收車的對策

原帖由 3ASV174 於 2010-12-28 14:30 發表
其實我覺得巴士司機呢個夕陽工業，
只會越黎越難再o係香港以低價請人，
始終呢個行業工時差，又無咩前景可言。

我有諗過，
其實繼續落去，九巴會唔會可以同政府傾下，
考慮o係內地招聘車長，再o係香港提供宿舍 / 住屋津貼，
當然薪酬福利支出可能比依家請月薪工多，但至少唔會出錢都請唔到人先， ...

敢問咁樣對 公司 / 乘客 / 勞工 三方面來說, 有何好處?

原帖由 3ASV174 於 2010-12-28 02:30 PM 發表
其實我覺得巴士司機呢個夕陽工業，
只會越黎越難再o係香港以低價請人，
始終呢個行業工時差，又無咩前景可言。

我有諗過，
其實繼續落去，九巴會唔會可以同政府傾下，
考慮o係內地招聘車長，再o係香港提供宿舍 / 住屋津貼，
當然薪 ...

如果真係晌內地招聘車長的話，
以香港依家既失業率來講都幾難唔俾人嘈。
講真你都識講話要增加薪酬同福利開支，
如果九巴肯將呢筆錢用來改善薪酬去聘請本地車長，
相信都唔難請到人。
講真有咁多後生仔肯去做倉做跟車等行業，
相信巴士車長應該唔會比呢d辛苦好多(靠估我無做過)，
起碼渣巴士既工時需時但返工放工時間應該都幾穩定。

原帖由 barking 於 2010-12-28 14:57 發表


敢問咁樣對 公司 / 乘客 / 勞工 三方面來說, 有何好處?

對勞工而言，
可以話係無咩影響可言。
輸入外勞以前都唔係未試過，只係唔係巴士行業，
但好似過境車咁，已經做左呢樣野好耐。
因為依家輸入外勞係因為行業人口不足，流失比加入既人多，
請到人都唔足以令巴士公司可以炒舊人，
如果要減 / 減到舊人薪酬福利，依家仍唔需要咁頭痛，
當然輸入幾多人，要同運輸署傾。
但你如果話住屋津貼係俾多左，咁薪酬福利本身都係成個 package 去睇，
考慮國內請人係因為佢地薪金要求未必如本地人咁高，加埋住屋津貼去得到本地月薪工既薪酬水平，
請人唔會難得過本地請。

對公司而言，
依家年輕一輩學歷比以前高，根本唔會有幾多人甘心做呢份無咩發展前景既工，
同以前但求穩定衣食足既心態好唔同。
人只會越黎越難請，根本依家香港請人唔係你肯出得多錢，就有人肯同你長做，
後生一輩係咁，到佢地年紀大左唔見得有太多改變，
跳出香港框框，或者更容易請夠人維持應有服務，唔駛日日收車先。

對乘客而言，
請夠人班次準唔收車，已係得政，
如果你話驚安全問題，
老實，我唔見得香港人渣車比起大陸o的人有品好多。

orz
好，試下唔坐E33玩下轉車
S線 (視乎工作區域)<--->東涌線<--->南昌/荔景駁美孚<--->西鐵<--->輕鐵(如需要)
未保証全程有位坐之餘仲要有可能全程企，車費仲要貴一截，每日做機場勞動工個D多得你唔少...(先唔好計話機場員工巴士車費有折)

既來之則安之？收車之時巴士公司仲要乘客去「安之」、自己想辦法搞掂？無事嘛？

原帖由 dennislokawai 於 2010-12-28 15:06 發表

如果真係晌內地招聘車長的話，
以香港依家既失業率來講都幾難唔俾人嘈。
講真你都識講話要增加薪酬同福利開支，
如果九巴肯將呢筆錢用來改善薪酬去聘請本地車長，
相信都唔難請到人。
講真有咁多後生仔肯去做倉做跟車等行 ...

巴士司機工時差，
唔係講工時長 / 返放工時間唔穩定，
而係你穩定地返早就返朝四晚三，返夜就返三點放兩點，一係通宵晚十朝八，
再唔係返蛇車仲衰，中段休息，踩足成日。
呢o的工時，唔係話你出得人工高（三四萬就係）就有人肯做，
萬幾蚊，大把人寧願收少兩三千，要返o的正常返工時間，可以同屋企人相處既工，
所以點解咁難請人。
以入職同工作要求計算，講真，即使係月薪車長，已經收緊比出面較高既價錢，
但要所有車長加到日薪二萬幾既水平，根本無可能，除非大舉加價，
不過加到價都唔一定請到人。

今日香港請人唔係單純人工高就請到，
請到都仲要留得到先有用，車長先天就有工時差呢樣缺陷，變成工作配套可以走盞既位根本唔多。

[ 本帖最後由 3ASV174 於 2010-12-28 15:19 編輯 ]

原帖由 kingprowm 於 2010-12-28 00:58 發表


香港地現在基本上除了南區, 西貢以及一些離島/郊外/偏僻地區冇鐵路服務外,
其他地區已經有鐵路, 屯門區去東涌, 機場, 尖沙咀
如果 E33, 260X 服務水平欠佳大可選搭港鐵去目的地 ...

屯門區去機場搭港鐵 ?

以前我聽阿爸講過，九記係曾經有引入過外勞（或可能係新移民）作試驗，
但因為正如上面有人講的工時不佳，講真內地人係慣了穩定的工作時間，早更嫌早、夜更嫌夜，計劃失敗告終。

係咪真係有做過，我唔敢包，但假如引入外勞，難度不比請本地人低。
而且，現時內地經濟持續上揚，唔好諗得香港自己咁馨香。

假如畀得起錢做額外福利，不如折現替本地司機加人工，
同埋做好公司內部文化，我覺得同工不同酬不是大問題，
勞資關係惡劣、互不相任、挪盡對方著數才是問題根源。

原帖由 3ASV174 於 2010-12-28 02:30 PM 發表
其實我覺得巴士司機呢個夕陽工業，
只會越黎越難再o係香港以低價請人，
始終呢個行業工時差，又無咩前景可言。

我有諗過，
其實繼續落去，九巴會唔會可以同政府傾下，
考慮o係內地招聘車長，再o係香港提供宿舍 / 住屋津貼，
當然薪 ...

香港咁既情況, 敢問房屋津貼要俾幾多先吸引到人落黎?
俾到呢d津貼, 就不如投放落去請本地人啦
何況要請既話, 新移民都可以啦, 駛乜響大陸引入?
再者, 佢地能夠操純正港式廣東話嗎? 熟悉香港駕駛情況嗎?
希望你只係求其吹水啦, 其實好多野唔係低人工問題就可以搵大陸人解決的.

長遠而言,科技上能否做到巴士ATO,無人駕駛?
一個中央控制中心control哂所有路上的巴士
好像google都研究緊自動車......美國是否有類似系統在高速公路上使用?
希望大學或科研機構可以著手研發一下吧!

原帖由 yyy5138 於 2010-12-27 23:50 發表
某做月薪車長朋友
指假設日薪做足1個月N76.可得約萬九一個月
而63字頭做足一個月N76.只得萬三
同工唔同酬都算...仲要差咁遠...

同工唔同酬唔止係九巴的問題

而家在醫院做, 同樣工種的staff, 新舊兩制的人工
, 係隨時差幾倍(請注意我講緊呢個幾係大過三的)
但係做的野基本上係一樣, 而且舊制工時更少, 福利更好。
(事實係因為HA出的POST愈來愈低, 人工亦都…)

同工唔同酬, 係衰係唔Fair, 呢點無得反駁, 一定抵鬧。

但對比起其他僱主, 九巴呢個問題又係唔係真係特別差呢?