荃灣線油麻地至佐敦服務暫停已回復正常

原帖由 60M 於 2010-10-21 09:42 發表


應該係車長即興讀出來的.

如果係咁, 咁即係話車長所接受的訓練有所不足,

呢D都係港鐵公司的責任, 港鐵公司係責無旁貸架.

原帖由 AVW56 於 2010-10-21 09:47 發表


如果係咁, 咁即係話車長所接受的訓練有所不足,

呢D都係港鐵公司的責任, 港鐵公司係責無旁貸架.

岩啦，炒晒佢地啦，全部請大學生黎做啦，唔好再請中五畢業喇。岩聽嘛？

不過我驚就算大學生做，都未必可以好似一眾鐵路迷咁，識背晒全港港鐵車站 (包括輕鐵) 的英文名咁威威...

原帖由 da54 於 2010-10-21 09:38 發表

人地英文唔好姐，港鐵幾十個站，你估個個都好似大家咁叻，
識背晒全部站英文名咩，我覺得抽水唔駛抽得咁盡....

我呢，就只係當得啖笑，但假如係只懂英文的遊客，廣播話Tsim Sha Tsui East，
成張地圖只有East Tsim Sha Tsui同埋Tsim Sha Tsui，本身已經因為拼音奇怪而難記，
而家連詞序都調轉，引起外國人不便、影響形象就唔好啦。

雖然正常人應該會上文下理推斷到，但係
1. 這是港鐵旗下車站，合併已經三年，港鐵絕對有責任熟知自己旗下有甚麼；
2. 只是一段由一個人講的廣播不停重覆，我知你中心實七國咁亂，但叫返個人來讀多次唔係太難卦？
註：我話講錯站名的，是東鐵綫上，中央向各列車及月台發出的廣播，
由九龍塘至大學，大約15分鐘內播了不下五次，一直沒有更正。

港鐵講錯站名係不負責任，沒有任何藉口推搪，更不值得任何人為其護短。這是原則問題。

乘客是否可以自行領會，係另一回事；
乘客亦沒有責任知道或明白或諒解港鐵內部的恩怨情仇，從而對牽涉兩套系統的事採取不同標準。
係咪你叫上湯龍蝦伊麵，廚房畀上湯蝦球伊麵你，你唔會追究？

撇開講錯站名不說（其實比起Tsim Tung，已經有大進步），
我在非直接出事路段所見，港鐵都已經盡佢所能靈活行車，亦都識叫人去紅磡轉西鐵，
九龍塘站職員又有叫人搭東隧過海，都算係咁。
但如果係大圍至九龍塘，甚至係畢架山隧道內出事呢就......

[ 本帖最後由 DIH 於 2010-10-21 10:09 編輯 ]

原帖由 60M 於 2010-10-21 09:42 AM 發表


應該係車長即興讀出來的.

剛坐完西鐵 (南昌去紅磡)﹐每一個站之間都由車長作廣播有關事件﹐講埋列車班次。

今早8:55在青衣有一班吉車通過青衣去荔景﹐吉車不停青衣站﹐估計吉車在荔景起載客﹐車序 800 。

原帖由 DIH 於 2010-10-21 09:54 發表

港鐵講錯站名係不負責任，沒有任何藉口推搪，更不值得任何人為其護短。

無法子啦, 港鐵公司呢排忙住入則, 趕搭發車尾班車呀嘛,

其他野係暫時無暇兼顧架喇.

你甘唔滿意咪投訴佢囉, 晌度嘈有咩用呀
一於投訴, 投訴到佢摺埋, 甘咪唔駛煩, 眼乾淨時耳清淨

晒氣，只係個EAST喺頭定喺尾問題
咁都有人可以抽晒成個維港既水囉
相信冇一個人會好似部份人咁抆塞咁要求一定要讀啱啲字既前後次序先知果個咩地方
更何況EAST雖然屬於地方名既一部份
但佢既作用只係指出方位而已
無論個East喺前頭定後面
都無礙外國遊客去認知果個地方

英文地址都有時將個方位擺前擺後
例如123 1st Ave E
唔通我寫成123 E. 1st Ave 郵差就會唔識睇呢咩？

係某啲人先咁古老石山
一定要嗌East Tsim Sha Tsui、一定要嗌港鐵、一定要嗌東鐵線
當正其他人真係智商低、以為人地講到明一明先知明你講乜咁囉

我都係受害人，依家港鐵轉用左呢d電子通告牌，好多人根本唔察覺，作用冇以往「楝」個鐵牌咁明顯。

啱啱ＴＶＢ新聞已經講咗服務已經恢復正常