沙田廠計劃會搬?

原帖由 Wright---AVW16 於 2010-9-15 18:22 發表

石門站C出口對出仲有既，不過起完之後可能會令到密度太高

諗密度之前不如先諗碩門村班人制唔制先啦
如果是 A 出口果邊(鄉議局後面)就到碩門村 OK 但一城唔肯過你

沙廠要搬的話我想可能地點包括馬料水前秤車站, 科學園南側, 大學站前,
再唔係就重置沙田消防局。

其實大家咁緊張做咩……根本宜家政府只係話考慮將有關地段o既用途由工商業類轉做住宅類，但係如果係私人地段
o既話，要更改用途都係要同政府申請同埋補地價。由頭到尾成篇報道無話過沙田廠有計劃要搬，甚至九巴發言人回
應明報查詢時都話「要再了解詳情，現時沒計劃更改車廠位置。」可能要搵定地方搬o既應該係城記/鐵記/大巴士 le
三間公司o係火炭o既廠房，因為政府有意收番用o黎起公屋或私營房屋。

Le 篇文講到實牙實齒話「塊地可能要轉住宅」根本就係誤解文意，轉住宅（用途）完全唔代表塊地一定會由巴士廠變
成住宅。就算真係要搬，要o係沙田搵番一塊咁上o下大o既地（2.1 公頃）又要無人反對，真係一o的都唔易。

[ 本帖最後由 ATE24 於 2010-9-15 21:04 編輯 ]

原帖由 ATE24 於 2010-9-15 21:01 發表
其實大家咁緊張做咩……根本宜家政府只係話考慮將有關地段o既用途由工商業類轉做住宅類，但係如果係私人地段
o既話，要更改用途都係要同政府申請同埋補地價。由頭到尾成篇報道無話過沙田廠有計劃要搬，甚至九巴發言人回
應 ...

港台都有報
http://rthk.hk/rthk/news/expressnews/20100915/news_20100915_55_698648.htm
有得俾佢起住宅
你估九巴會拒絕政府咩?
睇下曼克頓山

我想 confirm 一下：沙田廠塊地係九巴自己買，定係同政府長租？

沙田廠塊地係靚地，近馬鐵站同第一城，景觀開揚，如果我係何達文，塊地又係自己的話，一定拎塊地去俾新鴻基起樓。

[ 本帖最後由 da54 於 2010-9-15 21:32 編輯 ]

原帖由 da54 於 2010-9-15 21:29 發表
我想 confirm 一下：沙田廠塊地係九巴自己買，定係同政府長租？

沙田廠塊地係靚地，近馬鐵站同第一城，景觀開揚，如果我係何達文，塊地又係自己的話，一定拎塊地去俾新鴻基起樓。 ...

如無記錯，係自己地

原帖由 Eddie 於 2010-9-15 21:24 發表

港台都有報
http://rthk.hk/rthk/news/expressnews/20100915/news_20100915_55_698648.htm
有得俾佢起住宅
你估九巴會拒絕政府咩?
睇下曼克頓山

拎o左去起樓，o的巴士泊邊？

同政府傾掂數補地價再搵得地o黎起過間廠，分分鐘拖到沙紅段起好都未得。

況且，o個度宜家四周圍都仲係工廠大廈，如果其他人唔肯轉用途你都係死路一條。
你問我住唔住o個度？宜家咁o既環境，送都或者可以考慮o下，要錢咪搞我。

原帖由 ATE24 於 2010-9-15 21:56 發表

同政府傾掂數補地價再搵得地o黎起過間廠，分分鐘拖到沙紅段起好都未得。

況且，o個度宜家四周圍都仲係工廠大廈，如果其他人唔肯轉用途你都係死路一條。
你問我住唔住o個度？宜家咁o既環境，送都或者 ...

起好沙中線就自然會 cut 巴士，到時搵地方亦唔駛搵咁大塊地。

曼克頓山一樣搞左好幾年先可以傾掂數... 甚至當年要拉埋延續專營權一齊講，九巴亦要自費起新廠，
不過最後收入係講緊幾十億，仲多過一年的車費收入，額外盈利更係正常的幾倍。

至於環境更加唔需要擔心。日出康城都咁多人買，我真係唔覺呢個位置會無人有興趣。

原帖由 ATE24 於 2010-9-15 21:56 發表

況且，o個度宜家四周圍都仲係工廠大廈，如果其他人唔肯轉用途你都係死路一條。4 s( U6 l; _+ A; M! b# Y
你問我住唔住o個度？宜家咁o既環境，送都或者可以考慮o下，要錢咪搞我。.

爵悅庭附近既工廈比呢度更密, 一樣大把人住

原帖由 da54 於 2010-9-16 00:17 發表

起好沙中線就自然會 cut 巴士，到時搵地方亦唔駛搵咁大塊地。

曼克頓山一樣搞左好幾年先可以傾掂數... 甚至當年要拉埋延續專營權一齊講，九巴亦要自費起新廠，
不過最後收入係講緊幾十億，仲多過一年的車費收入，額外盈利更 ...

沙田, 九龍灣及屯門之土地租賃權均是由九巴擁有, 其他泊車用地則是以短期地租租賃

一個地區地段由改變規劃到最後物業入伙所需時間很長, 規劃過程牽涉業權轉移, 補地價及換地等

曼克頓山早於二千年由新鴻基及載通旗下荔枝角物業投資有限公司發展, 當中計劃可追溯至載通上市公司重組的時候。 其物業賣樓收入都是近幾年才陸續入帳, 除了一次性收入, 其他租賃及物業管理收入就遠不及本行,

跟以往不同, 新西九龍填海地段屬短期租賃模式租予九巴興建廠房, 土地使用期直至專營權結束

九巴火炭車廠地只是每4個月續一次, 明年一月到期, 現在放風改變用途都不遲了

[ 本帖最後由 GK9636 於 2010-9-16 15:50 編輯 ]

原帖由 hkbw 於 15/9/2010 16:05 發表


再唔係富安對出天橋底又得, 水泉澳擱置左既原公屋用地又可以, 再過份D既話, 不如起入去石礦場

水泉澳......有機會重見天日喇, 睇下十月份「師正布誥」可能會有野講。