討論巾幗梟雄義海豪情大結局：

原帖由 S3N280_FX8032 於 2010-11-29 20:13 發表

回應翻版友butterfly，昨晚巾幗梟雄之義海豪情大結局平均收視44點，最高47點，撼贏結局只收44點的另一部劇集《公主嫁到》，多了十幾萬觀眾收看而最高收視是劉醒在山頂倚著九姑娘離世的一幕，但同時段亞視的《恩雨之聲》節目竟 ...

不過,打破唔到大長今紀錄,九妹都係要倒轉寫,希望雯女成功拎視后當日,能夠拎埋張"鄭九妹"三個字倒轉俾大家睇.
義海一直都是公主嫁到之上,可惜8:30播映,好多人都未返到屋企,如果係9:30播,平均收視一定高過公主嫁到好多.
無可否認地,公主嫁到帶給香港人歡樂,是令人開心的劇集,不過最多只係一套"最受歡迎劇集",劇中的演員,總算中規中矩,只是惠英紅較突出,男女主角之獎根本不配俾公主嫁到既演員(志雲加油,同620死過,想俾獎給親生仔女?雯女都係TVB出來架!阿蛇陳豪林峰想拎視帝視后?練多幾年演技先啦!)!至於義海,則是劇本演員
都贏晒,雖則不是帶給香港人歡樂,但能夠吸引香港人追著看(我平時9點幾先返到,都去TVB網集集追義海,好多白領都係咁)....如果計埋網上收視,公主嫁到更加冇
得鬥.....最佳女配角沒有心姐份,真係有點遺憾,不過心姐都睇化晒,我估呢個獎好大機會係法拉拎.最佳男配角,則是非凡哥和排骨之爭,其中以非凡哥既機會較高.
視帝視后方面,如果係公平競爭,視帝其實有得爭下,祥仔演技係好好,但係始終感覺唔到突破性,始終都係柴九既LEVEL,上年已經反映左,不過對手只有林保怡係夠級數,陳豪則未到祥仔保怡既水平...視后就冇得爭,一定係雯女贏晒,冇人演技夠佢鬥,阿蛇雖然演得不俗,但係差雯女幾班,你叫阿蛇演鄭九妹,佢根本演唔到咁既
層次,不過,總有機會既.

有些討論區話不如叫祥仔雯女演時裝版情侶,個人認為沒有必要,因為現時有好多收得既港產片因為拍得太多而令觀眾反感,先有無間道,後有葉問....不過好期待
雯女大戰黃子華.

恩雨之聲是基督教的宗教見證分享節目。本身呢個除左本港台有得收看外，其實有線第一台、創世電影都有得該節目。
呢個時間通炳常九姑娘同劉醒最後結局。仲有呢個時間同你看恩雨之聲節目。除非對基督教基督徒先會看

其實個資料搜集於鄭九妹 1979 年回廣州，
以及84 年去萬人坑的車輛和車牌上是有問題的。
粵B 深圳車牌都是大約 2000 年後才有的顯示，
當年廣州是 ''广东01''，而深圳是 ''广东02''，而
八四年國內也沒有 Land Rover ，國內稱路虎的四
驅車。這個是有點怪的。

Land Rover都算
車牌呢家野真係嚴重錯失

另外最尾ge 4年開心片斷過於現代化
竟然見到2005年Hiace

原帖由 DK704_3N133 於 2010-11-30 11:32 發表

Land Rover都算
車牌呢家野真係嚴重錯失

另外最尾ge 4年開心片斷過於現代化
竟然見到2005年Hiace

仲有 1983 年劉醒過身0個幕，似0係 2009 年0既沙田
坳，因為我認到山下慈雲山0既和諧式公屋，同埋遠
處0既翔龍灣。

不過呢 D 都係算啦......呢套戲都0係近幾年我少有真
0係會追0既劇集，而且去到九姑娘好安祥咁過身0個
陣，我真係睇到好想喊。

原帖由 Fun_FC 於 2010-11-29 11:18 發表

劉醒突然咁死法，九妹都無反應

我反而睇到0個一刻九姑娘已經眼泛淚光，而且係傷心至極。

問心今次視后戰況激烈，除左阿佘、雯女之外仲有大黑馬張可頤，

演技幾位都係咁上下，但係今次如果阿佘拎視后我唔服，

唔係佢戲屎，而係佢揀錯公主黎爭獎，

義海咩質素大家有眼見，輸俾公主呢套咁金家精神既戲我一定罷睇TVB！

點解一定要睇無線？

原帖由 石頭 於 2010-12-1 02:06 發表
問心今次視后戰況激烈，除左阿佘、雯女之外仲有大黑馬張可頤，

演技幾位都係咁上下，但係今次如果阿佘拎視后我唔服，

唔係佢戲屎，而係佢揀錯公主黎爭獎，

義海咩質素大家有眼見，輸俾公主呢套咁金家精神既戲我一定罷睇TVB！

點 ...

朋友仔，你準備罷看都得啦，觀乎今年tvb做的種種姿態，好明顯超重視公主嫁到，公主做完咁耐，無啦啦高層又話要請食飯，等佢有機會上下報，昨晚影觀眾意見，故意就係播觀眾讚賞公主個段(其實個位觀眾同時有講埋義海好睇)，另一件事，宣傳節目成日將公主掛係口邊，有意無意間講義海不敵於公主的假象(其實義海MYTV收視係爆到九彩，仲有第4星期開始義海收視已經y追平，而第5星期就過左公主的收視，不過因為開始時收視低左，平均計之後就令總平均收視輸左俾公主)

另外陳豪近日經常係宣傳節目俾形容為幾受觀眾歡迎，無可否認個樣幾得，不過個人就覺得佢演技仲要一些時間去磨練，講真我覺得而家一線小生，以林峰的演技算係比較穩定，至於阿佘因為近日唔係香港，所以比較少講佢，不過無可否認三公主佢演繹得宜，將角色發揮得很好，但係如樓主所言，佢不是演得差，只係選錯劇，因為整劇發揮不算大，我到今天只記得劇中那些押哂韻對白同埋拍拍手的鏡頭，當笑劇還是可以的，但係最佳兩個字似乎唔太合適。