原來做巴士迷會畀人笑

原帖由 GU9338 於 2010-11-26 21:44 發表

最大問題係可能佢地會以挑釁

邊理得咁多呀,都唔明點解而家有d人咁鍾意無事做係度撩起人把火..
自問自己無做錯,本身無影到佢地又怕咩呢...
唔理佢地自己行開始終係比較好方法,萬一講錯野(例如"關你咩事"咁)
最終自己麻煩...

agree

大家把事情看開d。比人笑，當人家聽不到，只要不好日日提此回事。總有一日不會有這回事。明天會更好。
影巴士方面，大家當興趣這樣看。

[ 本帖最後由 KG1428 於 2010-11-26 22:31 編輯 ]

原帖由 cy211 於 2010-11-26 18:39 發表
著校服
咪當聽唔到囉 ..
當佢冇到 .. 咩反應都唔俾佢
正一當佢透明 (:


冇著校服
..

著便服佢夠膽行埋黎先算啦

d學生一般都會對d係番學時間但係係條街到著便服o既十幾歲o靚仔有所避忌o既

便服？

以前有個經驗就是在中五學校旅行，去海洋公園。
全學校去學校旅行，所有學生著o西便服去參加學校旅行。
有次我跟全班同學由學校門口行去停車場時，不論行緊停車場和等旅遊車期間。
我就走去影巴士。

到海洋公園門口和等入場期間再影巴士。

結果同學們方面就無乜人理影巴士行為

[ 本帖最後由 KG1428 於 2010-11-26 22:52 編輯 ]

睇左咁多篇回文,我覺得樓主個樣"好洽"得
所以先俾班靚仔逗你,如果你年紀大過班佢地,
惡過佢地應該班友唔敢搞你

當然,你自已本身行為言止智障,個樣又烚下烚下咁
俾d靚仔玩都好正常.唯有可以做既就只有拍片再擺上youtube
再E mail投訴信附youtube link俾學校,睇下邊個好玩d丫拿?

又唔見我出街影車俾人搞?
(雖然冇乜幾可出動)

"巴迷"形象係香港深入民心
一係就吳唱k果隻Kai子款...比人笑係傻仔
一係就成個電車男咁款,搾住部dslr仲要成群結隊飛出馬路影相,
險象環生不特仲對道路使用者同路人做非友善行為
冇人話全部巴迷係咁,但普遍香港人深入民心的印象係咁.
巴迷早就比人定為Geek,係異種,係怪人,係值得岐視...所以先會人見人鬧,冷嘲熱諷.連拍戲都拿來笑
同動漫迷/figure迷一樣...唔係個個都電車男,但香港人就普遍覺得你迷comics/動漫/figure就係怪人

唔一定巴迷,年青人邊個未癲過.中學時候年青人一定係群洽弱者,一定係有廢人比人洽
你考得差,你刷鞋,你老土,你肥,就算你考得好人嫉妒,乜原因都好,中學生就係有鋪癮集中欺凌
就算人大左,office入面一樣係集體欺凌.不過唔係動手腳咁解.
請長大下.世界就係咁.岩的野唔代表係名正言順.錯的野唔代表群體唔buy.劣幣驅逐良幣可能可以咁解
總之世界就係咁.一係就番入山洞避世自己過世. 一係就調校自己的去適應世界點運作.

一係你忍唔住就收山.一係就好似老一輩咁心淡唔再影(我唔係前輩但我係心淡果批)
一係你覺得自己唔係壞果批又唔讓步就繼續, 做你覺得合法同合理的事
你怪就怪一班低能的後起之輩"師兄弟"的所作所為累死成個巴士愛好界.

想當年,做細的年代安份守紀影相,對路人/司機恭恭敬咁,以前d人係好友善
以前d人講巴士迷係諗起:點解班人對巴士路線可以咁熟,點解佢地機械知識咁勁,點解佢地識分唔同車咁勁....
以前d司機同巴士迷多數係friend.. 吹下水,話當年,透下內幕消息,司機自己又解下悶,巴迷又滿足到.不亦樂乎.
總之就唔好惹麻煩比司機大佬們上身.佢地又可以以老行尊身份認下威.佢地不之幾開心.
有時成日"聲稱"係廠執到d垃圾,好似貼紙,公司用品,員工紀念品,過期用品送比相熟巴迷.又話同廠吹水收到乜料分享下
不之幾開心.以前係d司機手上收唔少呢d野.以前只係日日坐佢地車吹得水多,有時冇啦啦番左總站會塞d野比我,
話係"垃圾",你拿去啦咁....

點解大眾同師父們由同巴迷咁好關係變左咁敵對,巴迷真係要諗下,佢地or佢地班師兄弟做左d乜..

真係好想問句....可唔可以唔好咁低b...做番d人做的野得唔得.


**如有任何人聽唔入耳就隨便扣分.我一向有果句講果句.不嬲都只有人加分冇人扣分的.
做過十幾年巴迷...諗起今日都唔敢認巴迷,相都好耐冇影,淨係敢講我對巴士有興趣...
都幾稀噓

原帖由 skh30 於 2010-11-26 22:25 發表



邊理得咁多呀,都唔明點解而家有d人咁鍾意無事做係度撩起人把火..
自問自己無做錯,本身無影到佢地又怕咩呢...
唔理佢地自己行開始終係比較好方法,萬一講錯野(例如"關你咩事"咁)
最終自己麻煩... ...

香港部分年青人心態就係咁 ....... 一定要搵 D 野搞先安樂
只可惜 TBB 果套劇真係 .... 都幾影響巴迷形象

我都曾經比班踩單車嘅中學生撩
咁啱嗰日同班女仔去完街
仲著到成個"古惑仔"咁
跟住我扮到自己成個黑社會咁...
同班人講:
係想隻揪嘅唔好企喺馬路,入嚟打過,老子樂意奉陪到底,冇事嘅就躝開,唔係我就報警...搭哂你地番差館
佢地冇哂癮咁走咗
不過我講完先識得驚

把口生係人地到,有D人真係好冇口得.
不過樓主著住校服,動粗也不可以.
我同情你.

原帖由 HR9710+KU1391 於 2010-11-27 10:16 發表
把口生係人地到,有D人真係好冇口得.
不過樓主著住校服,動粗也不可以.
我同情你.

有d咩除左件衫先慢慢傾
(印住校章校名果件呀)