超級病毒衍生出來的問題

原帖由 DIH 於 2010-10-7 12:39 發表
唔使怕，又係演化論出場的時候喇，凡物種各個體之間皆有差異，
人有抵抗力好有抵抗力差，細菌病毒有大毒有小毒，連愛滋病都有人會免疫，
萬物只係陰陽互動，在一個平衡點左右輕微搖擺而已。有隕石撞地球就另計。

1. 我崇尚天然食 ...

我認同.之前睇報紙,有人40歲未夠,肝衰竭
因為成日唔夠訓頭痛,日日慣性幾粒Panado.
真係感冒傷風果陣Panado仲3倍劑量去食.

所以我成日提住自己..除非真係咳到訓唔到,冇辦法比身體復原,先勉強食西藥退左燒由得佢自己訓,
否則我盡量唔會食西藥.一係拗番好.一係睇中醫.
我都係中醫常客(不論保健定睇病)

我知某d中藥毒性都可以整壞肝腎,
但整體來講,始終天然的草藥身體係消化得到.食西藥果堆本來唔應該出現在世上的Chemicals唔同咁講.
人ge身體唔係design用來分解呢d野.

原帖由 fokck 於 2010-10-6 21:53 發表
唔係，盤尼西林仲係好多種感染既第一線用藥，例如肺炎鏈球菌感染
唔少都仲係會對盤尼西林有反應，但通常會同埋另外一兩隻抗生素一
齊用。

反而你講流感，流感半身係病毒，除非係有併發既細菌性感染，否則
理論上乜鬼抗生素都 ...

我明白流感食抗生素係唔 work 呢個道理...

果次我睇街症係因為不明原因午後低燒 2 週，醫生懷疑我係咽喉感染引致低燒，有啖、有咳、有喉嚨痛，唔知係唔係睇街症的原故，醫生咪只開咗盤尼西林、咳水和得果定俾我 lor，沒有大大所說的多一兩隻抗生素啊...

不過食完個盤尼西林療程又真係無再低燒了...
仲賺咗可以特快睇耳鼻喉科和內科政府專科門診做咗個都幾全面嘅 body check~

我仲以為廣泛被使用的抗生素，d 菌就會因為病人常常自行停藥而好容易對佢產生抗藥性 tim...

原帖由 thomas_tang01 於 2010-10-8 14:30 發表

我明白流感食抗生素係唔 work 呢個道理...

果次我睇街症係因為不明原因午後低燒 2 週，醫生懷疑我係咽喉感染引致低燒，有啖、有咳、有喉嚨痛，唔知係唔係睇街症的原故，醫生咪只開咗盤尼西林、咳水和得果定俾我 lor，沒有大 ...

持續低燒就比較似係細菌感染，所以醫生開抗生素都好正常。
另外，即使某種細菌話有抗藥性，但都唔係逢親你染呢種菌就一定抗藥性的，
老實講，最勁的抗藥菌在醫院裡（因為醫院經常有理無理都落定強力抗生素先），
而且主要係金黃葡萄球菌、腸道鏈球菌等等，一般社區感染的細菌，舊藥仍然有效。
畀得果定你，係要有維他命Ｃ，據聞維他命Ｃ令血液變酸，使之不適合細菌生長。

再者，一個免疫力正常，並非年老虛弱的人，即使染上抗藥菌，仍然有足夠能力痊癒。
除了對某些抗生素抗藥外，這些細菌造成的病徵其實一樣，生瘡就生瘡，嘔就嘔，發燒就發燒，
唔會話粒瘡毒啲、嘔得勁啲、或者燒得熱啲，身體的對抗機制其實同普通菌一樣。

之前睇過勞永樂醫生既專欄，
講到「所謂超級抗藥惡菌」，
佢話其實病毒越兇狠，傳染能力反而越低，
如果感染者短時間內死亡，根本就連將病毒o係社區傳播o既機會都無，
無o左人類呢個宿主，病毒亦唔能夠生存。
所以我覺得 NDM-1 某程度上大家都太睇得起佢。

因為 NDM-1 抗藥性高，但感染者死亡率低，
雖然藥物對佢無乜效，但人體本身抵抗力就有能力抵抗，
所以好多人最終都會好返。

所以保持身體健康先係最重要。

原帖由 DIH 於 2010-10-8 20:51 發表

持續低燒就比較似係細菌感染，所以醫生開抗生素都好正常。
另外，即使某種細菌話有抗藥性，但都唔係逢親你染呢種菌就一定抗藥性的，
老實講，最勁的抗藥菌在醫院裡（因為醫院經常有理無理都落定強力抗生素先），
而且主要係金黃葡萄 ...

維他命 C 個所謂阻止細菌機制唔係咁... 維他命 C 只係有助制骨膠原製造同代謝，
令白血球/淋巴線等免疫系統同埋最基本既組織損壞修複功能更強而已。


[ 本帖最後由 fokck 於 2010-10-9 01:14 編輯 ]

原帖由 thomas_tang01 於 2010-10-8 14:30 發表

我明白流感食抗生素係唔 work 呢個道理...

果次我睇街症係因為不明原因午後低燒 2 週，醫生懷疑我係咽喉感染引致低燒，有啖、有咳、有喉嚨痛，唔知係唔係睇街症的原故，醫生咪只開咗盤尼西林、咳水和得果定俾我 lor，沒有大 ...

私家醫生開多一兩隻藥你，雖然都可以按比例收貴返你，不過你咁小事，唔開唔奇。

一定開多過兩隻抗生素既情況會係大鑊 d 既野，例如肺炎，仲係會用盤尼西林，再
加坐底一隻抗生素。當然私家醫院或私家醫生未必仲會用盤尼西林類。

原帖由 fokck 於 2010-10-9 01:16 發表
私家醫生開多一兩隻藥你，雖然都可以按比例收貴返你，不過你咁小事，唔開唔奇。

一定開多過兩隻抗生素既情況會係大鑊 d 既野，例如肺炎，仲係會用盤尼西林，再
加坐底一隻抗生素。當然私家醫院或私家醫生未必仲會用盤尼西林 ...

明白晒，原來小病只係用一隻抗生素就 OK...
講真，每次見到醫生開抗生素俾我，我都一定會查吓佢係咩嚟，
果次睇街症係 the one and only one 的一次醫生處方我盤尼西林，所以我先至會咁記得~
多謝樓上咁多位提供了好多平時無乜機會聽到的專業知識~