規劃年底清拆 尖沙咀巴士總站將成歷史

原帖由 ED2829 於 2010-12-14 01:18 發表
概念係好，但巴士站唔同車路，就算搵到其他站頭做假期總站，係運作上都好麻煩。
不過如果淨係改建巴士站，學歐洲人車混流的做法，將車路同行人路鋪成同一水平，拆走圍欄，等人可以係無巴士時行出車路，巴士要就人，又可唔可行呢？ ...

其實我意思就係咁, 我都講, 包括"車路行人路, 要好似旺角部份路面, 成同一水平"

當然, 都要減少部分車流....一定要有一d改變了...

而要巴士, 貨車私家車就可能要改...
(其實現在政府咁改, 巴士, 貨車私家車都一樣影響, 救得一樣得一樣吧....)

[ 本帖最後由 3ASV196 於 2010-12-14 01:40 編輯 ]

最後一個聖誕夜?????

其實我自己個人立場黎講. 佢所謂廣場大家都有眼見. 究竟個廣場到最後係唔係真係咁大作用, 我自己都有存在懷疑態度 ~

1. 隔離文化中心大大個廣場, 又唔見佢善用下 ~
2. 香港咁多個廣場, 講旅遊區, 當年中環個皇后像廣場都唔覺得政府有咩 function 搞過, 大會堂入面就有 ~

至於中大個個教授講 o既野簡直就係不知所謂

「尖沙咀碼頭巴士總站應該一早便清拆，但現時好像得個講字。尖沙咀碼頭要增加現代化元素。如果將原址建為商場不大合適，本港已經是一個石屎森林，近年尖沙咀已經新增了好幾個商場。反而缺乏一個公共空間舉辦大型活動，每年一度的新年倒數暫時僅能擠迫在銅鑼灣的時代廣場外面的空地，西九計劃一拖已十年，郵輪碼頭的進展亦太緩慢。」他指出，尖沙咀碼頭巴士總站的地段的交通是四通八達，又鄰近渡輪與地鐵。正如電車一樣，天星小輪也可以扮演歷史回顧及文化回憶的角色，為自己重新提升，成為一個來港旅客必遊的地方，若果本身的內部設計追上時代，又加深歷史感，藉此可以有很高的生存價值，即使日後的票價調升也可以維持營運。

1. 佢完全搞唔清天星小輪到底有咩客原. 到今日為止, 天星小輪仍然係最平 o既過海交通公具, 對香港市民黎講都係一個幾重要 o既交通工具之一, 加價 ? 加價即係加重市民負擔, 試問交通費差價係唔係佢比 ?
2. 近年尖沙咀已經新增了好幾個商場。反而缺乏一個公共空間舉辦大型活動，每年一度的新年倒數暫時僅能擠迫在銅鑼灣的時代廣場外面的空地 - 荒謬, 多年來香港人一直都起維港兩岸慶祝 (倒數)
最多人係文化中心對出 o既海旁 (直觀維港), 而唔係巴士總站個位. 如果係要巴士總站個位去直觀維港, 唔該先拆左海港城先. 仲有尖沙咀變左做石屎森林, 起多左幾個商場完全就係政府規劃有問題.

有部份人認為今次係因為交通迷為反而反, 但我覺得今次呢樣野絕對唔傳在.

1. 你搬得走個巴士總站, 即係變相殺埋天星小輪 (天星小輪起世上一直都係香港 o既旅遊熱點), 加上天星小輪除左係旅遊熱點之外, 同時係港人 o既過海工具. (每日紅隧塞車加上港鐵人流, 過海坐天星唔係一個錯誤選擇. 當年政府死搬中環天星碼頭都令天星流失唔小客) ~
2. 而家大多數民意就係反對, 我想問下政府憑咩野去繼續佢個計劃 ? 政府唔係應該聽取民意的嗎 ? 定係已經變左視民意為浮雲 ?
3. 就算佢起左尖東個總站, 根本就放唔哂所有路線入去. 唔計巴士站都仲有的士站加停車位. 雖然你話係有個巴士彎位. 我想問下你係唔係真係疏導得咁快. 如果佢疏導唔到只會倒後塞返上彌敦道. 到最後變成點大家心中有數.

如果政府死要搬總站的話, 個人就係建議天星小輪一次過搬埋去尖東. 連帶現時尖沙咀碼頭拆埋佢. (中大個教授講架嗎 - "也要增加時代感")

好似已經刊憲，
返唔到轉頭囉 ...

原帖由 AVD1 於 2010-12-14 11:11 發表
其實我自己個人立場黎講. 佢所謂廣場大家都有眼見. 究竟個廣場到最後係唔係真係咁大作用, 我自己都有存在懷疑態度 ~

1. 隔離文化中心大大個廣場, 又唔見佢善用下 ~
2. 香港咁多個廣場, 講旅遊區, 當年中環個皇后 ...

拆左之後得D鋪位, 點會畀人講到變左大商場?

原帖由 SSBT 於 2010-12-14 11:15 發表
好似已經刊憲，
返唔到轉頭囉 ...

像堆填區擴建般「廢法」行不行？

原帖由 SSBT 於 2010-12-14 11:15 發表
好似已經刊憲，
返唔到轉頭囉 ...

唔一定架，
以前試過刊憲整卸泥口個d都成功踢走

只不過唔係厭惡性既設施，想反對都有難度。

原帖由 SSBT 於 2010-12-14 11:15 發表
好似已經刊憲，
返唔到轉頭囉 ...

刊憲係要問持份者有無反對的一個步驟，之後要行政會議通過先得，當然有關部門亦可以係刊憲後主動擱置計劃。

篇報導話年尾拆卸係有問題的，因為程序上無可能可以係今年內動工。而且呢樣亦同旅遊事務處所講的野 (要做到零反對) 有出入。
而成報呢份報紙亦唔係政府常用放風渠道。我都好想知佢點樣可以寫到出黎....