2010關西之旅 - 鐵道篇 [最後新相在#35]

原帖由 herman15hk 於 2010-10-30 10:10 發表
8000更新車
全日本最豪華的橫位

有無坐雙層卡？

之前搵料見過，想坐架，不過
1. 同行人太多（計埋我有六個）
2. 我媽隻腳唔係好得，成日要搭lift落月台；第三日我自己都在坂本拗柴
3. 通常去到站都差唔多夠鐘有車，唔夠時間去搵排隊位
4. 京阪特急好多人搭，為求一坐只好去車頭

好難坐埋一齊，又不能保證有位坐，所以都冇坐雙層車。
而且搭親8000系都係夜晚，早上班次都係6000系，夜晚坐雙層都冇乜意思。

8000系在車門旁邊有伸縮椅，我只搭過佢西行，伸縮椅在中書島後，開始係咁飛站才開啟。

多謝樓主咁詳盡的分享先~

我去過關西一次咁大把,真係無幫襯過私鉄,
因為只係去左環球影城、神戶同關西空港走人

一向關西的鐵路係真係多姿多采,
不過講真,我又唔多對果邊的私鉄有興趣,

*或者我覺得1067米軌的火車先係正宗日本火車,
我諗以後我去日本都只會關東/九州/北海道

原帖由 herman15hk 於 2010-10-30 10:13 發表

419已經決定左明年玩完,山陰的電化區間又換左223,地方線又已經換哂kiha120巴士
新車225又到唔知到時221又會比邊d路線啦

以西日本的政策過多幾年廣島支社地區應該會仲有大把國鐵車...或者有201 N30車 ge...... ...

山陰應該仲有唔少kiha40嘅
點計JR west都仲有好多國鐵特急車做定期班次:583,485,183,381

不過下次如果有機會再去日本的話反而想去北陸+東北

另外高山本線果四架kiha58・28係咪玩埋下年就收檔?

原帖由 CTB3B 於 2010-10-30 14:43 發表

山陰應該仲有唔少kiha40嘅
點計JR west都仲有好多國鐵特急車做定期班次:583,485,183,381

不過下次如果有機會再去日本的話反而想去北陸+東北

另外高山本線果四架kiha58・28係咪玩埋下年就收檔? ...

姫新,山陰有キハ126系,キハ127系

485得返一往復雷鳥,北近畿批183-800又唔會玩得耐

我5月都去過, 同你行程差唔多
不過我係JR京都站先坐巴士上比叡山, 再坐阪本cablecar落去,
亦有去到大津試下果間超勁份量既美富士食堂

第四日：
行程係嵯峨野＞嵐山＞梅小路＞錦市場

又係京阪特急，住淀屋橋有呢樣好。


車內一個有趣廣告，有趣在醫院名。


本班車又係6000系，後面見到紅黃色的係對頭車。


姊妹車站，1945-1968年間有直通路軌，後來拆除。
京都一帶的地名都好有詩意，伏見桃山是明治天皇陵所在。



我地唔係搭呢架～


係搭呢架去到京都。京阪電車既不到京都駅也不到大阪/梅田駅。


跑住衝去趕JR班車，完全影唔到車外相。呢個係JR West Kansai area pass的界站。


唯一車外相：


到達今日第一個景點。


很胖很可愛～


主角到了！無論如何都要由亀岡搭去嵐山／嵯峨先「正常」，相反方向係開倒車。


天氣同香港而家差唔多。


頭先行過的(新)山陰線。


彎道與河道，呢條河一直流返去大阪～


銘牌～


我地在嵐山落車。我個人感覺成程車行得太快，不能細心欣賞沿途景色......



行過竹林、見過藝伎後，遇到山陰本線踏切。
我地聽到鈴聲，於是停低睇，先後見到一列普通及一列特急經過，不過特急太急，睇唔到係乜。


往保津峽、福知山、鳥取、出雲、下関方向：


往嵯峨嵐山、二条、京都方向：


JR山陰本線在京都市內，二条至丹波口（不同丹波橋）一段竟然係單線，來到郊區才變回雙線。


（續下頁）

[ 本帖最後由 DIH 於 2010-11-3 23:03 編輯 ]

（續上頁）

行完嵐山一帶，搭嵐電去天神川。


嵐電嵐山駅。


已經有部車。


路線圖～


嵐電100周年塗裝？


車內


本班列車以四条大宮為終點站。


去到嵐電天神川，旁邊京都地下鉄東西線大秦天神川駅剛剛啟用無耐，電車軌有改動過。



京都地下鉄東西線大秦天神川駅改札。


站名好長。


上了一架好吉的車～


架車原來係待命中，急急腳去對面月台上另一架車。就在這個時候，遺下了一袋剛買的食物手信，冇左喇。


去到烏丸御池轉烏丸線。


這些位置也用來賣廣告～


京都地下鉄站名牌。


呢張算係影得最清楚的地下鉄列車照。
大家無睇錯，呢架「京都」地下鉄烏丸線列車係去到「奈良」的（直通近鉄）。


返到京都駅，準備去下一個景點：梅小路蒸汽機関車館。


（續下頁）

[ 本帖最後由 DIH 於 2010-11-8 11:51 編輯 ]

（續上頁）

呠呠！搭了一次短短的museum ride。


我地搭的係當日最後一班museum ride，之後機車就入庫喇，入庫前架車先做下model～





第一次親眼見到蒸汽機車，非常興奮。如果係同自己friend去應該更過癮。
最難忘及最有情調的，是現場的煤煙味，這是相機帶不回來的。


旋轉盤足足繞了一圈，又響汽笛～


扇形車庫～


有架同「叉鵝野」差唔多的調機，都要入庫喇～



這是機車仍然活力十足的證明。


簡介牌。


日英友好機車～


之後搭巴士返京都駅，係行程中第三次，亦都係最後一次到京都駅。
天氣咁好，當然要影下呢個拎過建築獎的車站。




之後又搭返地下鉄去食野。



去錦市場，在這間餐廳晚餐～


跟住搭巴士去返祇園四条駅搭京阪特急返酒店。再見了，京都！


第五日預告：神戶

[ 本帖最後由 DIH 於 2010-11-3 23:26 編輯 ]

原帖由 DF11 於 2010-10-30 22:37 發表
我5月都去過, 同你行程差唔多
不過我係JR京都站先坐巴士上比叡山, 再坐阪本cablecar落去,
亦有去到大津試下果間超勁份量既美富士食堂

係咪用pass？
我地見京阪一直去到出町柳，可以轉叡山電車，既然一場來到，想兩邊纜車都搭晒，
於是即使要畀錢都係搭埋叡山Cable & 叡山Ropeway。

我地行程實在太趕，不能在大津停留多一陣，一落車就即刻要轉車，
我都想去周圍行下，不過鬼叫自己未去過京都，處處都想去咩。

[ 本帖最後由 DIH 於 2010-10-30 23:30 編輯 ]

原帖由 DIH 於 2010-10-30 23:29 發表

係咪用pass？
我地見京阪一直去到出町柳，可以轉叡山電車，既然一場來到，想兩邊纜車都搭晒，
於是即使要畀錢都係搭埋叡山Cable & 叡山Ropeway。

我地行程實在太趕，不能在大津停留多一陣，一落車就即刻要轉車，
我都想去周圍行下， ...

係啊, 我去左12日,
用左kansai thru pass
真係用到佢盡,
巴士纜車都坐齊