港鐵公布高鐵西九總站設計

根本係香港市民對非緊急民生事情極度冷感，
個人經驗，用晒寄信、電郵、電話加中間人轉介四重方法邀請去公眾參與規劃，
出席比率都仍然係低到令人沮喪既水平，咁又係做規劃既一方可以改變咩？

原帖由 DIH 於 2010/8/18 22:01 發表
同埋，我諗一般市民，如果對高鐵有興趣的話，而各大搜尋器都搵唔到，
都會識得去www.mtr.com.hk，「顧客資訊」見唔到，見到首頁有個「公司資料」，
都會好奇走入去睇下卦，咁就會搵到高鐵網站喇。冇人教我點用MTR個網架喎。

www.mtr.com.hk  哪裡有 link 去 www.expressraillink.hk ?

原帖由 syp 於 2010-8-20 08:06 發表


www.mtr.com.hk  哪裡有 link 去 www.expressraillink.hk ?

謝謝提醒，原文已有所補充。

另外有幾點：
1. 1998年新機場開幕時「倒瀉籮蟹」，客運大樓也還有一角未完成，這些都是幾年之前難以預料的。
　我想說關於高鐵總站的是同樣道理，就是世事無常。
2. 關於是否一地兩檢的問題，我記得當時政府的回應大致如何。
　所以，我對某報指出站內有中、港兩地口岸措施一句，亦都存疑。傳媒理應說成是「可以容納」。

[ 本帖最後由 DIH 於 2010-8-20 10:03 編輯 ]

原帖由 DIH 於 2010-8-18 22:01 發表

可能我家人冇行街的習慣啦，擺展覽對佢地而言都係冇用。
（註：此段後半旨在說明香港一般市民的公眾參與率極低。香港公司講求成本效益，
　提供資料的一方，明知參與率不高，因此少提供資料及少主導公眾參與實屬平常。
　我不是贊同或鼓勵此種閉門造車的作風，但這不是單方面改善可以成事的，
　短期內我也看不出提供資料的一方會有甚麼改進，反之我看到的是越來越封閉。
　港鐵是否公共事業機構、佢自己覺得係唔係、實際上又係唔係，我也搞不清楚。
　然而，客觀事實就是，即使提供很多細節性資訊，大部分市民看完都是水過鴨背。
　大部分市民水過鴨背不足以成為港鐵資料不足的理由，只不過佢自己當這是理由。）

仲記得10幾年前果陣，唔知係咪好多基建興建中
當時好多展覧都俾公眾去睇，並且係d多人去既地方搞
e.g.大型商場、科學館
所以容易吸引多d人去睇

邊好似而家咁，有d基建展覽只會係大學校園,少人去既地方進行
亦欠缺宣傳，部份展覽甚至只限行內人士參觀
俾人既感覺愈來愈蒙閉
好似啟德/新政府總部展覽咁
話就話係地鐵站搞，但都係好小型，但幾塊展板+細模型
係果度搞係多人知，但好多都係路過就算
同以前d基建展覽比
規摸真係差好遠

近年算有聲有色既，算係5年前搞既西九文化區展覽la

p.s.從財經界角度/部份人士睇，港鐵而家同地產商冇咩分別
所以近年俾人感覺係閉門造車，完全唔似一間公共事業機構

[ 本帖最後由 AL_71 於 2010-8-20 12:15 編輯 ]

原帖由 AL_71 於 2010-8-20 11:59 發表


仲記得10幾年前果陣，唔知係咪好多基建興建中
當時好多展覧都俾公眾去睇，並且係d多人去既地方搞
e.g.大型商場、科學館
所以容易吸引多d人去睇

邊好似而家咁，有d基建展覽只會係大學校園,少人去既地方進行
亦欠缺宣傳，部 ...

我都有印象，以前會特登走去睇新機場等的展覽，應該係機管局搞的。
睇返而家各項基建，大部分都係港鐵，非關港鐵的有深圳灣口岸、港珠澳大橋、中環灣仔繞道等。

相比之下，政府或MTR在近年的作風可以歸納成：
1. 大事小事化：牽涉幾十萬人甚至全港幾百萬人利益的工程，濃縮成只求立法會幾十位議員通過。
2. 交流膚淺化：萬事早已內部既定，所謂諮詢只係做show，只是「知會」儀式罷了。
3. 目標小眾化：第一點都提過只求議員通過；另外，就如板友話齋，展覽等等只有行內人才得知。
4. 矮化持份者：與其說一般市民意見不大，不如說一般市民根本不知道有甚麼工程，何來畀意見。
5. 自掃門前雪：各部門極之官僚，各自為政，政府自己也不協調，如何統一槍口，應對外來質詢？

我的感覺是，政府或港鐵認為我畀你知都冇用、你又唔明亦改變唔到事實，不如慳返。
乜都計住度住，但就算市儈都係咁話，人心係要「收買」的，不付出，如何期望市民會有正面反應。
又或者話，佢地完全沒有面對群眾的意思和準備，只係「按章工作」打掃好門面。

面對不斷耍公關的港鐵，我是心淡了，可能出於麻木，我對它已經沒有要求。
老實說，高鐵站幾多綠化、幾多空間，我都係聽住先，根本沒有對它太認真。

[ 本帖最後由 DIH 於 2010-8-20 16:08 編輯 ]

原帖由 DIH 於 2010-8-17 22:46 發表
我爸雖然支持高鐵，但佢今日先知道／確定高鐵總站位置其實即係以前的佐敦道碼頭，
重恍然大悟咁話「我地搭11號咪去到囉！果度都好旺丫！」。
之前「西九」前「西九」後，佢一直以為係南昌站一帶，因為深水埗西九龍中心先入為主。 ...

你爸冇睇新聞?
班80後成日講高鐵總站位置同九龍站上蓋物業發展官商勾結

原帖由 93A_S3_6:30am 於 2010-8-20 21:47 發表


你爸冇睇新聞?
班80後成日講高鐵總站位置同九龍站上蓋物業發展官商勾結

我爸成日睇亞視及無綫新聞，不過佢係一名40後，自己有主觀意見就好難打破架喇～
再者，我諗佢見到班80後就已經選擇性失聰，好彩佢個仔我冇去圍立法會咋。
報紙呢，佢睇東方，我睇明報，互不交涉。

我又要再畫埋條腸：我睇明報係因為算係比較有字可以咀嚼，最喜歡睇副刊，
今日先見到黃明樂寫，睇報紙，只要自己肯思考各家論點，睇一份已經足夠。我無話我做得好好。

我在好耐以前的討論都講過，成日西九西九，其實個站就係在佐敦，
然而政府及傳媒一直沒有用市民熟識的字眼來使人覺得其實唔係好遠。

去廟街、中港城等等港人熟識的地點，都在步行距離之內，去彌敦道都只係一個地鐵站的距離，
搭西鐵一個站到尖東，搭東涌綫一個站到中環，西九真係好唔方便咩？
可惜政府只是機械式地拋出三幅被，一堆幾多％幾多萬人的數據，即使是對自己有利，都係搞到一塌糊塗。

我亦有同從事財務業的朋友解釋，你而家覺得西九好荒蕪，但開個地圖睇下，成塊地就係預晒畀高鐵站，
左邊一條東涌綫，右邊一條東西綫，巴士綫去到全港大部分地方，西九高鐵總站就係最後一塊拼圖。
講完之後佢再實地視察，再加埋我同佢講晒區域快線、中國高鐵、高鐵港段等等的來龍去脈，
佢即使係錢財至上，都覺得呢700億用得無錯。在沙中綫問題上，又同佢解釋埋港鐵係一間地產公司這個「真相」。

[ 本帖最後由 DIH 於 2010-8-20 23:38 編輯 ]

原帖由 DIH 於 2010/8/20 09:55 發表
1. 1998年新機場開幕時「倒瀉籮蟹」，客運大樓也還有一角未完成，這些都是幾年之前難以預料的。
　我想說關於高鐵總站的是同樣道理，就是世事無常。

1991 年總綱計劃, 客運大樓原位置比而家較東, 但大樓會有不少部份在填海區上, 可能影響進度。大約一兩年後, 當局修改總綱計劃, 將大樓西移, 就只餘下「一角」建於填海區上, o個「一角」就可以遲o的起, 呢個係幾年前預定的, 絕對唔係 98 年「倒瀉籮蟹」臨時起唔到。唔知咁樣算唔算 "幾年前難以預料"。

[ 本帖最後由 syp 於 2010-8-20 23:48 編輯 ]

原帖由 AL_71 於 2010/8/18 21:21 發表


要知道既係電視台，報紙唔會將記招全部內容講哂出黎
只講部份精彩內容，其他細節既野未必有講

高鐵專用網站仲好笑
用Yahoo, google search 廣深港高鐵/廣深港高速鐵路 keywords都搵唔到呢個網站
你回文果陣我先至知道 ...

8 月 17 日o既西九總站介紹, 今天 (20 日) 終於 update o左專用網站。

遲 3 日算唔算遲? 我覺得都幾遲 ... 應該公佈即刻 update (好似今日西九文化區都係立即 update 網頁), 但由於佢係港鐵公司, 遲 3 日 ... 算好好o架喇。