有時意外真係可以避免的

住在港島, 搭熱狗的機會唔多, 難得在尖沙咀要去旺角,
就博下等架熱狗.

5pm企在碼頭巴總等, 近545pm來了一架6A(GA5505),
很高興咁去條已經有廿多卅人的人龍尾排隊.

熱狗落完客, 司機滿懷信心的扭入坑, pang!
上層穿了個洞, 成舊石屎飛了落地, 慶幸沒有打中人,
唔係都好大鑊.

結果, 熱狗停靠交通燈, 而我企在人龍繼續等多十數分鐘,
搭熱狗的夢碎了, 又要等下一回再去碰碰機會了.

如果司機入坑前慢一點, 真係避免不必要的意外.

so what happened to the bus in the end?

原帖由 smal 於 2010-12-11 02:34 發表
so what happened to the bus in the end?

我等坐十幾分鐘先等到有下一班6系開車,
我班車開左先見站長埋車研究,
睇怕都係直接回廠.

最後等咗差不多成粒鐘，行路都行到去MK囉。

尖沙咀碼頭D 坑窄，都見過唔少唔熟手o既司機入唔到坑....見過一次係轉到左邊車頭同右邊車側剛剛貼住兩邊站亭，後備卡佬要班救兵

原帖由 VA54-HN8897 於 2010-12-11 10:56 AM 發表
尖沙咀碼頭D 坑窄，都見過唔少唔熟手o既司機入唔到坑....見過一次係轉到左邊車頭同右邊車側剛剛貼住兩邊站亭，後備卡佬要班救兵

本壇也有人影過相﹐一部巴士入坑時唔夠軑﹐唔知係司機問題定係部車的問題﹐居然要call 工程車到場。

工程車到場之後﹐司傳一上司機位﹐便入到後波解困﹐完全沒有維修過部車。


這都算一個離奇事件了。

原帖由 68A 於 2010-12-11 12:03 PM 發表


尖碼入後波倒車唔係想像中咁易，
一來要小心睇位同時仲要睇埋有冇人無端端走出黎 ;
二來小弟真係見過巴士入左後波再入波「車前」會突然死火 ......

call工程車可能因為係咁,,,, ...

據當時的topic 所講﹐當時司機係有找站長幫手的﹐站長也出來了解事件。
所以﹐你的第一點是唔成立的﹐因為站長會幫手睇位睇人的。

至於第2點車的問題﹐真係要當事司機才知道。據該topic 所引述﹐係司機入唔到後波﹐但又解釋唔到點解工程車一到﹐什麼都無整便入到後波解困。
而我無記錯﹐個topic 講係部車係被困至工程車到場﹐都係無其他司機過來了解幫手的﹐但此影響了幾個坑位的巴士線入唔到坑﹐要停另一條坑位﹐同埋要站長幫手指示乘客去另一條坑上車。

而部車解困後﹐由於什麼都沒有整﹐也沒有任何問題﹐工程車便離開﹐司機便繼續用同一部車開車載客。

講開入車坑撞車，我親眼見過2次。一次係赤柱總站，一架短龍快速入坑時掃爆左鏡。另一次發生在數月前乘坐118P，通常118P入杏花村巴總都係入8號的車坑，好少會入最左邊一條，但該次的AVBW選擇入左面車坑，結果bang一聲撞左。我估應該左面車坑12米車要偷少少位，我亦試過坐ATEU係入得到，不過通常118p師父都係入中間個條，除非有>2架8號塞住條坑。

原帖由 HK104 於 2010-12-11 23:17 發表
講開入車坑撞車，我親眼見過2次。一次係赤柱總站，一架短龍快速入坑時掃爆左鏡。另一次發生在數月前乘坐118P，通常118P入杏花村巴總都係入8號的車坑，好少會入最左邊一條，但該次的AVBW選擇入左面車坑，結果bang一聲撞左。我估應 ...

118P入85條坑要貼邊兼偷埋左邊石駁位, 8頭龍可以好順暢入到, 有個別師傅係鍾意入呢條坑
亦坐過九巴Wright侷住要入85坑, 但事前冇準備所以冇貼邊, 又冇偷多d左邊補救, 結果右邊牙煙到8號師傅睇到都凳佢擔心...