樓下區議員又真係幾關心交通事務

你係海怡居民的話，寧願等半個鐘都無車出中環，定係有架小巴經過屋企樓下幫忙吓等590脫班時可以叫多飛？

而且未必真係要開得成小巴，只要議員同居民團體動議，而又有小巴公司肯做的話，呢D實際行動可以令老運同
新巴就有壓力，咁自然會有動力去改善590服務。

問題係當海怡居民唔肯俾小巴入海怡個時
咁仲可以點?
海怡d人成日都係咁,又要多車但又唔想咁多車入海怡
自己有車嘅人就更加唔理你有冇車搭,總之唔好有咁多車入嘈住佢
有d人平衡過兩方面
真係寧願等半個鐘都好過有小巴日夜轟炸

況且新城邊有咁易俾你嚇到

咁而家咪好囉，半個鐘一班590，夠晒少車入海怡，居民最開心。咦？咁590 / 590A非繁忙時間20分鐘一班，可能
係馮議員幫居民「成功爭取」番嚟都未定喎？

而家去到咁嘅班次係人都唔想
根據民主黨嘅方案同運輸署嘅方案都係15分鐘一班
咁而家新巴要做到20分鐘一班
咁民主黨可以做d咩?
你可能話呢d事唔係第一次發生
但係民主黨又可以做咩野阻止到新巴會咁做?
我相信當初新巴唔係好願意去拆線
而民主黨要新巴拆線
新巴會唔會覺得係你要求我拆線,就算我唔跟足一d都唔過分呢?

原帖由 PB602 於 2010-10-5 23:21 發表
馮先生如果真係咁關心590線服務，就唔該當日審批全日拆線時醒少少，唔好俾人「誤導」隨便通過拆線，之後
搞出晚間同假日每20分鐘一班呢D荒謬班次後，就走去搞大龍鳳。

寫信俾運輸署同城巴有鬼用咩(更何況590都唔係城巴線，身 ...

我冇記錯，新巴同城巴係合拼左啦WO，相信寫去邊間都係一樣

原帖由 PB602 於 2010-10-5 23:29 發表
你係海怡居民的話，寧願等半個鐘都無車出中環，定係有架小巴經過屋企樓下幫忙吓等590脫班時可以叫多飛？

而且未必真係要開得成小巴，只要議員同居民團體動議，而又有小巴公司肯做的話，呢D實際行動可以令老運同
新巴就有壓力，咁 ...

小巴是不能服務大部份 1 期, 所有 2,3 期的地方, 只能服務 4 期,
但 4 期在總站上面, 要乘 590 的都一定有座位; 而近西邨的那方更有 90,
開小巴線...   基本上若小巴早繁最少要 2 分鐘一班才可以吸引 4 期客,
你要記得 590 最密的 period 是 3-4 min 一班雙層巴士
當 4 期人等小巴時, 看見一班又一班的 590 開出, 最後又是投向 590 懷抱

還有南區往港島的小巴最少 $7.00, 還要只是往銅鑼灣,
若海怡去中環可能跟里程差不多的 56, 56A 一樣收 $7.80, 甚至是收 69X 的 $8.50,
西邨後說:"睬你都傻" , 他寧願慢慢乘坐 90 (←雖然現在 90 / 590 / 590A 都已經是這樣)

P.S. 其實 590 下繁真是超級超級疏, 近 10 min. 才有一班. 對比早繁 3-4 / 3-6 min.

原帖由 PB602 於 2010-10-6 00:00 發表
咁而家咪好囉，半個鐘一班590，夠晒少車入海怡，居民最開心。咦？咁590 / 590A非繁忙時間20分鐘一班，可能
係馮議員幫居民「成功爭取」番嚟都未定喎？ ...

當時新城拆 M590 / 590A 時, 晚上及假日是要 90 減班,
南區區議會不通過 90 減班, 所以新城說可以考慮,
最後就整了 20min. 一班 590 / 590A 的怪胎(←記緊這事區議會在先前在不知情的)

如果係4期,  晨早走左上去搭90啦= ="
其實又唔係話海怡唔想咁多車入黎, 只係夜晚唔想d車擾人清夢啫, 需知而家星期日等590/590A真係等到我火滾, 我索性記住佢幾多分開590, 幾多分開590A, 到時到候先落去等車, 好過響大公園食西北風食四個字!

題外話: 馮生出年實比人狙擊嘛, 唔成功爭取又點保住個位啊, 不過論政績, 馮生真係吹水居多!

有幾件事大家要搞清楚：

1) 南區區議會喺2月8日會議上討論2010-2011年度巴士路線發展計劃，當中包括590系重組一事，
而新巴有代表出席會議接受議員質詢，但當日馮煒光議員缺席會議。

2) 整個重組計劃原本係係90晚上及假日減班，590A非繁忙時間12分，深夜班次為15分。既然區議
會否決90減班。既然大前題已經改變，又點可以「假設」其他服務仍然一樣？

3) 新巴表明重組後所有路線用車數目不變，而原有M590假日派車只有7架，一拆二之後，點可能
用7架車行兩條線而班次可以維持15分鐘一班？唔通590派車4架一個鐘一轉車，590A派車3架九個
字一轉車？

如果仲有區議員認為佢喺呢件事上無錯、無責任同埋無問題，真係無說話好講，不如都係專心服侍
大客仔AMS黃老闆仲好啦。

兄台，拜讀了你的文章已有兩年，你好似不停地找一些民主黨議員來批評的，實似有針對他們的嫌疑
為更掌握更準備的資料，我先行查閱過南區區議會的會議紀錄，再跟兄台你討論一翻︰

原帖由 PB602 於 2010-10-6 21:17 發表
有幾件事大家要搞清楚：

1) 南區區議會喺2月8日會議上討論2010-2011年度巴士路線發展計劃，當中包括590系重組一事，
而新巴有代表出席會議接受議員質詢，但當日馮煒光議員缺席會議。

根據會議紀錄，當天會議民主黨已由柴文瀚做代表發言

2) 整個重組計劃原本係係90晚上及假日減班，590A非繁忙時間12分，深夜班次為15分。既然區議會否決90減班。既然大前題已經改變，又點可以「假設」其他服務仍然一樣？

根據南區區議會當天通過的重組方案，590A線的假日班次是每15分鐘一班，590線是每20分鐘一班
但新巴重組時卻安排兩線均為每20分鐘一班....

你話係新巴誤導人？還是馮煒光誤導人？

3) 新巴表明重組後所有路線用車數目不變，而原有M590假日派車只有7架，一拆二之後，點可能用7架車行兩條線而班次可以維持15分鐘一班？唔通590派車4架一個鐘一轉車，590A派車3架九個字一轉車？

無錯，根據會議紀錄，新巴重組後派車數量不變，但以前M590假日有9架車行，而非7架...
9架車，真係足夠比590A行15分鐘一班喎！

[ 本帖最後由 Cantona 於 2010-10-6 23:40 編輯 ]