51線應該列出開車時間表

原帖由 fokck 於 2010-11-22 00:42 發表



我自己就唔信呢個喇，搭得 51 既一係就熟客，一係就要
往返 51 獨市位，唔認為同 251M 有太大關係。

反而我就信費事收車俾你嘈佢班次，因為我已經中過一次招，
星期日果個 24-25 分班次係假既，正常星期日如心廣場開
0810  ...

叫做半個51熟客
我可以保證 星期一至六有五成既班次係跟足時間表準時開出的
至於紅日...我搭親都打去問一問先
因為本身隨時可以出車(唔理係唔係掛牌)得果五架
紅日用足五架車 出少架的話起碼頭三轉都搵唔番第五架出黎
結果就骨牌式推落去 又要做咩郊野公園特車先拉番正

又因為本身紅日已經太多人(先唔計佢出少左架車)
朝早班班頂閘 單係塞d人上車同迫d人落車已經用多好多時間
仲未計dart冇力同埋又要讓車或者死火之類
紅日想唔甩班?難!

平日快快手熄埋冷氣零上落既情況下30-35分鐘可以行完一程
紅日60分鐘內行完一程叫正常 75分鐘都唔過分(但官方行車時間仍然係不變)
點會唔甩班呢...
甩到咁 反正寫個時間表出黎就要寫埋紅日 就等於死路一條
咁佢仲會唔會比位你插

*其實條線可以改做半個鐘一班 平日四架假日五架係夠行的
佢有心做一早做左

紅日既51係荃灣好多時開去到鐵路站已經頂閘, 加上批Dart有一兩架真係慢到驚佢溜後,
一個唔好彩多幾個散客係唔同站落車, 一停, 比d客迫出黎落車, 比車龍過, 再起步, 時間已經無曬

最誇張果次我搭果架都開遲左, 係川龍見到後車推住... 推到落山

51路線特殊,越多人坐,虧蝕越嚴重
當錦田已有251M,大可將51縮短至上村
同時在星期六和假日日間開51R至錦田站,用較高收費補貼特殊經營情況
亦有疏導遊人作用

[ 本帖最後由 hjhj 於 2010-11-22 20:11 編輯 ]

雖然51線情況特別，但作為一間負責任公司這些都是基本資訊，巴士公司有責任提供應有服務，不可用收車，有人（射波)而作為檔箭牌，至於行車時間可以延長至合理水平。至於車輛方面，行荃錦公路應禁止企位，以免車輛下斜時剎車系統有問題引致大災禍。

原帖由 proschebus 於 2010-11-22 20:37 發表
雖然51線情況特別，但作為一間負責任公司這些都是基本資訊，巴士公司有責任提供應有服務，不可用收車，有人（射波)而作為檔箭牌，至於行車時間可以延長至合理水平。至於車輛方面，行荃錦公路應禁止企位，以免車輛下斜時剎車系統有問 ...

咁如果真係有人射波咁點? 係第二條線抽人?
但第二條線又因為巴士公司有責任提供應有服務，不可用收車, 咁人從可來?

呢個就唔係理由啦, 94/99 都可以有人請假/收車, 但一樣有列到開車時間出來

原帖由 fokck 於 2010-11-21 22:31 發表



而家都有架喇，九巴 276 單層，5-32 分一班，你贏曬!

276P開辦初期，首先係12-75分鐘一班，然後加密至10-60分鐘一班。
之後再加密，時間表連熱線都問唔到，直到轉左呢乳豬紙先顯示出黎。

原帖由 KC3555 於 2010-11-22 21:13 發表

276P開辦初期，首先係12-75分鐘一班，然後加密至10-60分鐘一班。
之後再加密，時間表連熱線都問唔到，直到轉左呢乳豬紙先顯示出黎。

咁厚顏無恥的班次都出得街

原帖由 ricky619 於 2010-11-21 19:58 發表
呢d 答覆真係呢d 公司先答得出, 巴士公司本身
有責任去跟時間表開車, 自己不負責任還可以說
怕乘客誤會而不公開資料, 簡直當乘客白痴.
去街市買海鮮會不會怕誤會加價就唔寫價錢?
根本係脫班就是脫班, 寫不寫時間表 ...

相當認同，巴士公司為了避免收到投訴，於是列出一些「空泛」的班次表，等你無從入手；
講明定點開車怕你計到條數，一唔夠鐘開車就有理據投訴，豈不是自找了麻煩？

因此醒目的九巴便一有依郁即刻用「空泛」的班次表這個來做擋箭牌，換句話說
這些班次表只是一些敷衍乘客的技倆，真正最準的可能誇張得到只有頭尾兩班車！

新城已經盡量在可行情況下列出開車時間，方便乘客，點解九巴做唔到呢？如果成日都會
塞車，咪按時段加入塞車因素計算，一樣做到；成日都諗縮數減車，咁咪惟有整個假時間表。
巴士公司已經講明班次或受交通情況延誤，我相信大部份乘客都能體諒；但係班次調動
係因收車而起，實在恕難接受！自己夠膽收車又唔夠膽出聲，真係九巴先做得到！

遲下可能要發動大規模投訴，谷高交通投訴組個九巴數字！(當然要真案情)等九巴要正視！
站友們也不要再替九巴開脫，甚麼九巴無能為力、已盡全力，盡力就係列出一個正確時間表咁簡單！
唔係不務正業，淨係攪埋無謂公關宣傳技倆，到時只怕巴士業務也失去，都唔駛再攪公關！

原帖由 kaiyip24 於 2010-11-22 22:22 發表
些班次表只是一些敷衍乘客的技倆，真正最準的可能誇張得到只有頭尾兩班車！

咁頭班車多數都幾準
反而尾班車都未必

講真
51已經收車收到一個地步
有幾次打去熱線問佢都答我唔到/唔敢答到我乜野
要投訴 請至少跳過九巴而寄去其他機構/政府部門