葵涌, 荃灣算唔算係市區?

原帖由 kei_hk 於 2010-9-19 13:11 發表
市區..... 先來一個定義好嗎?

已發展區﹐已經城市化的地方﹐有足夠的社區配套。
鄉郊地區﹐便是市區的相反。


是不是九龍及香港便是市區?

市區﹐又是否氾指一些多人聚居工作的地方?


似乎﹐「市區」一詞在不同人的心目中有 ...

我覺得以香港黎講市區唔單只係多人聚居工作的地方咁簡單
而係果地方既發展模式同新市鎮/ 鄉郊果種有明顯唔同
例如葵涌, 荃灣你睇上去明顯唔係後期新市鎮果種發展格局
而係沿用九龍果種‘舊區’既方式去發展
相反好似樓上提到既赤柱，淺水灣，或者山頂咁係近郊模式
就似乎唔適合包埋呢d地方做市區

原帖由 KS 於 2010-9-18 23:41 發表
唔好意思,
我從來都冇睇過運輸署資料,
唔知新界的士不能在深井服務的

因為根據本人經驗,
每一次來往機場同深井,
機場往深井, 我就一定排新界的士, 冇試過有司機拒載,
深井往機場, 我就會電召新界的士,
而平日係 ...

根據運輸署資料, 新界的士係可以在深井區服務，去到青山公路汀九為止。
綠的係深井屬合法經營地區，只係平時比較少車係那邊出現。

原帖由 3bx 於 2010-9-19 23:19 發表


根據運輸署資料, 新界的士係可以在深井區服務，去到青山公路汀九為止。
綠的係深井屬合法經營地區，只係平時比較少車係那邊出現。

根據法例374E 章《道路交通 ( 車輛登記及領牌 ) 規例》附表 7, 原來新界的士係可以行駛屯門與汀九橋下的麗都停車場之間的一段青山公路，以及由該段青山公路通往其他地方的區內通路

我被運輸署網頁誤導了

[ 本帖最後由 kiwai 於 2010-9-20 08:43 編輯 ]

大家漏了一個：

全港的公屋主要分佈在四個區域內，分別為市區(包括港島及九龍)，擴展市區(包括東涌、沙田、馬鞍山、將軍澳、荃灣、葵涌及青衣)，新界(包括天水圍、大埔、粉嶺、上水、屯門及元朗)和離島(不包括東涌)。由於市區現時沒有足夠公屋可供編配予所有輪候冊申請人，申請人只可從其餘三個非市區的地區中選擇一區作為將來編配公屋的地區。

房屋署把東涌、沙田、馬鞍山、將軍澳、荃灣、葵涌及青衣歸類為"擴展市區"，大概都是根據樓上各人所說的方法去劃分吧~

回樓主：用呢個 concept 去分，葵涌、荃灣係"擴展市區"，咁你話算唔算係市區???

quote:http://www.housingauthority.gov.hk/b5/residential/prh/rentaflat/0,,,00.html

[ 本帖最後由 thomas_tang01 於 2010-9-20 10:35 編輯 ]

原帖由 HG6729 於 2010-9-19 11:46 發表
我又有另1個白痴的版本
誠哥其下的葵盛樓盤 , 可以面對海的, 就標榜九龍地段!
如果你在葵涌的物業係面對海的  , 咁你就住在九龍了

相當多葵涌區既工厂都標示係'九龍葵涌'既.
荃灣既悅來酒店前稱係'九龍悅來酒店'
盈暉台現屬深水步區,但售樓書指屬葵涌市地段而非新九龍內地段.

原帖由 hkicq 於 2010-9-20 12:38 發表
相當多葵涌區既工厂都標示係'九龍葵涌'既.
荃灣既悅來酒店前稱係'九龍悅來酒店'
盈暉台現屬深水步區,但售樓書指屬葵涌市地段而非新九龍內地段.

盈暉台位置的確比較尷尬
印象中佢正正係踩住兩區界線
所以好難話佢屬於邊一區

原帖由 JX9097 於 2010-9-20 12:48 發表


盈暉台位置的確比較尷尬
印象中佢正正係踩住兩區界線
所以好難話佢屬於邊一區

睇睇 e 度

"由於九華徑以南的呈祥道是深水埗區及葵青區的分界，所以該處可以屬於葵青區，也可以屬於深水埗區，結果以往第二和第三座屬於葵青區，第一座以及位於該屋苑地面的荔枝角巴士總站卻屬於深水埗區。2007年起，盈暉臺完全屬於深水埗區。"

Source: http://zh.wikipedia.org/zh-tw/%E7%9B%88%E6%99%96%E5%8F%B0

即係話而家已經變左係深水埔區 ~

點解東涌會被歸類做擴展市區？

不過其實睇地鐵既發展，某程度上都可以睇到政府點樣將葵涌荃灣分類。如果葵涌荃灣係新界既話，荃灣線又點會早係1982年就通車？（同期沙田得到既，只係一條「近郊鐵路」）

不過個人黎講，我覺得葵涌荃灣同觀塘區比較相似，大家都有工業區同埋大量（重建過既）公屋，社區設施亦有一定的相似度

觀塘, 荃灣, 同沙田係設立新市鎮之前的三個 "衛星城市". 地鐵的初稿, 三個都有路線通九龍, 不過成本問題, 沙田線用九廣鐵路電器化取代左.

原帖由 Wright---AVW16 於 2010-9-20 17:55 發表
點解東涌會被歸類做擴展市區？

不過其實睇地鐵既發展，某程度上都可以睇到政府點樣將葵涌荃灣分類。如果葵涌荃灣係新界既話，荃灣線又點會早係1982年就通車？（同期沙田得到既，只係一條「近郊鐵路」）

不過個人黎講，我覺得葵涌荃 ...

其實起戰前已經建議過起觀塘支綫，但係最終無下文。

撇除「新界=郊區，港九=市區」呢個諗法，荃灣、沙田同觀塘鐵路布局都係「近水樓台」式欽定：沙田本來已經有城際鐵路經過，加近郊服務最直接；荃灣同觀塘同原有鐵路隔咁遠，啱線想起地鐵，就駁埋啦。如果早十年起鐵路入荃灣/觀塘，相信會係傳統近郊鐵路。

[ 本帖最後由 ArnoldC 於 2010-9-20 21:49 編輯 ]