荃灣線油麻地至佐敦服務暫停已回復正常

原帖由 hkbw 於 2010-10-21 22:44 發表


一開始根本無提話佐敦到中環有服務, 個個梗係咁轉啦..

港鐵故障個陣未夠7點，
而起碼到7點半後先話可以佐敦往來中環，
如果佢唔搶修一部份睇怕尖東轉尖咀過海都唔得

今早收聽電台節目《千禧年代》，有觀眾致電指出肇事列車於太子站已經出現異樣，燈光無故熄滅及出現光花、冒煙情況：
http://www.rthk.hk/rthk/news/exp ... 01022_55_707007.htm

原帖由 EH2674 於 2010-10-22 02:46 發表
無可否認唔識坐巴士係一個問題，但部份與鐵路重疊的巴士路線班次被Cut到不倫不類導致客仔轉搭港鐵，亦係一個問題。成個交通網絡既巴士鐵路比例都唔平均,,,巴士出事咪無事囉，但鐵路一出事？巴士公司自己都未必可以即時加密晒全部有關路線。抽走部份巴士客黎搭鐵係啱，可以做出路面疏導。但唔該唔好逼使絕大部份甚至全部巴士客黎搭鐵，否則鐵路一有事就盞搞。

唔關巴士路線班次多少事，
係關鐵路本身載客量龐大事，
每3分鐘湧2000人上地面，巴士點多都冇可能有效疏導

巴士路線班次多或少，都唔會太影響到鐵路故障的疏導能力，點解??
因為本身巴士繁忙時間唔係空車行駛，巴士公司亦唔會擺幾百架後備車預留疏導鐵路故障，
無論巴士多人搭定少人搭都好，巴士公司都只會根據平時載客量去定剛好足夠的班次同車隊規模，
除非你叫巴士公司蝕住做

另外鐵路出事唔代表整個網絡出事，
現時荃灣線出事仲有東涌線/東西鐵線，
已經比20年前同類故障影響細左好多，
可見四通八達鐵路網絡比所謂巴士疏導重要得多

當然一條線出事，其他替代路線肯定會迫人左，乘客延誤行程無可避免

港鐵亦應妨效日本，故障時派發"延誤證明書"，以減少上班族鼓噪

原帖由 EH2674 於 2010-10-22 02:46 發表


無可否認唔識坐巴士係一個問題，但部份與鐵路重疊的巴士路線班次被Cut到不倫不類導致客仔轉搭港鐵，亦係一個問題。成個交通網絡既巴士鐵路比例都唔平均,,,巴士出事咪無事囉，但鐵路一出事？巴士公司自己都未必可以即時加密 ...

鐵路出事既時候
單憑一條十分鐘一班既巴士線可以搞掂...?

正如1991年3月那宗事故，當時整條荃灣線停駛，後來又因為太子站發生火警，連觀塘線也受到影響；而且又沒有緊急接駁巴士，受到影響的市民只能改乘巴士、的士、小巴等（荃灣的居民仍可乘搭渡輪），混亂情況比起這次更加嚴重。

至於「延誤證明書」方面，那次事故中從新聞中提及在荔景站被困的乘客便收到這樣的信件。

另外過海路段停駛，除了2004年的縱火案外，便想起於1990年有一列往中環站方向的荃灣線列車在金鐘站前的隧道突然發生故障而停了下來，乘客要由車頭步行至月台。

原帖由 kei_hk 於 2010-10-21 23:25 發表


今早我8:55於青衣入閘﹐於入閘前﹐東涌線列車上﹐南昌站以及西鐵去紅磡﹐全部有廣播講得好清楚佐敦去中環是6分鐘一班車﹐油麻地去荃灣4分鐘一班車。

西鐵仲要每一個站開車都講一次。 ...

0855..要返工既都返晒啦..

出事係0700左右, 電台係0720左右發佈消息, 係指荃灣線只維持荃灣至油麻地,
提都冇提中環至佐敦..

0855先有齊, 多謝晒, 因為要塞既都塞左係九龍中九龍東..
好彩我就馬鞍山跳車搭巴士, 仲可以訓多陣..

原帖由 hkbw 於 2010-10-22 10:39 AM 發表


0855..要返工既都返晒啦..

出事係0700左右, 電台係0720左右發佈消息, 係指荃灣線只維持荃灣至油麻地,
提都冇提中環至佐敦..

0855先有齊, 多謝晒, 因為要塞既都塞左係九龍中九龍東..
好彩我就馬鞍山跳車搭巴士,  ...

唔係每一個都返9:00 的﹐我返9:30的﹐所以8:55 才在青衣站出發


講到尾﹐邊段時間維修情況去到點﹐便可提供什麼服務﹐有什麼服務便公佈教人點坐車﹐只是時間問題。
所以﹐我提及有什麼廣播﹐我都同時講埋當時時間﹐只是講我遇到的情況。

港鐵在地鐵線路上不提及可以轉東西鐵到尖東，其中一個原因係東鐵自己已經叫人咁做，
實在無餘力應付更多觀塘綫過來的乘客。九龍塘站地鐵月台，職員係一味叫人搭東隧方向。
在飛卜所見，受影響期間，觀塘綫東行，平均一個站車程係15分鐘。

擺明抽水：第四條過海鐵路，實在刻不容緩。

[ 本帖最後由 DIH 於 2010-10-22 11:56 編輯 ]

原帖由 DIH 於 2010-10-22 11:55 AM 發表
港鐵在地鐵線路上不提及可以轉東西鐵到尖東，其中一個原因係東鐵自己已經叫人咁做，
實在無餘力應付更多觀塘綫過來的乘客。九龍塘站地鐵月台，職員係一味叫人搭東隧方向。

擺明抽水：第四條過海鐵路，實在刻不容緩。 ...

可能又有另一原因﹐雖然受影響人數不多﹐但都要顧受的 : 單程票

原帖由 JN6854 於 2010-10-21 22:12 發表
今朝同住觀塘區、將軍澳區0既同事傾呢件事
觀塘區─等0左六班車先上到車(過調景嶺) (仲要係攝入車廂)
將軍澳區─等0左四班港島線先上到車(番炮台山)

和你同事一樣, 我和太太都是住觀塘, 太太返北角, 我返炮台山
昨日早上出門前, 我們聽見停駛, 以及叫人坐將軍澳線消息後,
就預左多人經東隧過海 (不論地鐵, 巴士),
於是就叫太太提早出門坐巴士過海, 免得上不到車而遲到
結果昨日619等線係多人坐, 我太太係等左唔止兩班車先上到, 兼做閘長

另外, 有住樂富同事一早電聯本人, 請教乘車方法
由於我預左紅隧線好可能都會受影響
所以我就教他坐車出九龍城碼頭, 轉船往北角
再在北角轉電車或者巴士
雖然同事在碼頭等船都等了頗久, 但對比還坐地鐵的同事
他遲到的時間算少...

同事經驗給我的結論是, 遇上類似事情的話, 要善用渡輪服務
去疏導部份過海的人流