信德先 12 分鐘,
幾分鐘用黎等下班巴士我坐電車都到左七號差館啦...
至於放工, 若果有時間特登等上西車坐, 仲一定有位坐添.
巴士? 你肯畀成六蚊坐 113 咪有位坐, "舒舒服服嘆冷氣"囉...

唔好唔記得, 中上環 d 電車站多同就腳過巴士唔少, 好似上環地鐵站咁,
一落電車過半條馬路就入左地鐵站囉

電車價錢係咪真係最吸引之處? 我見同我同車乘客既衣著打扮,
大部份都唔以話因為要每程慳 $1.4 先揀電車坐...

有部份人係唔想行先搭電車，經常都見到有人座2、3個站就落車，
約0.5km至1km，呢批客其實都佔有不少，加價後會流失多少呢?

電車加價以進行大型翻新工程，但能否增加客量，本人相當有疑問。
其實有議員建議，當局應批准電車開辦觀光線，藉增加收入換取不加價，
可惜政府沒有積極回應。