明報20/11/2010 - 地球之友：換巴士改善空氣

原帖由 da93 於 2010-11-25 23:42 發表


冇架,
最終咪又係轉嫁俾用家度

都係果句,
唔該實質地研究下點解繁忙時間會塞車

係咪真係一句車多可以解答晒所有問題?

咁我又想知你研究到D乜野
因為我發現你迴避左我之前提出「紅隧塞車同內街倒灌」關係
當然，我亦唔係未見過旺角道既巴士係點樣畀內街塞出泥既車阻住埋站
多車，亦唔係用泥解答問題，但絕對係用泥解決問題既重點
講得衰D，馬路上面少車流，搵幾條內街專泊死車都會乜事都冇

而且另一個問題係，你提出話規劃上解決內街倒灌
D繁忙地區都冇一個咁既空間去重新規劃過，最終都係好難搞，付出既成本仲係收唔返
但如果做道路收費，空間上都係搵位擺cam姐，仲有咁大個倫敦畀香港政府照抄…出既錢有得回本添…

原帖由 ~誰@359~ 於 2010-11-25 23:43 發表

搞個道路收費，再改善下公共交通既服務
唔難令中產人士放棄私家車

又咁講,
點解唔由改善公交服務再攪道路收費?

我真係會BUY改善公交服務呢樣野,
不過奈何,
呢個政府係不停削弱緊公交服務既時候,
你想要D人唔用車根本只會越黎越遠,
最基本既係,
車係得咁多,
加加減減根本局限左巴士線既發展

一日繼續叫人放棄楂車而去等待一個唔知幾時先改好既公交服務亦難以說服人,
再講,
中產人士亦有人係坐車返工

[ 本帖最後由 da93 於 2010-11-26 00:10 編輯 ]

原帖由 ~誰@359~ 於 2010-11-25 23:49 發表

咁我又想知你研究到D乜野
因為我發現你迴避左我之前提出「紅隧塞車同內街倒灌」關係
當然，我亦唔係未見過旺角道既巴士係點樣畀內街塞出泥既車阻住埋站
多車，亦唔係用泥解答問題，但絕對係用泥解決問題既重點
講得衰D，馬 ...

咁人地日本咁大個單車停車場又唔見香港照抄?
英國用單層掛接巴又唔見香港照抄?

你要明白,
香港某D法例上既野基本上係過時得好緊要,
打個比喻,
區內交通冇錯我好buy單車取代,
但當見到硬件配套差時我會覺得D人用區內線係好合理,
同一道理,
你有幾多實際證明紅隧塞係因為私家車太多所以塞車?

我楂車,
我知道駕駛人士個心態,
如果西隧收$30既,
講真我唔介意行,
調番轉慳到時間慳到油錢,
你估個個湧晒落紅隧塞幾個字車真係貪D油冇地方燒?

你成日話減少路面車流就唔會塞車,
個問題係,
旺角內街好多時都係單排行車,
你估個車流真係好高?
埋邊擺兩行死車既時候,
你唔通以為車少左就唔會塞?

但本身行車線係容納到兩條行車線既,
咁,
你減車流?
小巴,直巴你唔可能唔開,
貨車你唔可能有一日冇貨落,
你減到既,咪減囉~

原帖由 da93 於 2010-11-25 23:50 發表

又咁講,
點解唔由改善公交服務再攪道路收費?
我真係會BUY改善公交服務呢樣野,
不過奈何,
呢個政府係不停削弱緊公交服務既時候,4 p) p" Y1 Q+ Z7 n
你想要D人唔用車根本只會越黎越遠,

原帖由 ~誰@359~ 於 2010-11-25 23:43 發表

搞個道路收費，再改善下公共交通既服務
唔難令中產人士放棄私家車

我唔係唔想通過改善交通，來爭取駕車人士放棄駕車，
但係單純改善公共交通來吸引駕車人士改搭公交，我相信會同單純經濟懲罰駕車入旺區人士，同樣係作用不大。

正如我上面所講，對於一個住大坑、返西半山，或者住跑馬地、返薄扶林的人，
你會expect佢渣車定係搭公共交通？
當然，而家大坑/跑馬地來往銅鑼灣/中環的公共交通相對尚算方便，
如果係銅鑼灣/中環返工，咁我保守估計佢應該有一半以上機會係搭公共交通。
但係如果係返薄扶林或者西半山，點都要轉一次車，方便程度大大減低。
同時，如果開條大坑/跑馬地直達西半山/薄扶林的巴士/小巴線，好大機會唔夠客。
呢個情況之下，如果一廂情願expect可以單靠改善公共交通，吸引呢班人放棄渣車，實在有少少不切實際。

當然，你可能會話，咁對於而家住大坑/跑馬地、駕車去銅鑼灣/中環果班人，
係咪可以通過改善公共交通吸引佢地放棄渣車呢？
唔係唔得，但係服務涵蓋成個跑馬地的城巴條1號線已經係開緊6-12分鐘一班，
咁請問各位，仲有幾多「改善」的空間？係咪加到4分鐘一班，就會有好多人改搭1號線？多數未必。
因為等多兩三分鐘車，對呢班人好可能係無乜分別，一樣都係要等。

相比之下，一個住九龍站上蓋、返國金二期的i-banker，你估佢係渣車定搭港鐵東涌線返工？
我就話99%係後者喇。

重點係，一個人決定渣車定係搭公共交通，好大程度係取決於負擔能力同埋居住、上班地點之間的交通連接，
佢自己自然會衡量各因素後，作出理性（不過未必係對社會整體利益最好）的決定。
我唔係話公共交通無改善空間，例如我一直都好強烈希望過海線同部分九龍巿區來往新界的巴士線唔好再一線走天涯，
不過in the grand scheme of things，對於已經渣緊車返工的巿民，呢d措施的吸引力不大；
同樣道理，對於搭緊公共交通的巿民，樓下條巴士線由12分鐘減至15分鐘一班，
我亦唔相信會有好多人因為每日可能要等多三分鐘車而放棄搭巴士，改為渣車返工。
（當然，如果巴士公司cut完車之後又成日玩收車，大幅增添不穩定因素，就另計，
但係呢D已經係巴士公司內部政策問題，同public transit network無關）

始終認為，最實際的，是雙管齊下之餘最好仲用行政手段禁止私家車部分時段進入旺區，
同時增設park and ride，令住新界偏遠地區的巿民唔使渣架車入巿區，都可以享受到方便。

我甚至仲諗過玩carpooling，諗緊有冇可能通過financial incentives或者其他便利
吸引住九龍塘、跑馬地、大坑、淺水灣一類地區的居民，share私家車返工，呢招或者可以發揮一定作用。

原帖由 sea1986 於 2010-11-24 15:03 發表
呢個，即係叫政府同黑社會過唔去
隨時旺角警署日日有好戲上演

原帖由 da93 於 2010-11-24 15:47 發表

其他地區呢?
小巴4350減至2500甚至以下我都贊成,
但首要既係,
點樣毀滅果D 37M既車鏈小巴同埋唔好再夾硬用小巴去取代本身應該要以巴士做既野

我唔熟法律，但係我其實係諗過以下幾樣野有冇可能做到：

1. 黑幫就係黑幫，點解要同情佢地？我就唔信全香港4350個公共小巴牌，無一個係由黑幫人士持有。
等下次捉非法收入線費果陣，只要有充足證據證明牽涉非法行為，就順便充公埋D小巴牌。

2. 綠小專營權入面，增加條款，如果經營不善，政府可以隨時收返成條線，連條線的小巴牌都收埋。
（其實政府本身已經有權收返條線個經營權，但係唔知點解，好少真係實行，變左無牙老虎）
如果呢招行得通，咁下次新界44呢類，萬一遇上重大事故，即刻就有藉口收返成條線連埋果100個小巴牌。

3. 得閒去捉下d車做smog test，如果過唔到，就連架車個小巴營運牌照都收返，等營運牌照持有人同埋車主都可以醒醒定定。

[ 本帖最後由 S3BL100 於 2010-11-26 07:11 編輯 ]

原帖由 S3BL100 於 2010-11-26 07:09 發表
我唔熟法律，但係我其實係諗過以下幾樣野有冇可能做到：

1. 黑幫就係黑幫，點解要同情佢地？我就唔信全香港4350個公共小巴牌，無一個係由黑幫人士持有。
等下次捉非法收入線費果陣，只要有充足證據證明牽涉非法行為，就順便充 ...

先生
紙上談兵，何其容易
正等如北韓前幾日發癲射炮過南韓
美國佬想消滅佢，射番一百幾十支洲際導彈射爆佢我夠識講
但實際想係咪咁容易？
做嘢唔駛諗後果？

黑社會，無錯，係黑社會，唔需要同情佢地
但要諗吓，貿然收番佢地小巴牌，就算用到非法收入線費呢啲所謂藉口去收佢地牌
咁又係咪可以話做到就做到？
正所謂一句︰阻人發達猶如殺人父母
政府收牌，即係斷佢地米路
佢地咪嚟舖杰嘢你嘆囉
到時佢地周圍搞屎搞棍，咪盞仲捉蟲
治安點都重要過一切
一陣搞到連鎖性反應、泛生其他社會問題
呢隻鑊邊個孭？既然人地都叫做緊"正當生意"，人地冇犯著你，政府又點會無啦啦去郁人地？攞屎上身呢？

呢啲唔係係咪無牙老虎問題
而係做嘢要諗吓會唔會有一連串後果？
正如美國家吓可以揮軍入平壤捉金氏父子、解放北韓
但咁樣你估北京會唔會袖手旁觀？會唔會出兵幫北韓？跟住會唔會演變成第3次世界大戰？
收小巴牌可以隨時做到
但唔係一朝一夕、亦唔可以妄顧濫收所帶來既後果
正所謂牽一發動全身
除咗惹來黑勢力不滿外
因為CUT牌而冇咗份工既司機又點樣？無啦啦又多咗一半既小巴司機失業
如果根據你既建議CUT接近一半
當一架車兩更人，即係有三千幾人冇咗飯碗，佢地又會嘈，叫佢地去邊度？
你估政府會唔會自找麻煩呢？

黑白兩道要和平共處，只要是但一方都唔好踩過界，白唔撩黑，黑就未必會搞白
無端百事阻人發達，後果可能好嚴重
都係果句啦，講就好容易、可以講到天下無敵都得
但做起嚟時第一埗棋點行都未必識架

原帖由 S3BL100 於 2010-11-26 07:00 發表




我唔係唔想通過改善交通，來爭取駕車人士放棄駕車，
但係單純改善公共交通來吸引駕車人士改搭公交，我相信會同單純經濟懲罰駕車入旺區人士，同樣係作用不大。

正如我上面所講，對於一個住大坑、返西半山，或者住跑馬地、返 ...

其實咁講,
想知你點睇奧運站個park and ride

原帖由 S3BL100 於 2010-11-26 07:09 發表




我唔熟法律，但係我其實係諗過以下幾樣野有冇可能做到：

1. 黑幫就係黑幫，點解要同情佢地？我就唔信全香港4350個公共小巴牌，無一個係由黑幫人士持有。
等下次捉非法收入線費果陣，只要有充足證據證明牽涉非法行為，就順便充 ...

咁你要知黑幫持有既小巴牌亦未必好多,
4350架小巴入面,
紅小佔既比例不足一半,
基本上對於果種不受規模既交通某程度上係可以放埋一邊,
反而值得要睇既係果堆所謂受限制既交通,
再講,
入線貨同有冇小巴牌亦冇關..

原帖由 sea1986 於 2010-11-26 09:35 發表


先生
紙上談兵，何其容易
正等如北韓前幾日發癲射炮過南韓
美國佬想消滅佢，射番一百幾十支洲際導彈射爆佢我夠識講
但實際想係咪咁容易？
做嘢唔駛諗後果？

黑社會，無錯，係黑社會，唔需要同情佢地
但要諗吓，貿然收番佢地小巴牌 ...

其實拉佢地非法收入線費果D,
係警方既責任,
運輸署既角色只係,
要紅轉綠,
話知你個牌炒到天價,
總之少一個就係少一個

佢唔會因為你收入線費就要收番個牌,
因為個業務運輸署係管唔到

原帖由 sea1986 於 2010-11-26 09:35 發表


先生
紙上談兵，何其容易
正等如北韓前幾日發癲射炮過南韓
美國佬想消滅佢，射番一百幾十支洲際導彈射爆佢我夠識講
但實際想係咪咁容易？
做嘢唔駛諗後果？

黑社會，無錯，係黑社會，唔需要同情佢地
但要諗吓，貿然收番佢地小巴牌 ...

咁當然我都明白仲有好多細節問題要處理，我只係outline一個broad idea，細節問題搞掂之前不宜動手。

同埋，我唔係話要一次過收晒d牌，正當果D我覺得無藉口郁，
係果D唔正當的、經營不善、運作不合乎法規的，我先建議搵個機會同合理藉口去收返佢個牌……