規劃年底清拆 尖沙咀巴士總站將成歷史

原帖由 AVD1 於 2010-12-14 11:11 發表
其實我自己個人立場黎講. 佢所謂廣場大家都有眼見. 究竟個廣場到最後係唔係真係咁大作用, 我自己都有存在懷疑態度 ~

1. 隔離文化中心大大個廣場, 又唔見佢善用下 ~
2. 香港咁多個廣場, 講旅遊區, 當年中環個皇后 ...

但有一樣野你唔可以否認既係
尖沙咀碼頭個巴士總站附近既行人區域真係好窄
同埋唔知係咪因為碼頭出面個瓦遮頭關係
總係覺得個一段仔行人路係好無空間, 好有壓迫感...
特別係compare with 中環個邊個天星碼頭
我好認同樓上有人講既
個總站未必有搬既迫切性, 但的確極有需要改善
其實樓下巴總, 樓上就係有關部門想引入既廣場呢個idea 的確係值得考慮
我本身都有諗過呢個idea
個廣場甚至可以link 埋去隔離文化中心對出海旁個觀景台
整到好似麼地道巴總咁係上面提供一個大面積既休憩平台....

我覺得篇報導流流地, 羅馬廣場已經係好 out 嘅計劃, 更加好似從來冇提過會起商場。

其實如果講旅遊價值
香港既雙層巴士對好多外國人黎講肯定比果D"景點"更加吸引
有時睇旅遊節目
人地響倫敦坐部響我地黎講普通到不得了既威豪或者山寨躉就已經覺得好興奮好特別
我覺得D遊客響海運大廈一落船就咁多雙層巴士俾你上其實就已經夠晒正
根本唔使再去"打造"D乜野
就建築物本身
我就一D都唔覺得個巴總有乜保育價值
但係要搬走呢個巴總
我只覺得係百害而無一利

三大奇怪：
1. 我奇怪leslie兄經過四版後都冇出聲。
2. 中大咁多人文歷史教授，係都要問個市場學教授？
3. 之前都放過一次風，而今次其他大報不見提及，究竟單料係咪真，我都唔敢肯定。

原帖由 hkaiw 於 2010-12-14 18:21 發表
至於尖沙咀碼頭總站的問題，天星小輪早前表明放棄營運兩條紅磡航線，假如連尖沙咀線也失守，天星小輪基本上可以收檔，從而九龍倉便正式撒出交通營運業務了

紅磡線因為實在無肉食
(兩邊碼頭都係近海唔近目的地 相對路面交通顯得「唔就腳」更加唔似尖咀過對面海轉車選擇多)
唔似紅磡─北角 半粒鐘一班船都仲做得住
(因為紅隧塞起車上0黎 計準船期隨時仲快)

尖咀線而家係靠轉車客同遊客吊命
假如搬走0左總站 單靠遊客根本就做唔住...

原帖由 DIH 於 2010-12-14 22:18 發表
三大奇怪：
1. 我奇怪leslie兄經過四版後都冇出聲。
2. 中大咁多人文歷史教授，係都要問個市場學教授？
3. 之前都放過一次風，而今次其他大報不見提及，究竟單料係咪真，我都唔敢肯定。 ...

1.當我一發現這篇報道,就立即開文,目的是讓各位discuss之餘和想知道leslie兄的想法。
2.我認為是有關報章是想以多角度去分析這件事。
3.我也懷疑為甚麼其他大報不提及這件事。

[ 本帖最後由 LN9267 於 2010-12-14 23:42 編輯 ]

咩叫重新定位天星小輪 ?
咩叫重搭巴士轉船落後 ?

集體運輸 交通工具,原意就係服務市民

原帖由 LN9267 於 2010-12-14 23:40 發表


1.當我一發現這篇報道,就立即開文,目的是讓各位discuss之餘和想知道leslie兄的想法。
2.我認為是有關報章是想以多角度去分析這件事。
3.我也懷疑為甚麼其他大報不提及這件事。 ...

不用怪了, 忙緊19/12的活動

一句: 真係咩都唔派, 連大家都說得出反擊的理由, 呢d文, 唔回都不是損失

先申明立場, 本人反對巴總遷出尖碼, 但既然政府一意孤行,
我反而會去擔心巴總遷出尖碼後的問題......

大家都在擔心之後嘅交通情況, 我想知巴總遷出當日, 尖碼
嘅重建工程是否會即日動工? 假若搬巴總引致九龍半島交
通癱瘓的話, 政府會否馬上取消這項計劃?  皆因即時重建
會引致計劃回不了頭......

原帖由 pch_yeung 於 2010-12-15 09:58 發表
先申明立場, 本人反對巴總遷出尖碼, 但既然政府一意孤行,
我反而會去擔心巴總遷出尖碼後的問題......

大家都在擔心之後嘅交通情況, 我想知巴總遷出當日, 尖碼
嘅重建工程是否會即日動工? 假若搬巴總引致九龍半島交
...

你要花時間諗呢樣野時，倒不如趁仲有幾日時間可以提出正式的反對，
快快趣寫信去反對個計劃仲好啦。

唔識寫的話，呢度有個 template:
http://www.ourbusterminal.org/doc/1Man1Letter_6608.pdf