九巴服務 真係日日進步嗎?

個人都係 970/X 常客，呢期就搭少左，同時搭多左其他九巴聯營紅隧線，
970/X 的確比以前疏左，亦覺得不嬲都存在既 970X 碌車嚴重左 (但碌車程
度都未夠九巴班碌車司機)，以前都係借 d 意俾部 970 行先，近期就真係
碌到出神入化，親眼領教過兩次有部 970 離遠響瑪麗上緊客過海，部 970X
竟然拉手制停車響前一站心光學校果度等部 970 響瑪麗開走先至開車去
瑪麗 (心光學校個站根本無人上車)；另外以往響瑪麗等車都會經常見到
有私牌十二米大躉駛過，估計都係行 970 去清大學打後既客，呢排真係
唔多見。

但講班次差，970/X 都勉強仲叫做密密車，九巴隧道線就真係離曬大譜，
以往 905 九巴係少有九巴密過新巴既聯營線，而家? 響西環等 905 九巴
時候真係唔駛旨意上到車，企到門口位要偷笑。而家直頭見有 5B/10 就
上車然後香港站轉港鐵算。




傳說中尋日沙田廠收左五十個字軌喎!


[ 本帖最後由 fokck 於 2010-9-19 13:32 編輯 ]

我朋友琴日係大欖等左半個鐘
佢話269c/268c班班滿
大約有60人等車
佢等到第四班先逼到上部大白龍

琴日夜晚大概 2100 左右係彩園等 273A
岩岩去到果陣前車走左 咁就唯有等下一班啦
之後等呀等 等左 13 分鐘先有 273A 返
部車一翻都呢就即開因為已經過左預定開車時間
最勁既係 因為班次拉疏左 係上鐵等 273A 既人 >= 100
根本就上唔曬部車  只少十幾個人上唔到車

[joke]所以呢  想服務好呢  真係打的好過[/joke]

** 1)  273A 星期六 , 日 at least 收個  08
2)  琴日夜晚由彩園去到欣盛要 42 分鐘   ( 無塞車 )
KMB  ,  勁呀

[ 本帖最後由 5962 於 2010-9-19 13:48 編輯 ]

其實會唔會塞車令到269C 無車....
眾所週知, 龍翔道一塞車就會塞好耐...

[ 本帖最後由 HA7874~HC2110 於 2010-9-19 14:05 編輯 ]

原帖由 5962 於 2010-9-19 13:41 發表
琴日夜晚大概 2100 左右係彩園等 273A
岩岩去到果陣前車走左 咁就唯有等下一班啦
之後等呀等 等左 13 分鐘先有 273A 返
部車一翻都呢就即開因為已經過左預定開車時間
最勁既係 因為班次拉疏左 係上鐵等 273A 既 ...

繁時搵架的士都難，
又交更又架架坐滿人，

個時返工最憎係黃昏送貨比客。

有次行去灣仔訓練池等104過海送貨，
九記有個稽查企係個度玩野，我上左架AVW差唔多頂閘，
但個稽查話要清客，話頭先甩班多人等，

而個司機話，後面架車好快黎，仲等!?

我覺得今日呢行，服務唔係問題，員工士氣先係最大問題。
入去做新仔渣車，一次過叫你記幾十條線...
仲有合約制、每年1次加人工等問題...

服務退步嘅又點止九城新三巴

前日放學返屋企時
慣例性嘅係裕東苑站等E31番逸東
因為只有轉E31先可以唔洗額外俾錢
但我竟然等左接近半個鐘都無E31
最後火都黎埋
逼於無奈上左38做閘長

唔知係咪同收車有關啦
但龍運唯一一條有免費轉乘返逸東嘅路線甩班甩到咁，
逸東乘客返屋企要轉車都算啦，提供免費轉乘嘅路線又唔係密過人，搭最密個條轉乘線又成日要做閘長，擺明屈人俾多$2.1罰企..
（坐城巴仲慘，S52同E21A一樣都係疏車線，E21A仲要甩班甩到工整班次變哂極品班次）
[OT]龍運呀龍運，將E線>S64轉乘優惠改做免費轉乘好唔好？[/OT]
（其實E31服務都無退步到，E31不嬲都無乜進步喎架啦，又點樣退步呢？）

不過暫時黎講，其他E線都可以嘅...係E31特別衰...

原帖由 FBI2 於 2010-9-19 12:30 發表


老實說,一說碌車收車就矛頭指向九巴,新巴而家冇碌車嗎?
上星期我係灣仔搭101返觀塘,用左75分鐘,原因唔係因為塞車(當然係有少少塞,但係唔嚴重),而家6架101集體碌車搏私牌.最後當然返到觀塘私牌走啦,
但也換來的是乘 ...

新巴101 碌車
我都坐過
係太子道東,觀塘道中線二波低轉慢慢碌, 俾無數架巴士係慢快線爬頭
我灣仔上車返觀塘都俾3架101爬左
用左80分鐘左右啦..

原帖由 kwyeung 於 2010-9-19 02:06 發表
而呢個情況唔止九巴係咁, 係三間公司一齊退步。
淨講半山條23, 呢半年明顯見到疏車好多。
你話收人收車、塞車、司機鋤假, 點都好...
有乜苦衷係你既事, 仲乜要我體諒你？
我可以幫你解決問題, 係咪你俾間公司我管？

完全認同三間巴士公司的服務一起退步!!!

新巴:
近三個月開始, 每星期六都要乘坐 23 (興利中心等車),
近兩星期都於 13:40 等車, 上星期 13:51 才到; 昨日更是 14:02 才到,
其實之前也不止 2 次是這樣

城巴:
我是 592 的常客, 每天都要乘坐 592 線放學,
有一次是在興利排第三個, 途中真是厲害,
5 輛 72, 3 輛 38, 3 輛 42, 2 輛 77, 而竟然 72A, 96 都各來了 2 輛,
共等 25 分鐘(肯定不只一次), 才有一輛 592 從摩頓台私了一輛空車到興利,
只是興利站都可令 592 爆閘, 其後還有 50 - 60 人上不到車,
我真不敢想像鵝頸橋要等多久才可以上車

原帖由 502 於 2010-9-19 16:50 發表

新巴101 碌車
我都坐過
係太子道東,觀塘道中線二波低轉慢慢碌, 俾無數架巴士係慢快線爬頭
我灣仔上車返觀塘都俾3架101爬左
用左80分鐘左右啦..

尤其是新九交更時段，0個陣時班碌神 D 功力仲勁。

以前我仲係九龍灣返工0個陣，如果遲收工0既話實搭到101
新記尾車。0個班車癲到係觀塘道可以唔過五字頭，土瓜灣
係會死跟九記車一齊排隊，燈位前會死碌爛碌搏紅燈。0個
0下真係激到我差 D 對住師傅 !@#$%^&*()。

最後更因為咁，以後一遲收工，寧願俾多少少，坐641去上
環轉車，都唔鬼幫襯0個個碌神。

原帖由 KP3805 於 2010-9-19 17:36 發表

城巴:
我是 592 的常客, 每天都要乘坐 592 線放學,
有一次是在興利排第三個, 途中真是厲害,
5 輛 72, 3 輛 38, 3 輛 42, 2 輛 77, 而竟然 72A, 96 都各來了 2 輛,
共等 25 分鐘(肯定不只一次), 才有一輛 592 從摩頓台私了一輛空車到興利,
只是興利站都可令 592 爆閘, 其後還有 50 - 60 人上不到車,
我真不敢想像鵝頸橋要等多久才可以上車

西環亦都唔好得去邊，係上環等 5B 簡直係 lor 人命。

晚繁閒閒地都要等三四個字先有一部差唔多企滿0既巴士
埋站，結果西港城個站永遠都有半條隊係上唔到車0既。


而家收工0個陣，無論幾熱、幾辛苦都好，我都寧願係上
環行半個鍾返屋企。因為講真，你等得車0黎，行都隨時
行到石塘咀。