其實地鐵點決定等唔等埋對面月台轉車既乘客?

即係呢樣野係邊個決定既呢?
我見有時就算對面月台既車剛剛先入站,而另一月台既車已經開左門,但係都會等埋對面月台既車
但係有時又唔會等..果班車走左,,下班車又要成3分鐘後先到。點解又會唔等埋呢?

繁忙時間﹐多數唔等﹐除非對面月台的人行到來開始上車 (即係想關門開車都做唔到)﹐這是因為會增加停車時間﹐影響下一班車入站﹐連鎖影響接下來多班車的班次。

在非繁忙時間﹐多數都會等 (特別是荔景站東涌線)﹐因為班次疏﹐即使遲多1-2分鐘都唔會頂到後面一班車入站﹐唔會影響打後的班次﹐自己又可以追到時間﹐影響的只有接下來的1-2個車站﹐會遲了抵達。

原帖由 kei_hk 於 2010-12-1 12:19 發表
繁忙時間﹐多數唔等﹐除非對面月台的人行到來開始上車 (即係想關門開車都做唔到)﹐這是因為會增加停車時間﹐影響下一班車入站﹐連鎖影響接下來多班車的班次。

在非繁忙時間﹐多數都會等 (特別是荔景站東涌線)﹐因為班次疏﹐即使遲多 ...

非繁既車係行慳電模式,如果稍為DELAY.咪行番非慳電模式囉!

一條線咁多個轉車站，邊等得咁多噶。

就算系A車站夾好咗班次，去到B車站都唔一定夾得到，再去到C車站、D車站呢？

夾班次，等於某啲車站停車時間會延長或者縮短，影響的還是乘客。

話雖如此，但東鐵與西鐵就很明顯有調整過班次，
雖然導致班次延遲，但感覺上乘客會覺得較方便和快。
(心理作用:miss左班車=遲)

原帖由 matthew20029 於 2010-12-6 12:03 PM 發表
話雖如此，但東鐵與西鐵就很明顯有調整過班次，
雖然導致班次延遲，但感覺上乘客會覺得較方便和快。
(心理作用:miss左班車=遲)

在紅磡站非繁忙時間﹐其實都係每2班東鐵才有1班西鐵﹐所以點都有一班東鐵客要上大堂再去另一月台轉車的。

至於西鐵去到紅磡後是否有執過﹐我都可以講是有的。

單是東鐵縮回紅磡已經要執過時間表﹐其實我都發現西鐵都有微調過班次﹐特別是2號月台開出的車可以在隧道等候入尖東站﹐有個別班次真係改了時間(繁忙時間)。


不過﹐要執時間表都只可針對一個車站去做﹐以總站為最容易﹐而且最易在掌握之中﹐因部車總會有預多時間停站﹐容易調節。

相反中途站便難以控制﹐勉強去配合去等另一線的列車﹐最終只會連帶影響其他同線的列車班次。

係港鐵眼中, 正點率大於一切

原帖由 matthew20029 於 2010-12-6 12:03 發表
話雖如此，但東鐵與西鐵就很明顯有調整過班次，
雖然導致班次延遲，但感覺上乘客會覺得較方便和快。
(心理作用:miss左班車=遲)

最明顯的是港鐵調整了東鐵和西鐵在紅磡站開出的時間和月台,
減少了東鐵和西鐵需等候轉車客而誤點的情況,
因為頭一個月兩鐵在紅磡站相連時,
兩鐵經常因等候轉車客而明顯誤點,
現時東鐵就減少等候轉車客, 夠晒鐘就立即開車
即使對面月台已廣播屯門列車即將到站都唔等

至於東鐵後車乘客快過前車乘客轉乘西鐵走人的情況則仍然存在,
例如1號月台東鐵入站, 轉車客見3號月台西鐵得返1分鐘就開車,
於是大部分人去晒2號月台等車,
但2分鐘未夠, 4號月台已有東鐵入站, 3號月台西鐵等埋呢班客先開車,
導致2號月台乘客眼白白望住下一班車的乘客搭早一班西鐵走人
佢地就要等6分鐘後開出的西鐵~

西鐵加班義不容遲
其實我覺得減卡加班更為方便
1.不需等很久就有一班車
2.減少因轉車而發生的意外

原帖由 matthew20029 於 2010-12-6 16:35 發表
西鐵加班義不容遲
其實我覺得減卡加班更為方便
1.不需等很久就有一班車
2.減少因轉車而發生的意外

減卡加班?
我認為沒有必要了, 要搞一大輪減卡
而重點是港鐵一直也表示現時西鐵班次已能滿足需求,
沒有加班的需要~
而西鐵於晚上22:30後每8-9分鐘一班時段,
1班西鐵可吸納3班東鐵轉乘客(其中2班東鐵行過對面月台就轉到車),
以最少列車接載最多乘客, 符合成本效益

[ 本帖最後由 ES464470X 於 2010-12-6 17:09 編輯 ]