班次疏的碼頭路線會和渡輪配合開出嗎?

班次疏的碼頭巴士路線,當然唔係講市區,
例如是西貢黃石碼頭或大嶼山梅窩碼頭的情況.

我早前乘船到黃石碼頭,準備轉九巴94到西貢市中心,
下船後發現94班次,大約是可讓乘客不用久等就可以搭船,
反之亦然,不過今次94遲到了約十分鐘,渡輪卻沒有開走,等候
下了車的乘客步行到船上才開走. 這種情況是,船公司只有一部
船在循環行走服務,所以該日的班次相信只會順延下去.

不過我不是在此研究渡輪服務,因為這是B2版,
但如果是渡輪比原定時間遲到,巴士又會否等渡輪?
很老實說車船也好,如果不等轉乘者就開走的話,就是蝕本,
感覺上巴士行車時間比船反而較易受影響,例如乘客在中途站
的上落次數,修路,碌車...等等

黃石碼頭的例子還好,至少時間表上都是配合的.
以前沒有青馬大橋的日子,梅窩碼頭相當興旺,車船的
班次亦十分配合,但不知到了何時(因為嶼南班次減班?)
在梅窩下船而搭嶼巴,往往等十五分鐘以上,反而由嶼巴
轉船的等候就不算太久.

[ 本帖最後由 kitarolo 於 2010-8-30 00:05 編輯 ]

以前新渡輪仲有屯門東涌線年代，城記S56係與屯東線配合的。現時富裕負責，無呢支歌仔唱了。

當年的非定規班次，加上雞鴨寳套餐，簡直

現在港島的巴士，63勉強吧(觀塘船大概28/58分抵步，跑出去剛剛好00/30。不過車不等人，一個唔覺意 )

至於博扶林的巴士，我看7號的22-25分鐘簡直是九巴化，落船等餐懵

以前中巴88也會私下修改班次來遷就渡輪客

以前未有青馬橘﹐出入大嶼山主要只有梅窩。

基本上每小時有一至2班船﹐所有島上的巴士線開車時間﹐都是配合了船期的。

例如最長的大澳線﹐大約要行一小時﹐而船期假設是00分開﹐大澳便會在55分開車﹐1小時後的55分便會到梅窩﹐乘客便可轉船了。
而梅窩開出的﹐都是船到後5-15分鐘開車﹐視乎不同線而定﹐以免同一時間全部開車﹐令到嶼南路同一時間有大量巴士﹐之後又無晒車﹐分散一些班次﹐不需太過集中。

其他的路線都是相同的安排的﹐而例外的應該只有上寶蓮寺的車﹐因長期都係人等車﹐巴士應接不暇﹐長開長有。


有人會問﹐究竟會唔會出現有客上唔到車而要等多一小時才可回到梅窩?  
答案係只有好少數的情況才會﹐因為大澳及昂平都有一定的後備車Standby ﹐當客量超出預期﹐便會開動這些後備車﹐已巴士公司也會調派吉車去填補原本後備車的位置﹐減少因滿座而上唔到車的問題。
同時﹐在一些熱門的中途站﹐如塘福貝澳等﹐也有巴士公司職員去留意情況﹐一見唔對路又會加車去行的﹐務求中途大站唔會有站2個小時都少唔到(即走了一班正常車/船)。

也因為大嶼山巴士有一個獨特的情況﹐要配合船期﹐所以傳統(以前)帶到現在都有一個文化﹐便是一有客便會盡量滿足需求﹐盡量開加班車去疏導乘客﹐以免等完巴士又要花時間再等渡輪。

前幾年假日入camp
當D客源源不絕地落船既時候
D嶼巴就自動自學就會入站上客...
真係其實值得讚

原帖由 Snoopy@FB8617 於 2010-8-29 23:49 發表
前幾年假日入camp
當D客源源不絕地落船既時候
D嶼巴就自動自學就會入站上客...
真係其實值得讚

題外話：B2/P也有如此靈敏
不知道1R會否有類似安排呢？

原帖由 Snoopy@FB8617 於 2010-8-29 23:49 發表
前幾年假日入camp
當D客源源不絕地落船既時候
D嶼巴就自動自學就會入站上客...
真係其實值得讚

咪唔記得嶼巴背後有龐大既支援

#5 解釋得好清楚,因為大部份情況,
後備巴士(以及司機)會比後備船隻容易得到,嶼巴
大部份總站,總是有後備車,亦因為嶼南不可能再有雙層巴士.

就算我開文所講的情況,九巴94平日雖然只有個位數字的客量,
始終都要用雙層,就可能係為免一旦有爆滿問題,而要久侯下一班,
否則最近都要由西貢市中心派車,即是等下一班的時間!(除非在北潭涌
閘口停泊後備車,無其他更近而可泊巴士的地方)當然假日就可以由96R協助.

原帖由 kitarolo 於 2010-8-30 00:51 發表
#5 解釋得好清楚,因為大部份情況,
後備巴士(以及司機)會比後備船隻容易得到,嶼巴
大部份總站,總是有後備車,亦因為嶼南不可能再有雙層巴士.

就算我開文所講的情況,九巴94平日雖然只有個位數字的客量,
始終都要用雙層 ...

94 平日如果撞唔岩船期，
就會較少人（但除左早上出西貢市中心方向之外，其實又好少話會少到個位數字），
但如果撞岩船期，果架車多數都至少會坐左半車人的，單層既話應該載唔晒

而且該 2 個字軌都有機會撞岩船期
總不能呢轉車撞唔岩船期就於套架單層，下轉車撞岩船期又換番架雙層吧......