明報20/11/2010 - 地球之友：換巴士改善空氣

原帖由 S3BL343@66 於 2010-11-20 22:10 發表


我成日諗點解佢地咁鍾意針對巴士 反而唔建議政府減少私家車數量 -> 改乘集體運輸 ， 區內交通-> 單車
同時其他人又無諗過E2車早退背後的問題
奇怪 奇怪!
果 D 議員就話政治考慮je 但其他人呢? ...

因為巴士唔係用石油氣
同做巴士既係大商家...

原帖由 NCWCCM_ 於 2010-11-20 21:13 發表
淘太舊車亦不見得有幾環保,不如加裝D咩柴油粒子過濾器令舊車排放少D仲好

當呢D物品欠缺適當保養/不定期更換，效果同唔裝無分別
當年AMS D三代咪一樣裝晒呢D filter，D煙咪一樣咁多...

原帖由 NC8285 於 2010-11-20 22:06 發表
d正所謂既"環保團體"真係搵野黎講，又唔係真係環保得去邊，咁樣換一架好好地
仲行得既巴士其實咪仲唔環保，同埋巴士公司同政府又真係有咁多錢去換咁多車咩，
仲有而家換晒，到十幾年後咁咪又多"殺人兇器"，唔通到時又要大量換車呀!?
d"環保團體"不如叫政府多d叫市民用公共交通工具，d高官唔好成日換車，坐下公共
交通工具仲好啦 . . . 成日把d責任推晒落d巴士既身上，又唔話下d高官同有錢佬 . . .

D高官都算係咁架喇，坐駕由V8 變 V6 (BMW E38 735i --->VW Phaeton 3.2)

原帖由 kay 於 2010-11-20 21:44 發表
環保團體曾經係路線重組上提過"一區cut唔夠一條巴士線"
係換巴士上立場又咁硬，真係無乜討論空間。

立場上，基本上想灌輸少一架巴士就環保d，
但又累晒成班靠搭巴士既。
最後巴士唔方便咪又渣私家車。

或者，向另一方面想， ...

我相信香港而家好多環保人士都唔係理工科出身，淨係有套ideology，
但係對科學知識和科學方法的認知薄弱，所以先成日出呢D令人貽笑大方的建議。

我自己就完全睇唔到點解要以巴士線數目而唔係實際路面上巴士行駛里數同時間作為環保的準則。
相反，要減少巴士造成的廢氣排放，尤其是繁忙地區的排放量，
我認為唔應該亂削減路線，反而應該增加特快線，令到一線走天涯的情況減少，
從而令進入繁忙地區的巴士數目得以減少，而不影響實際可乘載量。
例如，我一直都覺得以下路線應該拆特快，減少巴士在繁忙路段的行駛時間：

九龍區：41/41A/44、42A/43C、58X、59X、60X、68X
過海：102/112、106、601、619
（港島因為可以拆線改特快的路線差唔多都拆晒，已經無咩空間再用呢招減少巴士流量）

成日都有人話，巴士在繁忙地區載客量低，應該要cut，但係呢班人睇唔到背後原因之一
係好多線依然沿用七、八十年代的路線規劃，一線走天涯換取頻密班次，咁條線去到後半段一定無咁多客。
七、八十年代呢種mindset，係時候要完全取代。
當然，要做到呢樣野唔係無難度，特別係好多時區議會都搞山頭主義，要一村一線，
寧願要條線慢慢碌都唔要特快線，最終係乘客同空氣質素都受害。

同時，好多新界巿區線，日間非繁時客少，
例如我屋企附近條74X，我咁多年來無試過星期一至五日間十點至四點之間見過任何一個方向
九龍灣鐵路站對出可以坐滿窗口位，我實在睇唔到呢條線非繁時要開到5-7分鐘一班的原因。
以呢條線為例，根本上可以減到8-10甚至9-12，D客都會照搭。
5-7減到9-12，非繁忙時段每小時觀塘道每個方向可以平均少4-5架巴士行走，
效果比起換環保車，甚至隨便搵條線cut都來得更大。
當然，如果條線本身班次已經係超過15分鐘一班，我唔會建議減班。

至於私家車方面，我唔會好似部分巴迷，只係見到私家車污染而否認巴士同樣會製造污染。
主要問題係，以香港的私家車數目和平均行駛里數，私家車所佔的總排放量其實無咩可能超過巴士總排放量，
只係私家車造成的人均排放量遠超巴士人均排放量。
但係，平日用得私家車出入的巿民，好多都係住新界郊區 / 九龍塘 / 薄扶林 / 淺水灣赤柱，
呢d地方人口一般比較分散，除左淺水灣赤柱之外，道路網設計係不利於呢班私家車使用者轉投公交，
亦不利於設計公交路線服務呢D居民。
所以平日減少私家車流量的空間，其實係相當有限。

原帖由 S3BL100 於 2010-11-21 11:09 發表


至於私家車方面，我唔會好似部分巴迷，只係見到私家車污染而否認巴士同樣會製造污染。
主要問題係，以香港的私家車數目和平均行駛里數，私家車所佔的總排放量其實無咩可能超過巴士總排放量，巴士,鐵路,生活7 f2 ]; `* R/ j3 h& ?
只係私家車造成的人均排放量遠超巴士人均排放量。hkitalk.net2 K0 d6 ?- i6 w$ q2 i
但係，平日用得私家車出入的巿民，好多都係住新界郊區 / 九龍塘 / 薄扶林 / 淺水灣赤柱，
呢d地方人口一般比較分散，除左淺水灣赤柱之外，道路網設計係不利於呢班私家車使用者轉投公交，
亦不利於設計公交路線服務呢D居民。
所以平日減少私家車流量的空間，其實係相當有限。

只係將私家車同巴士比較，本身就已經唔係一個fair judgement
因為有私家車，條路車流量增加，就更加容易同經常會出現塞車
而呢個情況會令同一路既段既行車時間（以倍數）增加，變相令該段路既巴士排放量大大增加
所以我覺得，與其要搵人找數換新巴士，不如向駛入繁忙地區既所有車輛徵收碳排放稅
以各種車輛駛入繁忙地區既必要性，以及人均排放制定收費基準（換言之私家車係會被重稅），並且以行走時間厘定實際收費
到收左錢之後，想換車又得，想好似英國咁sponsor營運商去開巴士小巴踢班車主落公共交通亦得
同時間，如果貨運界係點都唔肯換車既，咁可唔可能以重辦汽車渡輪，去減少貨車既繁忙地區路邊排放？

[ 本帖最後由 ~誰@359~ 於 2010-11-21 12:19 編輯 ]

原帖由 ~誰@359~ 於 2010-11-21 12:16 發表
同時間，如果貨運界係點都唔肯換車既，咁可唔可能以重辦汽車渡輪，去減少貨車既繁忙地區路邊排放？

呢樣0野現時仲有 但只限指定類別危險品貨車使用以便來往港島/九龍(因為佢地唔可以用過海隧道)

如果真係有一定需求0既 當年就唔駛取消普通汽車渡輪服務啦...
如果佢地真係有定期order要去繁忙地區咁又點算好呢？被迫換車？被迫付重稅？

[ 本帖最後由 JN6854 於 2010-11-21 17:04 編輯 ]

不如叫政府注資入股專利巴士公司, 收歸"國有"... 全部做半政府部門, 咁就做乜都得啦!!

政府又係:  
又要威 (吓吓講環保); 又要戴頭盔 (唔肯出錢), 乞人憎!!

原帖由 S3BL100 於 2010-11-21 11:09 發表
至於私家車方面，我唔會好似部分巴迷，只係見到私家車污染而否認巴士同樣會製造污染。

咁你又唔好無的放矢
好多人既著眼點就係覺得外界好似只係認為巴士識得放廢氣
其他車就唔會咁
咁喺巴迷角度睇係對巴士有欠公允
的而且確
政府同所謂環保團體真係只識啄住巴士
唔諗下其他都有污染既來源
由始至終呢度冇人只識擁護巴士
冇人否認私家車識放廢氣同時巴士唔會放
你又唔好無啦啦乘機不點名批評人

現在巴士路線真是有點與時代脫節，九巴及運輸處好應該將現有路線推倒重來（如似1973年個大重整），唔應該只是將某條線改變減少，減低繁忙道路不必要重疊的路線。這樣巴士服務才能回覆生機。

[ 本帖最後由 proschebus 於 2010-11-22 18:35 編輯 ]

原帖由 sea1986 於 2010-11-22 16:41 發表
咁你又唔好無的放矢
好多人既著眼點就係覺得外界好似只係認為巴士識得放廢氣
其他車就唔會咁
咁喺巴迷角度睇係對巴士有欠公允
的而且確
政府同所謂環保團體真係只識啄住巴士
唔諗下其他都有污染既來源
由始至終呢 ...

對, 我真係近乎聽唔到 香港的環保團體呼籲點樣減少私家車的污染
一年一度的無車日得個樣, 活動參加者有唔少根本都無車
平時渣車返工嗰 d 好多都唔肯報名參加

商業區停車場租係貴
但響政府部門、各大中小學同政府資助機構工作的人,
好多都有免費泊車位

原帖由 Quanta 於 2010-11-22 18:30 發表


對, 我真係近乎聽唔到 香港的環保團體呼籲點樣減少私家車的污染
一年一度的無車日得個樣, 活動參加者有唔少根本都無車
平時渣車返工嗰 d 好多都唔肯報名參加

商業區停車場租係貴
但響政府部門、各大中小學同政府 ...

依家我用公司車, 免得過都唔想駕, 坐vendor的車(或佢坐我車)好過, 特別是去九龍市區同過港島, 煩死...坐公共交通算罷啦!

如果入新界或大嶼山, 做野無車真的十分不便, 好似今日, 一個AWE一個迪士尼, 明明好近, 但轉車都轉到你暈...

合理地理用, 本身是沒錯, 只是香港人太多人貪方便, 加上公交服務(特別是九龍新界的巴士服務)倒退, 迫到好多人駕車齊齊塞