[news]電車申加價25% 冀年底生效

原帖由 3bx 於 2010-8-14 12:45 發表
有部份人係唔想行先搭電車，經常都見到有人座2、3個站就落車，
約0.5km至1km，呢批客其實都佔有不少，加價後會流失多少呢?

電車加價以進行大型翻新工程，但能否增加客量，本人相當有疑問。
其實有議員建議，當局應批准電車開辦觀 ...

其實唔知係咪我錯覺，我覺得近年來電車上的乘客量比十年前已
大幅下降，以前總係覺得電車永遠都好迫人，而2,2A,8等等反而
中途要上車真係唔難(唔好唔記得以前無8X,8P，8號去到筲箕灣都
已經好多客)

係而家經濟好左(其實只係之前經濟好)，定係巴士加左冷氣，令到
早年有電車乘客回流巴士，令近年電車客量跌左？我覺得早年既電車
唔會成日講要開源，開新線...

其實西區斷估好多客去中上環一帶，中上環一帶電車最優勝既地方
，就係電車站前後總有班馬線，過兩邊對面都比巴士方便。

原帖由 2A_DL13 於 2010-8-14 21:33 發表

其實西區斷估好多客去中上環一帶，中上環一帶電車最優勝既地方
，就係電車站前後總有班馬線，過兩邊對面都比巴士方便。

到時西港島綫一通，電車就失去這個優勢。
剩下流水客支撐，不如開拓海濱觀光好過！

原帖由 3bx 於 2010-8-14 12:45 發表
有部份人係唔想行先搭電車，經常都見到有人座2、3個站就落車，
約0.5km至1km，呢批客其實都佔有不少，加價後會流失多少呢?

電車加價以進行大型翻新工程，但能否增加客量，本人相當有疑問。
其實有議員建議，當局應批准電車開辦觀 ...

你以為政府這麼易會給俱俱一條做平民、遊客坐的電車線伸延入黃金海濱
甲級商廈區？
有地方也多建一條行車線給私家車用吧……除非政府有心同誠哥過唔去！

引用報道:
電車現時每日客量約有23萬人次，較20年前銳減約5成，
近年客量亦每年下跌約1.5%

H1、H2個人認為吸引力只係一般，只不過一部開了頂的普通巴士，
無乜特色可言，世界好多地方都有，不能同香港獨特的電車相比。
閣下可以自行問下旅行，係香港電車或開蓬巴士較吸引?

我想遊客來香港都唔係淨觀光或購物，多加些旅遊觀光設施，
其實都係好事。如果一成不變，香港對旅客的吸引力亦會下降。

巴士流水線客減少，但同時開更多特快線吸客，
但電車根本無得咁做。

繁忙時間見到電車旺區迫人可以代表甚麼? 是否代表電車
客量同昔日比依然咁好?
若果連繁忙時間最旺的地區，電車都載唔滿客，
那時的經營情況相信會好差。
個人只係看出，電車繼續食老本，客量只會續跌唔會升。

開頂巴士的特色真係好有限，bigbus同H1,H2只係海軍鬥水兵，
佔遊客比例低。
若要比較，Bigbus的套票，可同時遊香港及九龍，
並包括山頂纜車及天星小輪，站點全是旅遊點、網上售票等，
而且最重要係外國遊客心中具有知名度。
而H1、H2去的地方唔夠廣泛，係遊客的知名度亦不足。
別以為改做開蓬巴士就會有吸引力。

至於海濱觀光電車有否為經濟帶來效益，也不需與
Bigbus、H1/H2混為一談吧。其實最重要係政府的取態，
若政府對海濱觀光電車睇法負面，都無辦法。

原帖由 3bx 於 2010-8-19 01:34 發表
引用報道:
電車現時每日客量約有23萬人次，較20年前銳減約5成，
近年客量亦每年下跌約1.5%

H1、H2個人認為吸引力只係一般，只不過一部開了頂的普通巴士，
無乜特色可言，世界好多地方都有，不能同香港獨特的電車相比。
閣下可以 ...

旅遊業從來都不是香港主要收入來源，香港政府根本不會放很多資源發展
旅遊，況且香港人一向把經濟效益放在第一位；
同樣地遊客眼中香港也不是甚麼熱門旅遊點，要看繁華都市全球五大洲都
有不少，沒有甚麼必要坐十多小時飛機來香港吸廢氣。

自私地想其實我也希望電車可以增建旅遊線，但看實際情況這個似乎只是
天方夜譚……