巴士下層佈局同假頂閘有關係?

原帖由 happykeroro 於 2010-10-10 01:16 發表
這個情況咪同搭鐵路一樣
d人一樣鐘意堆係個車門隔離, 點都唔肯行入d

地鐵車廂既佈局點都大過巴士喇掛

搭地鐵唔係唔想行入D
但走廊中間既企柱同車門之間有一大個廣闊既空位係無扶手
最後D人都係為左要有扶手, 而圍番條企柱黎企
夠高既人尚且可以掹住路線圖個位, 但唔夠高既人企呢個位真係無野扶

大陸D地鐵有樣好, 就係o係條企柱既天花, 有一條環型扶手
乘客可以o係其他空位企

講番正題: 我平時搭103, 常搭ASV,AV同9頭豪
下層走廊以ASV最窄, 9豪最闊
而事實係9豪比較多人行入車廂內企
不過9豪無水塘, 變左實際企人可能同AV差唔多

個人認為, o係香港既巴士, 最好都係起大水塘, 同盡量將中門移後
好似ATE, 樓下一個大輪椅位, 中門擺得後, 梯位既走廊寬闊
就算無乜人企去後面, 淨係前面都企到好多人

原帖由 JN6854 於 2010-10-10 13:10 發表

講到真係咁方便？

以下係事實 並非煲水：
1. 倒頭位─十個客有四個死都唔肯坐 寧願企車門/通道 結果倒頭位變0左「置物位」或者「吉位」
2. 落車門─十個客梗有兩三個鍾意企落車門 但係佢(地)0既落車站比其他人後最少三 ...

倒頭位,有人會想坐,但因為下車門附近太迫而行不到入去
記得大約1994年假日早上係西貢搭94黑金剛(好似係9點果班),黑金剛條走廊係窄,記得有稽查中門上車,用清楚肯定的語氣叫"唔該行入d",今時今日會不會咁,最多都係車長按報站機.
地鐵其實有需要改善扶手位置,而家坐mtr要企入d,都係扶坐位附近的扶手,但會碰到坐係到的乘客,可能咁,d人不願意行入d企近坐位.

[ 本帖最後由 HR9710+KU1391 於 2010-10-12 00:07 編輯 ]

原帖由 JN6854 於 2010-10-10 13:10 發表
講到真係咁方便？
以下係事實 並非煲水：
1. 倒頭位─十個客有四個死都唔肯坐 寧願企車門/通道 結果倒頭位變0左「置物位」或者「吉位」
2. 落車門─十個客梗有兩三個鍾意企落車門 但係佢(地)0既落車站比其他人後最少三 ...

自己反而覺得倒頭位好過橫坐，頂閘嘅話一定坐滿，反而橫座好多人會一個人坐兩個位，咁樣係因為位窄，好多時都見到坐少2個。

我覺得係人既變化，而唔係車既變化...

又唔可以咁樣說..應該說是..

人的變化而影響此情況的因素較大..
而車既變化而影響該情況的因素相對地較少...

我既「此情況」即係講假頂閘

有d情況係上層大把位都唔坐上層，而企o係上車門同落車門中間..後面上車既想坐上層都唔得..


所以九巴乘客須知的一‧七(還是二‧七？忘記了..)寫︰
「請盡量行入車廂，有座位時請坐下」

講起假頂閘，小弟間中都會係東涌消防局前後見到逸東方向S64、E31假頂閘。
可能係因為車程較短，就算有好多位，乘客通常都唔會坐，又真係會迫係前後門附近。

原帖由 HV7025 於 2010-10-10 13:21 發表
搭地鐵唔係唔想行入D
但走廊中間既企柱同車門之間有一大個廣闊既空位係無扶手
最後D人都係為左要有扶手, 而圍番條企柱黎企
夠高既人尚且可以掹住路線圖個位, 但唔夠高既人企呢個位真係無野扶

前九鐵─舊列車有直柱做扶手 新列車全部用晒座位上方0既扶手環 唔夠高時要靠車門電視位條柱
前地鐵─又直柱又扶手環 呢個真係人自己心態唔願入0既問題

原帖由 Ms.Potato 於 2010-10-10 18:59 發表
自己反而覺得倒頭位好過橫坐，頂閘嘅話一定坐滿，反而橫座好多人會一個人坐兩個位，咁樣係因為位窄，好多時都見到坐少2個。

橫座(城記豪除外)0既窄度其實同下層面前0既位(落車門/樓後方兩/三行)差唔多
只要真係「打橫坐」係無問題0既 但係0的師奶大嬸最鍾意打斜坐咪變坐兩個位囉...
*城記豪最前排四個導航位同司機位後方兩個位 座椅闊度同上層相若 只係有部份豪換椅時裝0左張窄椅上去

講起倒頭位 設計最差0既係曲梯E500
直梯E500(AVBE)：輪拱位「垂直」所以可以打平放腳 但腳部空間少(仲要放兩對腳...)
曲梯E500(81xx)：輪拱位同座椅擺位完全唔夾 結果倒頭位對腳「斜向前」放(五時正指針放法) 坐得耐真係好辛苦...
威豪：輪拱位「平放」可以打平放腳 空間亦相對較足夠

原帖由 HR9710+KU1391 於 2010-10-10 18:20 發表
倒頭位,有人會想,但因為下車門附近太迫而行不到入去

係想坐0既人俾唔想坐0既人「頂到正一正」而入唔到去
我之前就試過夾硬逼過0的人入去... (係有0的過火 不過當時0的人又唔願企入0的...)

只要重出以前3N/3BL雙落車門設計,
樓上直落前中門, 樓下客就用後中門,
就可以加快落客時間, 同埋引人行入車內.
係唔知點解出12米冷氣車之後,
一直再冇生產商做得返哩個設計.

當年DL落客會唔會比3N慢?

原帖由 HR9710+KU1391 於 2010-10-10 18:20 發表


倒頭位,有人會想,但因為下車門附近太迫而行不到入去
記得大約1994年假日早上係西貢搭94黑金剛(好似係9點果班),黑金剛條走廊係窄,記得有稽查中門上車,用清楚肯定的語氣叫"唔該行入d",今時今日會不會咁,最多都係車長 ...

當然唔係啦，
今時今日九巴好多大站繁忙時間都仲有用呢個方法夾硬塞滿架車，
至少呢六、七年每朝朝早寶達出九龍方向個巴士站，
都會有個稽查o係中門叫寶琳路線o的客企入o的俾位寶達o的人上車，
不過俾你呢個站塞得滿又點？下個站又咪係飛站。

原帖由 transbus 於 10/10/2010 23:35 發表
只要重出以前3N/3BL雙落車門設計,
樓上直落前中門, 樓下客就用後中門,
就可以加快落客時間, 同埋引人行入車內.
係唔知點解出12米冷氣車之後,
一直再冇生產商做得返哩個設計.

當年DL落客會唔會比3N慢? ...

冷氣流失問題未解決
而且而家既落車門闊度同以前 3N 2 組落車門既總和相若

原帖由 WING93 於 10/10/2010 04:07 發表
其實呢d可以話係關人既慣性問題事
你上得車,就自然預左會有落車既一刻
但係若果你落個個係中途站
自己又企到咁入,到時落個陣未好麻煩?

如果咁講，將部份巴士線局部改短會有幫助？
譬如而家有 D 隧道車係旺角做尾站，
企入車尾的人係唔係多 D？