城巴土炮怒cut雙白線爬頭

原帖由 PB602 於 2010-12-1 22:59 發表
一般影片係唔可以做呈堂證供，除非有專家證明條片未經電腦修改。

以小弟所知, 警方會攪掂呢方面既問題.
只要提供短片, 俾埋攝影機種, 有埋持機人做人證, 係完全做得呈堂證供,
所以自從汽車黑盒賣500之後, 交通投訴組做到叫晒救命..

Youtube 條 link 死左

般咸道d 小巴佬成日都突然停低上客，
塞住後面ｄ車，
真係好乞人憎
不過今次個巴士司機人贓並獲，
恐怕都...

原帖由 SSBT 於 2010-12-2 00:08 發表
Youtube 條 link 死左

般咸道d 小巴佬成日都突然停低上客，
塞住後面ｄ車，
真係好乞人憎
不過今次個巴士司機人贓並獲，
恐怕都...

條片蘋果日報有

真係好危險, 會死人架, 快得幾多~

有關車長已經傳召上去問話

原帖由 nwfb23 於 2010-12-2 03:37 發表
有關車長已經傳召上去問話

希望今次造得佢入，殺一警百~

今次推倒上報果然有效，報紙都報左半版紙，今次呢個司機做既野好多人都怒轟~

原帖由 leeallen 於 2010-12-2 01:49 發表


條片蘋果日報有

真係好危險, 會死人架, 快得幾多~

小弟就是，那時恨不得打上28730818投訴！
不過0個時iTalk仲未起，所以有苦自己知

原帖由 1819 於 2010-12-1 06:35 PM 發表
可以告"危險駕駛"

危險駕駛 及 不少心駕駛﹐2條都主要是告發生交通意外的﹐今次條片係無發生交通意外﹐即係唔會用到這2條罪名。

要做野的﹐多數只會出封信去城巴交人(即叫車主提供事發時間的司機資料)﹐再發出定額告票+扣分通知書(雙白線爬頭需要扣分)給相關司機。

而前題都要警方要確實地找出証明影片的拍攝時間﹐如果無法証實拍攝時間﹐都係做唔到野的。

原帖由 kei_hk 於 2010-12-2 11:04 發表


危險駕駛 及 不少心駕駛﹐2條都主要是告發生交通意外的﹐今次條片係無發生交通意外﹐即係唔會用到這2條罪名。

要做野的﹐多數只會出封信去城巴交人(即叫車主提供事發時間的司機資料)﹐再發出定額告票+扣分通知書(雙白線爬頭 ...

時間地點係有既，片主已經向TCU提供晒時間地點日期，並表示願意作證。

就算charge唔倒佢老危或老不，我諗城巴都會炒左佢，話晒佢帶住公司招牌衰左畀人睇。如果唔炒佢，即係各大市民以後都有機會坐倒佢渣既車，咁危險，點同公眾交待？

原帖由 4056 於 2010-12-2 01:13 PM 發表


時間地點係有既，片主已經向TCU提供晒時間地點日期，並表示願意作證。

就算charge唔倒佢老危或老不，我諗城巴都會炒左佢，話晒佢帶住公司招牌衰左畀人睇。如果唔炒佢，即係各大市民以後都有機會坐倒佢渣既車，咁危險，點同公眾 ...

上面都講了﹐係唔會告危駕式不小心駕駛的﹐因為不是交通意外﹐要做野要花太多人力物力﹐仲要上法案處理﹐最後結果都唔會判得重﹐所以真係做野的只會出定額告票及扣分通知書﹐全程文書往來便可完成所有程序(除非司機不服才需要上庭處理)﹐正所謂快靚正﹐同時司機也受到應有的懲罰。


至於城巴會唔會炒個司機?  總會要個司機「面聖」的﹐到時咪睇下個司機點解話囉。
口才好的﹐咪扣下安全金之類﹐口才唔好咪下次唔續約﹐書面警告等。這些違反交通規例的﹐要去到炒真係同報紙佬一樣(唔係講這一單)﹐真係小題大造了。

講到尾咪同衝紅燈﹐超速﹐超載﹐不依路面交通指示一樣 (不涉及交通意外)﹐並非死罪﹐每個駕駛人事都好易犯規的。


ps. 而家間間公司都唔夠人﹐遲d仲要按政府要求增加司機用餐時間﹐要更多司機去應該﹐點會輕易炒人。有說九記卡橋底的事主都無炒到。

[ 本帖最後由 kei_hk 於 2010-12-2 17:35 編輯 ]

原帖由 kei_hk 於 2010-12-2 13:52 發表

ps. 而家間間公司都唔夠人﹐遲d仲要按政府要求增加司機用餐時間﹐要更多司機去應該﹐點會輕易炒人。有說九記卡橋底的事主都無炒到。

如果不達標或違反指引，是否不用開除？
那麽員工就肆無忌憚了