樓下區議員又真係幾關心交通事務

兄台，如果某政黨議員做得好，真金不怕紅爐火，又怕咩人批評？不過咁，某政黨響本板有好多朋友，次
次俾人批評都有朋友急急出來護短，證明「鐵票」好勁。

1) 嗱嗱嗱，我無話佢「偏幫進智公交」丫，你呢項指控好嚴重，私相授受要俾ICAC請飲咖啡！我只係建
議馮先生搵黃老闆研究一下喺海怡開小巴，輔助一下590服務，造福海怡居民，咁又點可以講成為馮議員
「偏幫進智公交」呢？

另外，當日馮議員缺席討論590事項，由柴議員做代表發言，咁係變咗「柴議員關心海怡交通事務」喎。

2) 人地新巴提出嘅方案，前題清清楚楚講明590A轉全日係同90減班一齊實施。如果區議員唔接受呢項條件
的話，根本就應該反對並要求新巴重新改善方案。但區議員無視，自己假設590A轉全日開15分鐘一班同時
90可以唔減班，根本就同人地個方案九唔搭八。

既然雙方對方案未有明確共識，咁嘅情況下點可能亂咁投通過票？

3) 就算我俾夠9架俾你，590A分夠4架，15分鐘一班，一個鐘一轉車包埋司機落地去廁所時間，你話有無可
能先？朝早深夜可能得，中午時段塞一塞就脫晒班啦。議員見到呢D問題，當時又有無質詢過新巴代表？如
果無，咁又係信晒新巴所講嘅說話？

如果新巴講咩班議員就信咩，唔會思考一下個方案有無問題，咁議員嘅監察責任何在？

舉兩個例：第一，九巴話著綠色制服會環保D，咁唔通班議員又信十足？第二，特區政府話政改方案好民主
，大家一齊起錨啦，咁唔通你班議員又信晒？

摘自2010年2月8日紀錄
http://www.districtcouncils.gov.hk/south_d/chinese/doc/10/TTC%20Mins%2016.pdf

39. 曾啟亮先生及魏子民先生綜合回應時表示，巴士公司提議第90號線下午繁忙時間後的班次改為每12分鐘一班的目的，是要把該線與第590A號線組成聯合班次，方便海怡及鴨脷洲邨的居民。若委員希望維持第90號線的現有班次，巴士公司樂意作出微調。經商討後，決定延長第590A號線的服務時間，並提供每15分鐘一班的服務（即現時非繁忙時間的班次，而非早前建議的約每12分鐘一班），而第90號線的班次則維持不變。巴士公司會密切監察重組計劃實施後上述各條路線的客量變化，務求有效運用區內的巴士資源。

據我了解，新記RDP係590呢度有分非繁忙及深夜班次，但係除左90個度提及"公眾假期班次"外，590/A並無提及。(1)
http://hkbus.wikia.com/wiki/2010-2011%E5%B9%B4%E5%BA%A6%E5%8D%97%E5%8D%80%E5%B7%B4%E5%A3%AB%E8%B7%AF%E7%B7%9A%E7%99%BC%E5%B1%95%E8%A8%88%E5%8A%83

延長服務時間至晚上11時40分，並擴展服務至每日行駛(包括星期日及公眾假期)，下午繁忙時段以後維持每12分鐘一班車(部份深夜時段為15分鐘)，並連同第90號線提供每6-8分鐘一班車之綜合班次。

原來係非繁12，晚繁後15；咁上面段野話非繁12->15，同樣晚間都要改為15->20
(因為佢要cut90個部野去590A去達至6-8分鐘聯合班次。但90唔郁得就無法)

不過我對於假期屬於非繁忙班次定係深夜班次就...如果話假日班次等同深夜班次，新巴無錯。
加埋(1)，咁新記假期班次根本不在討論範圍在內。
好可惜分野無寫到假期班次討論

好在，90唔比減班無人去聲討

*我係呢幾日會再翻聽錄音。

[ 本帖最後由 kay 於 2010-10-7 07:38 編輯 ]

岩岩抽時間聽錄音，係2010年2月8日TTC，約1小時10分附近，
我聽晒成段，佢地議員與新記方面無提過"假期"呢個字眼。

一開頭傾，兩位林議員就反對90減班既，
而其中一位林議員問90/590A/590係咪綑綁，
新巴答覆話係。

之後新巴個魏生見班議員擔心90減班，就提出90不與590A作"綜合班次"
唯非繁忙時段(每日2000後)590班次會由RDP既12改為15，議員通過。

及後有議員追問用車數量同埋590有無得加班。
魏生就話份RDP寫既係高峰用車數，重組前後都不變；
之後就話會盡力維持兩線非繁班次，做唔到先會加車。

至於590加班問題，魏生好清楚話如果590成功咁有客源個陣，就有得加。

再一次提，成段錄音無提"假期"兩隻字。

有錯請指正，謝謝。

-------
借少少位回#20，老實講，今次呢鑊野，議員係有疏忽，
而就著呢個聲音record，某黨幾個月不停話新巴運輸署無履行承諾，呢個已經好有問題。

可能有d人會覺得政黨講出黎既結果最可信，
由第一日某黨投訴貨不對辦，話590A假日係15，到今日都仲係咁講，
有時d野傳下傳下，就以為係官方版本，係咪要停一停，自行再找真相?

最近個record TTC主席都要求話新巴交代返呢鑊野，但有無人仲記得2月8大家傾左d乜?

係咪非繁忙=假日，問多句又係咪咁難?

[ 本帖最後由 kay 於 2010-10-7 16:27 編輯 ]

如果真係要講南區交通問題0既 建制派都唔係無
唔知有幾多人見過聖伯多祿巴士站對面有條大banner
投訴南區巴士線經常脫班 連佢地都不能接受 要求TD出手

據家人言傳所知  以往77 0805班車永遠唔知去0左邊
0750之後要到0820先有車 結果就係0750同0820都香港仔頂爆閘(上唔晒)出東區
中秋之後0805終於有番班車 只係呢個問題唔係一朝一夕
要到而家先見到解決0左個問題 咁到底係城記0既錯還是區議員/TD 0既錯？
(我真係想發少少狂叫區議員同新城傾加大38/42轉乘東區線車費優惠
現時38/42─2A = 5.6/6.9+3.1= 8.7/10.0、77 = 6.20/7.00
唔係單靠77來往田灣、香港仔同太古坊一帶係咪真係夠？)


PS 東隧加價只會加劇紅隧塞車 到時香隧一樣受牽連 切記！

原帖由 JN6854 於 2010-10-7 21:33 發表
如果真係要講南區交通問題0既 建制派都唔係無
唔知有幾多人見過聖伯多祿巴士站對面有條大banner
投訴南區巴士線經常脫班 連佢地都不能接受 要求TD出手

據家人言傳所知  以往77 0805班車永遠唔知去0左邊
0750之後要 ...

人地樓主覺得建制派只係識"呻"...

老實講，新城近呢一兩個月都唔知係咪學九記收車
而另一方面有部份路線供不應求

107開到5分鐘一架香港仔都清唔切客，黃竹坑更加要班班飛....

不過，尋日有架97係香隧口前壞車，城記即刻調動左部81xx去接客

原帖由 lolo58 於 2010-10-5 00:08 發表
題外話呀 港島塞車真係愈來愈嚴重
我住東區 灣仔返工
返工5日有3日都係塞車 放工時間就日日塞
睇黎都要等中環灣仔繞道起好哩D情況先有改善

p.s. 交通係居民最貼身既問題 何況下年區選 而家做定野都差唔多.... ...

樽頸位依然係紅隧，一口分流唔到適合的車主用其他兩條隧道過海，紅隧一樣只會由早塞到晚

原帖由 victor888 於 2010-10-8 09:04 發表

樽頸位依然係紅隧，一口分流唔到適合的車主用其他兩條隧道過海，紅隧一樣只會由早塞到晚

現階般係政府唔收返兩條隧道既專營權情況下，最快既方法應該就係南港島線投入服務，南區客求神拜佛呢個工程千祈唔好有乜問題要延遲投入服務

原帖由 kay 於 2010-10-8 07:06 發表
人地樓主覺得建制派只係識"呻"...

老實講，新城近呢一兩個月都唔知係咪學九記收車
而另一方面有部份路線供不應求

107開到5分鐘一架香港仔都清唔切客，黃竹坑更加要班班飛....

只可以咁講啦 地區事務同立法會係兩家事
立法會就真係一味地"呻" 落到區點都有做0野0既

之前放暑假暗中收車就有可能 但係而家仲唔放番車出0黎就盞俾人喪插...

因為香港仔區居住/旅客人口比幾年前多0左唔少(石排灣、南灣御園、田灣港灣酒店等等)
自然對交通0既需求有增無減
呢期77七點幾0個幾班都派81xx 結果爆到...

原帖由 EH2674 於 2010-10-8 14:10 發表
現階般係政府唔收返兩條隧道既專營權情況下，最快既方法應該就係南港島線投入服務，南區客求神拜佛呢個工程千祈唔好有乜問題要延遲投入服務 ...

即使南港島線投入服務 未見得對南區對外交通有大改善
因為到時只係鴨利洲全島可以唔靠陸路靠鐵路 但係鴨利洲橋以西仍然靠晒巴士小巴私家車...