原來做巴士迷會畀人笑

其實跟本唔洗太care
有人影景 有人影動物 我地係影車的
各有各鍾意 佢地抵毀你 證明佢地唔識尊重
又唔會見人地影景會有人話你on_仔云云
為ed事嬲跟本無意思
佢阻住妳 佢整爛你部機重好玩 齊齊行差館坐
佢地實玩唔起的 你有你影 佢有佢玩就得

老老實實，
以前影巴士相真係無咁大問題
無辦法啦，而家敗類、小朋友太多

我自己都有類似經驗

有一次係香港仔巴總影相,撞正某校食飯時間,
有幾位學生走泥「圍威喂」我,又撞又拍(拍我身體)
佢地就大大聲聲話全港D巴迷智商都有問題先迷巴士
跟住有位叔叔行過泥,問咩事;佢地驚得濟先肯走
我想多謝位阿叔,不過佢已經走咗

返到屋企發現有張相影中佢地,即刻send幅相去佢地學校

影巴士只係興趣 同集郵,整模型一樣
又唔見人地話佢地百痴,on x ?
樓上唔少版友都講過 樓主你係可以影低佢地話影響校譽
整爛你部機ge可以即打999 佢地一定玩唔起

唔好因為少少事而放棄 拎機影巴士有咩問題?
又唔係巴膠 又冇企馬路 又冇危險動作
粗d果句: 我影巴士關你Q事咩?!

如果班友有個project係要影巴士既話，唔知佢地會唔會影呢?

怪只怪有部分人又真係好膠，當中一部分係巴膠，就咁影衰晒巴士迷形象。
城巴大大部「香港巴士迷會20周年」紀念巴通街走，唔通城巴接呢單生意都係智商有問題？
鄭裕彤、雷氏家族，係咪好on_？又唔見班人有佢地咁多錢？

樓主唔需要太在意既，行得正企得正，對得住天地良心，人地口臭咪由佢臭死，
如果鏡頭前唔係一部巴士，係一個「龍女」，你估班人又會講乜呢下？

原帖由 skh30 於 2010-11-26 19:33 發表
樓主如果少少事都忍受唔到,點做巴迷呀?
我雖然未遇過你既情況,但係如果下次遇到我覺得你去第2位影仲好啦~
而且其實你唔需要答佢地你係度做乜呀,你唔睬佢好快佢就無引就走...

做巴迷其實無錯,今次對你來講係一個經驗 ...

最大問題係可能佢地會以挑釁

原帖由 JX6690 於 2010-11-26 19:03 發表

有幾怪異?有d人行出鍾意影相唔通都係怪異?其實影巴士真係無問題ga wo

如果係街邊影相就係怪異0既話，我諗我公司
樓下，一D 係街邊舉機亂影0既遊客，佢地都
可能係五樓所講0既怪人。

原帖由 GU9338 於 2010-11-26 21:44 發表

最大問題係可能佢地會以挑釁

呢個世界仲有一樣0野叫做「999」。

我唔信你一拎部手機襟呢三個數字報警，0個班
友都唔醒水淆底，繼續0係你身邊「尋釁滋事」
。

呢個情況其實好普遍~

我個人應為, 做巴士迷真係要惡丁, 我指個樣
如果你個樣惡神惡相, 好似打人咁款, 我諗人地都唔會咁夠膽接近你（哈哈我就係咁）
另外, 真係唔好做丁傻野（就算你唔係巴士迷, 呢一點都要注意）

我建議下次如果遇到有人似係玩你咁樣問你, 可以ignore佢(地), 或者同佢地講「關你...(停頓一秒)...事」
當然佢(地)禮貌咁問你, 就唔同啦(y)

p.s.不過我發覺o左一樣野, 用單反o既師兄多數唔會被人挑釁. 相反, 用睇落冇咁pro o既機o既師兄就幾容易被人挑釁/取笑/側目.. sosad.. （完全無意批評用單反或用細機o既各位師兄~!）