屯門碼頭招標情況

今日才醒起，屯門碼頭已於 8月22日 截標。

究竟有冇人肯入標呢？

不太睇好

如果是想做國內線的(珠海除外)﹐屯門碼頭一定唔係好地點﹐沒有重型鐵路﹐附近又是住宅區﹐更大問題是有陸路代替品﹐比水路更快更有效率。

如果跟回最初的想法去澳門﹐有澳門航權的幾家公司﹐都未必會做﹐主要是沒有多出的船來營運﹐一旦要做屯門線便一定要cut 現有的航班﹐但面對有限的客源﹐未必值得做。

最後﹐只有珠海線會有機會﹐用陸路去一定唔夠水路快﹐而珠海線的船公司也有足夠的船去營運﹐現時來回九龍及香港的航班客量也不錯。問題又只有一個﹐便是他們生意眼光﹐會不會去投多一條線來營運。

我都認為好難開得成。

幾年後，港珠澳大橋起好，更冇人搭船去珠海。

可否由中港碼頭開O既船加一個站停屯門呢? 可能用多10分鐘

應該唔止多 10 分鐘。

中港城開去屯門，起碼要行多 5 分鐘路程。
減速埋頭泊船至少 5 分鐘，
上客至少 5 分鐘，
閂門解纜開新又 5 分鐘。

一個唔小心攪攪下，隨時攪足 30 分鐘，
船程多左，油錢又多左，
條船每日走的轉數又少埋，
可能連中港城 D 客都嫌慢唔幫襯。

唉，屯門碼頭，點計都冇得做。

住北區的真係只有返大陸快咋。

[ 本帖最後由 storylai 於 2010-9-14 13:30 編輯 ]

原帖由 storylai 於 2010-9-14 01:29 PM 發表
應該唔止多 10 分鐘。

中港城開去屯門，起碼要行多 5 分鐘路程。
減速埋頭泊船至少 5 分鐘，
上客至少 5 分鐘，
閂門解纜開新又 5 分鐘。

一個唔小心攪攪下，隨時攪足 30 分鐘，
船程多左，油錢又多左，
條船每日走的轉數又少埋，
...

如果是北上(如番禺﹐南沙﹐順德等地)﹐都叫順路﹐不過正如上面講﹐要成30分鐘值唔值得?

仲有﹐上面的時間未計隻船要等泊位的。


但如果是去澳門及珠海﹐便不是順路了﹐更加不值得這樣做。

一個參考時間﹐由中港城開船﹐以CKS的船隊大約33海浬的速度航行﹐太約要25-30分鐘才到屯門碼頭對開海面。如果是珠海澳門船要加停屯門﹐連同上落時間﹐可能整個航程要2小時分多一班獨立航班好過。

咁機場線延伸至屯門有無可能
反正機場線客量又唔係好夠,而且離機場距離不遠

機場過黎都十幾分鍾啦...但唔係好順路喎= =

[ 本帖最後由 CTB179@CTB 於 2010-9-16 20:34 編輯 ]

可行都唔未必會有公司市肯咁做.....
以而家海天碼頭的班次可以睇到....
掛港的班次都只係在海天碼頭載客再前往澳門/內地....
仲未有一間公司會澳門/內地開,在海天碼頭放低班轉機客...
再將其他乘客載往香港入境....

估計其中一個原因,係船公司怕有轉機客冇在海天碼頭登岸而做成混亂...
所以有冇公司敢做都係一個問題...
(除非間公司肯回程時只係直航屯門...唔做轉機客)

[ 本帖最後由 barca_399 於 2010-9-16 21:01 編輯 ]

機場都唔係冇得做既...
不過會係MAC - AIRPORT - TUEN MUN - AIRPORT - MAC...........................
這樣會吸引左一D 新界東同西的人用.....時間相比去中環上船唔會差好遠...分分鐘仲有時間剩出黎...
如果想要好生意再加獨立運作, 政府要求將西鐵延伸到屯碼, 咁一定會吸引到好多人黎坐...( 雖然妄想)
同時約屯碼附近變成一個交通樞紐站...

[ 本帖最後由 ED3720Tang 於 2010-9-16 22:40 編輯 ]