寒冷天氣警告生效 (15/12/2010)

原帖由 DIH 於 2010-12-16 21:35 發表
以下內容不全是科學，只是個人推測。

全球暖化不一定代表氣溫一直高，而家我見到的趨勢係，夏天真係好熱，
到應該入秋時北方冷空氣不能南下，結果冬天就大規模一瀉而下，但短時間內又會升溫。

今日凌晨2-5am，鑽石山大風到好似打 ...

大部分人既諗法會係: 全球暖化, 冬天越黎越暖, 冬天即將消失, 香港都唔會有乜野
凍既天氣。上一任天文台台長亦經常這樣強調, 更加強調香港寒冷既天氣日子呈現
一個顯著下降既趨勢。但事實上近十年香港寒冷天氣日子比九十年代還要多,
近三年更有唔少強既寒潮。可惜天文台卻不時強調我們的冬天仍然偏暖,
而較為忽略全球變暖既背景下極端低溫的影響。

原帖由 nwfb1601 於 2010-12-16 20:41 發表

記憶中已經要數到去 2000 年，0個年有一晚試過得返六度。

都不是很遠, 無記錯08年過年前的那個星期六 都是嚴寒天氣
當年香港受寒潮影響, 有一段長時間氣溫不高於10度

原帖由 fw1321 於 2010-12-17 03:48 AM 發表

大部分人既諗法會係: 全球暖化, 冬天越黎越暖, 冬天即將消失, 香港都唔會有乜野
凍既天氣。上一任天文台台長亦經常這樣強調, 更加強調香港寒冷既天氣日子呈現
一個顯著下降既趨勢。但事實上近十年香港寒冷天氣日子 ...

我收到的資訊係寒冬的日子數目越來越少﹐從來沒有講過會完全唔凍。

所以有冷鋒到來的時間﹐一樣係凍的。只是大家習慣了溫暖﹐習慣了冬天平均是約18度﹐便沒有足夠的保溫衣服﹐才會覺得凍。

我記得廿年前﹐真係每年都有機會上大冒山係看到結箱的。而家? 無三五七年都無此機會。

原帖由 kei_hk 於 2010-12-17 10:01 發表


我收到的資訊係寒冬的日子數目越來越少﹐從來沒有講過會完全唔凍。

所以有冷鋒到來的時間﹐一樣係凍的。只是大家習慣了溫暖﹐習慣了冬天平均是約18度﹐便沒有足夠的保溫衣服﹐才會覺得凍。

我記得廿年前﹐真係每年都有機會上 ...

不過當天文台高調話冬天寒冷的日子在可見既將來平均會少於 1 天既時候, 而且寒冷既日子越黎越少,
大家既理解會傾重於那個角度? 當然, 呢個已經係上一任台長既說法, 佢亦都唔係話冬天完全唔凍,
只係當佢解釋既時候, 我已發覺無論輿論還是身邊的人都好少人會明白佢既意思, 於是好多人亦只認為
香港就黎沒有冬天。但我強調既係, 過去十年香港寒冷既日子根本就沒有下降, 而且有好幾年既寒冷
日子係不少, 近三年極端既寒潮更不時發生, 所以「越來越少」呢個講法已存在問題。如果硬要放長時間
去睇, 恐怕呢個純綷係玩數字遊戲。

至於冷鋒都要看強弱 (冷鋒到前還有機會增溫), 弱的過境後降溫還不到兩度 (24-48 小時), 怎樣算凍可以
話好主觀, 不過以香港最低氣溫 12.0 度以下才算凍的話, 好多冷鋒過境之後都不會帶來寒冷天氣

[ 本帖最後由 fw1321 於 2010-12-17 10:33 編輯 ]

原帖由 fw1321 於 2010-12-17 10:32 AM 發表


不過當天文台高調話冬天寒冷的日子在可見既將來平均會少於 1 天既時候, 而且寒冷既日子越黎越少,
大家既理解會傾重於那個角度? 當然, 呢個已經係上一任台長既說法, 佢亦都唔係話冬天完全唔凍,
只係當佢解釋既時候, ...

又或者用另一個複雜一點去想﹐這是要用一個較高的層次去想的﹐唔可以用一般的思維去想﹐但你看完的﹐應該會可以用另一思維去作思考。



先講 冷鋒 同 強烈熱帶風暴/颱風﹐以我來說﹐2者都是正常的惡劣天氣﹐可以一年有幾次﹐也可以一年都唔會發生。

*冷鋒是指一股冷空氣急速由a地去b地﹐由北向南吹襲的(以北半球為例)﹐而受影響的只是數天。
*強烈熱帶風暴/颱風﹐是指有強風暴雨吹襲某個地區﹐多數是海洋間形成﹐吹襲陸地﹐受影響的又是數天。

在夏天﹐有無強烈熱帶風暴/颱風﹐都是會下雨﹐有強風的﹐唔會因為強烈熱帶風暴/颱風而令到夏天唔會下雨有強風。
在冬天﹐即使沒有冷鋒來港﹐正常地都會天氣凍的﹐平均都是17度以下(指的是十多年前)。唔會因為無冷鋒而天氣唔會凍的。

即使﹐冷鋒 同 強烈熱帶風暴/颱風﹐都可以歸納成一個季節性的惡劣天氣。



問題又在此處了﹐究竟是不是每一年都有冷鋒來港?  沒有冷鋒的年份﹐是不是真係唔會凍?


我廿多年前的小學年代﹐冬天平均都15度﹐有時更去到13,14度﹐每年轉冬季校服都好著重講出﹐女生可以在10度以下改穿褲返學。
但係13,14度的時間﹐並不是有冷鋒到港﹐只是正常的冬天氣溫﹐有冷鋒的又係去到4,5度﹐大冒山基本上係一定有霜你看的。

反觀近年﹐有冷鋒的真係去到10度以下。但是無冷鋒來港的日子﹐平均又是幾多度?  我唔上天文台去check﹐隨口講話係17-18度﹐相信唔會有太多人反對。
事實上又係唔係真的暖了?  事實上與十多年前比又真係暖了。在無冷鋒的時間﹐已經難以跌至15度以下了。



所以﹐天文台台長話寒冷天氣越來越少﹐係事實。「冬天寒冷的日子在可見既將來平均會少於 1 天既時候」﹐都係事實﹐只要有一年沒有冷鋒來港﹐恐怕便會即刻出現了。
只不過前題你要把冷鋒視作一個季節性可能會來襲的惡劣天氣。

午夜至12/17 1900
昂坪0.0度 大帽山無數據(新聞指零下3度)
天文台5.8度 橫瀾島最高─7.0度

最高溫由黃大仙贏橫瀾島一個馬鼻─18.4vs18.3

*今日連續第二日發霜凍警告

原帖由 kei_hk 於 2010-12-17 16:25 發表


又或者用另一個複雜一點去想﹐這是要用一個較高的層次去想的﹐唔可以用一般的思維去想﹐但你看完的﹐應該會可以用另一思維去作思考。



先講 冷鋒 同 強烈熱帶風暴/颱風﹐以我來說﹐2者都是正常的惡劣天氣﹐可以一年有幾次﹐也可 ...

簡單而言, 冷鋒係指冷空氣與暖空氣相遇的位置; 因冷空氣的密度較暖空氣為高, 冷空氣向前推進的時候會令前方的
暖空氣上升, 而冷鋒過後冷平流會為一個地方帶來降溫, 因此冷鋒可視為一股寒潮其中一項特徵。寒潮的爆發本身就是
基於有較大的溫度差, 因此由北方南下的時候並不會沒有冷鋒, 但冷鋒會隨著南下的過程受而減弱及消散, 而在香港
過境的冷鋒不少在華中或華南北部形成。至於沒有冷鋒的寒潮, 恐怕只代表那股冷空氣強度有限。由於香港冬季主要的降溫
就是依賴寒潮, 如果那些寒潮都沒有陪隨冷鋒, 恐怕那年只會嚴重偏暖, 那時香港已是熱帶地區。

以上的闡釋不是表達得太清楚, 甚或有一些描述不是太準確, 但我覺得你是弄不清楚冷鋒的概念。

至於香港冬季的氣溫及寒冷天氣日數可參考以下這幅圖, 1948年指1947年12月至1948年2月的冬季, 一般平均氣溫大概為
16-17 度。從圖中我們亦可以粗略推斷冬天越暖, 寒冷天氣日子數目越少, 但天氣本身係咪可以用這種「線性關係」表達咁簡單?
另外, 香港本身很少有只得 4-5 度的日子。



我亦嘗試將寒冷天氣日數作十一年移動平均, 這樣較容易看出年代際的變化。過去六十多年可分為三個階段, 第一係 1972 年前
變化較少的時候, 第二係 1972-90年代初呈較顯著的下降趨勢, 第三係 90 年代開始較平穩的情況。第二階段的下降或可由東亞
冬季風於七十年代末到八十年代末呈一個減弱的狀態, 但這個狀態改變之後, 寒冷天氣日數究竟有沒有顯著下降?



全球暖化係不爭的事實, 冬半年的轉換出現了變化, 冬季的日數減少了, 尤是隆冬的日子, 而沒有冷空氣影響的天氣亦可能暖了不少。
但近年的經驗告訴我們, 極端天氣偶有發生, 低溫亦不如過去的想法那樣只係一味減少。另外我要強調的係, 天文台所強調沒有寒冷天數
的冬季, 並不代表沒有寒潮影響, 只係天文台總部的最低氣溫不能下降至 12.0 度或以下。

[ 本帖最後由 fw1321 於 2010-12-18 07:29 編輯 ]

我諗可以極其簡單咁講：
全球暖化　導致　氣候系統參數改變　導致　極端天氣頻繁

全球暖化的影響，對於小如香港的一個點而言，未必只係一味熱落去，
而可能係驟熱驟寒，像今次寒潮一日下跌10度、兩日可跌接近15度，
前一日只需單薄長袖衫，一夜間要全屋羽絨攬晒上身，
我在12小時內衣著「升級」兩次，我雖然做人唔好耐，但十幾年前真係唔會咁。

除了轉冷來得急外，由冷轉熱的過程亦都出現異常。
可以睇返天文台反軌跡路線圖，以前5月已經開始熱，6月基本上只吹南風，
但2010年6月竟然到12日仍然主要是偏北氣流，月頭的氣團更加遠自九洲，6月頭半感覺上亦都偏涼。

我個人的觀感係，地球對於任何的改變，都會嘗試去拉返正，
你叫佢做conservation of energy又好、浪漫地去想地球係一個生命體又好，
我就會用生物學上的homeostasis去諗：你夏天好熱咩，我冬天泵多幾下冷氣；
你華北好乾旱咩，我華南落雨落到成條村沖走都得，
整體上拉勻個change，但係某時某地的人就唔好受。

我亦都睇過某處講，假如全球暖化，導致北冰洋不再結冰、或結冰規模縮減、或規律改變，
那麼就沒有結冰過程釋放的濃鹽水沉到海底推動海流，圍繞整個大洋的海流可能減弱、改道甚至消失。
我自己引申落去，假如大洋環流停止或大幅改道，現今受惠於暖流的地區將要面對前所未見的苦寒天氣，
例如紐約、倫敦、東京都會與同緯度地區睇齊，即使人身體能應付，商貿物流都必然受到重大打擊，
加上人天性中的因子，可能導致全球經濟大冧檔、政治大洗牌甚至為爭奪資源而世界大戰都唔奇。

我個人認為，任何居其位者，呼籲大眾制止全球暖化之餘，要bear in mind的是，
全球暖化不代表某城某村只會一直熱落去，大眾要防範的是天氣短時間內突然轉變，
這個轉變可能係突然大雨（2008黑雨封北嶼、2010黑雨毀村），
或者突然轉冷（2008年頭雪災、2010年尾急凍）都得，件羽絨唔可以隨便丟棄。

[ 本帖最後由 DIH 於 2010-12-18 12:12 編輯 ]

（無意推文，純粹有趣發現）

剛剛由天文台的反軌跡路線圖見到，2010年12月27日早上8時，
抵港的氣團在72小時前位置大約在俄羅斯的Samara一帶，
似乎係自2008年有公開紀錄以來，72小時前最遠的一次。
（請自行到天文台網頁查看。）

極粗略計算，這72小時內，該氣團平均時速108公里，首24小時平均時速更達215公里，
奈何反軌跡路線圖不包括氣團當時的高度，不知是否來自高空的氣流呢？

講笑咁講，聖誕老人騎上鹿車，大約四日便可到達香港了，我諗一個星期已經可以圍繞北半球一圈。

[ 本帖最後由 DIH 於 2010-12-27 23:40 編輯 ]

原帖由 DIH 於 2010-12-27 23:37 發表
（無意推文，純粹有趣發現）

剛剛由天文台的反軌跡路線圖見到，2010年12月27日早上8時，
抵港的氣團在72小時前位置大約在俄羅斯的Samara一帶，
似乎係自2008年有公開紀錄以來，72小時前最遠的一次。
（請自行到天文台網頁查看。）

極 ...

都真係幾誇張, 一日內由 49E 去到 102E, 就算係 50N 都講緊 >4000km

不過咁就暴露出佢張底圖無歐洲 --- T-72 個位置變左做海

[ 本帖最後由 Quanta 於 2010-12-28 01:25 編輯 ]