颱風鮎魚討論區：(22/10晚上8:45pm取消1號戒備信號)

其實好似話天文台唔想個一號掛超過48小時, 原因我就唔太知..
但個風慢我想係主要因素..

而其實現時天氣又未到惡劣, 香港打風又唔駛太早警戒,
因為D市民都無乜野可以做, 就算掛左一號....

澳門似乎就跟足返過往800KM標準, 但香港好似一早話未必跟了?

原帖由 sea1986 於 20/10/2010 14:34 發表
似乎今舖天文台想賭舖大既
搏條魚有轉向既機會就可以唔出一號波
用黑球代一號波
今次做法似乎有少少過份

個人認為，黑球似乎唔應該影響風球。

原帖由 3ASV196 於 20/10/2010 14:45 發表
其實好似話天文台唔想個一號掛超過48小時, 原因我就唔太知..
但個風慢我想係主要因素...

如果真係咁，點解天文台唔公開承認呢個取向？

[ 本帖最後由 238X 於 2010-10-20 14:49 編輯 ]

原帖由 sea1986 於 2010-10-20 14:42 發表


家吓唔係講緊掛八號
而係只係講掛１號
連掛1號都咁婆婆媽媽
到真係需要掛更高風球時天文台做法會點做呢？

不論個風行唔行得慢
的而且確個風已經接近
天氣開始有轉變
天文台仲顧慮啲乜呢？ ...

[無理]或者可能係天文台怕自己吹得大勁,個風之後去咗福建又畀人話無啦啦掛一號;
又或者可能怕掛咗一號會畀人打爆電話問幾時掛3/8/9/10號[/無理]

講真,呢一兩年次次天文台都掛到趕頭趕命,如果唔係自己上網就真係會唔知有幾嚴重
同埋點解次次天文台等個風入咗800公里之後寧願出新聞稿都唔掛一號波?

原帖由 238X 於 2010-10-20 14:47 發表
個人認為，黑球似乎唔應該影響風球

點唔影響法？
掛黑球就算真係大風
市民通常對黑球比較忽略天氣惡劣既程度
但掛一號至少可以俾市民有一種警告家吓有熱帶氣旋影響香港
(雖然市民連八號都視無物)

黑球始終未能太過強力反映出家吓天氣變化既速度
從而減低市民警覺
更何況家吓個風越嚟越接近
已經有違一號既原意

原帖由 238X 於 2010-10-20 14:47 發表

如果真係咁，點解天文台唔公開承認呢個取向？

呢個我又唔清楚, 不過我睇原因可能有2個,

翻查返...可能是與廣東省氣象局的"颱風白色預警信號", "戒備信號：48小時內可能受熱帶氣旋影響"接軌..

亦睇返過往討論, 有人話, "(如果)發出(一號)訊號太久，只會令人覺得個風完全唔勁，容易掉以輕心"

我就唔知真正點解, 但近年天文台都傾向遲上一號就似乎是事實

原帖由 sea1986 於 20/10/2010 14:58 發表


點唔影響法？
掛黑球就算真係大風
市民通常對黑球比較忽略天氣惡劣既程度
但掛一號至少可以俾市民有一種警告家吓有熱帶氣旋影響香港
(雖然市民連八號都視無物)

黑球始終未能太過強力反映出家吓天氣變化既速度
從而 ...

我個意思係，如果有颱風影響，
但大風主因係季候風而唔係颱風環流，
可唔可以 出黑球 同時 又出 1 號風球？
到颱風再逼近就直接用 3 號風球取代黑球同 1 號風球。

老實講，今次同之前唔同，個風咁強 (差不多有 62 年溫黛級數)，
除非真係改去海南島，否則香港已經係坐 8 望 10
(相信呢個風連可航半圓都係颶風，無乜可能 9 之後唔駛 10)，
早少少上 1 號風球等大家預防下，係有必要。

[ 本帖最後由 238X 於 2010-10-20 15:27 編輯 ]

原帖由 HY671 於 2010-10-20 02:35 PM 發表


晒氣，今次個風行得咁慢，遲d掛又點？

要鬧既人係唔係都鬧架啦。

莫非閣下仲未清楚知道1號波發出的條件及目的?

1號波只是一個戒備訊號﹐只要有熱帶氣旋入800km ﹐同時有機會影響香港﹐已經可以發出。同香港境內當時的風力完全無關的。

發出的目的﹐是同大家市民講有風可能影響香港。

太遲發出﹐令市民太遲有意思去做防風措施﹐令到有機會無足夠時間去做適當的防風措施。要遠行的人﹐更加對評估天氣有難度﹐更加有人生安全。


今次既然開記者會講出風力強勁﹐在自己的預測路線都直吹香港﹐為何不早一點出1號波?
莫非真係覺得自己的預測路線會唔準﹐定係變數真係好多?

有警戒總好個風突然轉向而令到出現誤報﹐因為講緊的是人命。同時﹐發出1號波是有齊所有應有的條件﹐不怕被人投訴的。

原帖由 3ASV196 於 2010-10-20 03:07 PM 發表


呢個我又唔清楚, 不過我睇原因可能有2個,

翻查返...可能是與廣東省氣象局的"颱風白色預警信號", "戒備信號：48小時內可能受熱帶氣旋影響"接軌..

亦睇返過往討論, 有人話, "(如果)發出(一號)訊號太久，只會令人覺得 ...

這一句我是應同的﹐不過都要有一個合理時間給大家去準備面對。


廿多年前﹐香港真係會一有風入800km﹐便會發出1號波。
十多年前﹐已經改到去到600km 才發1號波。
近年係400km 才發出。

無可否認﹐掛得太長真係會令人掉以輕心﹐但都要有一定的時間給大家去做防風準備的。


廿多年前﹐一入800km 便掛1號波﹐是同當時香港的環境有關﹐香港還有很多鄉郊地區﹐有不少漁民及農民﹐都要很多時間去作出打風前的準備。

之後城市發展﹐大部份人對打風的影響細了。漁民及農民都少了很多﹐建築物比以前更安全﹐因此可慢慢縮短預警的時間﹐所以可以去到600km﹐講緊仲有1天半至2天才會掛8號風球。


但現在去到400km 才出1號波﹐令到大家以為個風真係來勢洶洶﹐隨時不足24小時便會掛到8號風球。
雖然城市發展可以承受一般的打風﹐但仍有不少村屋﹐都要自己檢查去水口有沒有樹葉阻塞﹐玻璃門窗要貼膠紙等等﹐這都要一定時間的。
加上一些計劃遠足的朋友﹐都要十分留意天氣的﹐有1號波可以即時決定是否取消﹐但遲遲不出便會令他們難以決定是否取消。


所以﹐應該繼續保留在600km 出1號波﹐以便市民有足夠時間作預備。

而中國及澳門﹐城市發展仍處於廿多年前香港的情況﹐所以比香港更早發預警是合理的。

原帖由 kei_hk 於 2010-10-20 15:30 發表
今次既然開記者會講出風力強勁﹐在自己的預測路線都直吹香港﹐為何不早一點出1號波?
莫非真係覺得自己的預測路線會唔準﹐定係變數真係好多?...

我覺得根本就係天文台對自己做既嘢都毫無信心
成日話秋颱路徑變數多而唔掛一號
呢個理由簡直無稽
天文台不論上任定現任台長都好
已經嚴重扭曲一號風球既原意
倒不如第日改成200公里內有一熱帶氣旋先好掛一號啦
250外掠過既都唔駛掛1號

踏入21世紀天文台作風越嚟越保守
應該話越嚟越細膽
正當鄰近地區都已經出晒警示
天文台仍然猶豫
都唔明佢仲猶豫啲乜
須知道風球掛唔掛
除咗影響經濟外
有好多工作行業都要睇風球安排工夫
同埋颱風下風險較高既行種都要視乎風球程度而影響保險不同程度既生效
萬一係大風下但未有風球掛下有人員受傷
叫保險公司點賠呢？

天文台成日吹噓自己有咩超級電腦可以提升預測
但一遇颱風吹嚟就另一邊成日話路徑難預測
好互相矛盾

今次呢個CASE
一邊吹恆水話個風點勢利
但另一邊又未見做嘢
呢個天文台到底諗緊乜？

佢早d掛好，
提早打亂巿民周末行程總好過打8號波困係行山徑啦。
越遲掛，佢應該會短時間1-3-8

另外富裕小輪已經因風浪問題不經大澳。
http://hk.news.yahoo.com/article/101020/18/ktbu.html