南港島線通車之後，629個樣會變成點?

原帖由 richardchan1988 於 2010-10-2 14:48 發表
早就估到有人會咁講 只不過唔同人者

好想挑剔呢一句：咩叫你坐埋我個份? 而家開頂車下層唔開放咩? 邊個話開頂車就會唔舒服?

呢D只不過係部份反熱人士無野講搵黎講既理由黎

所以呢 咁講唔係幾好 有架車你坐好過你行 ...

如果坐開頂車既下層,
就會失去了開頂車既原意.

原帖由 Quanta 於 2010-10-2 16:10 發表


見到有人單憑一篇回文, 就指控我做「無野講搵黎講」的反熱人士,
我真係唔知應該好嬲定好笑
我一向都反對巴士公司全冷, 認為應該保留郊區路線有熱狗,
亦試過為左慳錢而特登坐熱狗
不過因為全冷已經既成事實, 我近年 ...

我有指名道姓去指控你? 我只係話部份人好鍾意用呢句說話作為理由去反對熱狗者

如有得罪 或令你錯誤理解 我願意道歉

之但係 話說回來 我本人對呢句說話好反感 所以曾經因為呢句說話同某幾位版友都爭論過 而家d人真係好似不吃人間煙火咁 又話熱 又賴香港熱左 一堆理由 當然部份係言之有理 但你唔鍾意 是否就代表無需求?
如果D人願意出錢請人坐 我相信人地一定願意坐埋你個份 話知你開頂與否喇 所以講說話唔可以咁講 香港仲有好多人負擔唔起坐公交架

開頂車無疑響過隧道係難頂D 但唔可以無視佢作為一部車既作用 最重要係 有人肯坐 咪得嚕 唔鍾意坐 可以坐下層

回應埋另外一篇 坐下層失去原意 但又想坐開頂車 又怕吸廢氣 請問我可以點回應呢?

[ 本帖最後由 richardchan1988 於 2010-10-2 18:20 編輯 ]

講開開頂車，安凱有無載過客黎過南區?

原帖由 richardchan1988 於 2010-10-2 18:02 發表

開頂車無疑響過隧道係難頂D 但唔可以無視佢作為一部車既作用 最重要係 有人肯坐 咪得嚕 唔鍾意坐 可以坐下層
t: ?
回應埋另外一篇 坐下層失去原意 但又想坐開頂車 又怕吸廢氣 請問我可以點回應呢?

明顯開篷巴士同一般巴士既作用唔同,開篷巴士個 selling point 係佢個上層
咁當佢個上層已經無得再 sell 既時候(因為要吸熱氣),肯坐既人真係會好少
咁呢個「新629」建議就變得唔可行...

原帖由 FD5410 於 2010-10-2 18:18 發表


明顯開篷巴士同一般巴士既作用唔同,開篷巴士個 selling point 係佢個上層
咁當佢個上層已經無得再 sell 既時候(因為要吸熱氣),肯坐既人真係會好少
咁呢個「新629」建議就變得唔可行... ...

咁講 即係唔可行 OK

其實我對用唔用開蓬車無特別意見 但我睇唔過眼有d人一出黎就話坐埋我個份架嘛 呢d說話非常涼薄

佢畢竟都係一架車 點都行得快過你

原帖由 richardchan1988 於 2010-10-2 18:22 發表
咁講 即係唔可行 OK

其實我對用唔用開蓬車無特別意見 但我睇唔過眼有d人一出黎就話坐埋我個份架嘛 呢d說話非常涼薄

佢畢竟都係一架車 點都行得快過你 ...

夏天普通人看到熱狗都會說: "坐埋我個份架",
你試一下 S3N @ 1A 由太子去尖沙咀, 我肯定你 95% 會說: "下次你坐埋我個份"

開蓬過隧道未必是大問題, 但 629 經過的叫做"香港仔隧道", 這才是問題
如果堵車, 隨時一小時都未出隧道

原帖由 KP3805 於 2010-10-2 19:13 發表


夏天普通人看到熱狗都會說: "坐埋我個份架",
你試一下 S3N @ 1A 由太子去尖沙咀, 我肯定你 95% 會說: "下次你坐埋我個份"

開蓬過隧道未必是大問題, 但 629 經過的叫做"香港仔隧道", 這才是問題
如果堵 ...

係? 我可以話你聽我唔會 因為我知道 雖然我可以選擇坐下一班 但熱狗又咪係車一架 做人要懂得知足 唔通你行路?

當然你可以等下架 但時間上有時唔容許 而且無人知下架會幾時黎 此外 我慳到錢

所以唔好將所謂主流 套用響所有人身上

對於我黎講 只要有車坐 已經足夠 我繳付左車費 有番相應服務就ok

部份巴士迷 理所當然地覺得社會進步 或者天氣熱 我要坐冷氣巴 無錯 你有能力負擔 可以坐的士tim

不過 人既慾望無窮無盡 得一想二既時候 有無諗過有車你坐已經好幸運 好幸福 仲學人去投訴?

如果有人願意俾錢我 我絕對願意坐埋佢個份嚕 即使唔俾 都絕對會有其他人坐埋你個份 唔好講到咁實牙實齒

夠有人話某線熱狗無人搭 要求全冷 但我見到既係：除左司機之外 有人響車上面嚕  

只要有合理需求 佢就唔一定係蝕本生意 儘管未必合理 好似629開蓬車咁 你香港人唔鍾意 唔代表其他國藉既人唔鍾意 若因為呢個原因 班班爆 你係做生意既 你做唔做? 香港仔隧道塞車 絕對唔奇 但若d人坐得開心 俾又俾得疏爽 人地又唔係做你生意 點解講野咁涼薄呢?

當然 我本人其實對呢樣野無意見 皆因我要去海洋公園 都唔會坐629 我只係理性討論者

原帖由 JX9097 於 2010-10-2 10:32 發表
直去天星碼頭或者可以殘存短時間
不過塞車問題都係繼續困擾629
最終都係...

現時 629 中環特車的客量，跟金鐘可差得遠。
只有由車頭方向觀察，才能有多客的錯覺，因遊客很喜歡霸住上層車頭的四個座位

原帖由 ccicoltd 於 2010-10-2 20:49 發表

現時 629 中環特車的客量，跟金鐘可差得遠。
只有由車頭方向觀察，才能有多客的錯覺，因遊客很喜歡霸住上層車頭的四個座位

但是港鐵去中環要轉車，而且去碼頭要步行一段時間。故此有此想法，希望開拓客源。

認真咁講...條B629..有得做咩...
主要客源唔會係海公<>深圳既內地旅客囉...
有冇人會拎住d行李去海公..又或者拎住d行李去完海公再去深圳...

或者考慮下搵個港島多酒店既地區開條邊境線仲好啦