收車的對策

原帖由 3ASV174 於 2010-12-28 23:59 發表

唔好意思，我唔係吹水。

我唔係諗得香港地好韾香，
所以你會見到我打出黎既時候，都只係話吸引內地低學歷人士黎做。

房屋津貼方面，
其實有不少本地企業都會選擇o係外地包租一幢樓（講緊唔高既），
然後當員工派駐當地，就做佢地 ...

的確巴士司機收入真係幾高呢, 又唔需要好高學歷和專業特殊技能, 都月入過萬,
很多時一份寫字樓工入職果陣連一萬蚊都冇, 但又要識呢樣識果樣 @@

原帖由 kingprowm 於 2010-12-29 00:01 發表


就算唔開新線, 都夠膽加強現在路線服務, 例如 948, 近來次次加班都係新巴, 冇一次有九巴份,
見過一次 1900 開出的 948 尾車, 經過修頓球場時, 客量很好呢 ...

基本上如果新記肯玩  , 夠膽玩  , 博一博
晚上1930 後自己單向開948 番青衣, 唔夠客停1停葵芳, 包好客~

九巴唔係冇車  , 16蚊的隧道線唔做, 係要走去5.8 的42a , -=.=

佢唔想加人工,  , 未分多d 花紅俾司機咯
學埋洋鬼子d 肥上瘦下的政策 , 只令自己的江山不保
人地就可以要求政府出手拯救 , 我們只會見死不救

回樓上有幾個提及九記同工唔同酬問題既版友

其實中立咁講,由日薪開始到而家月薪,任何一個司機都係同係工唔同酬 既然當初揀左入行 就應該知人工待遇係點
亦都知個遊戲規則點玩 不論新城定九記都係一樣 - - 多勞多得
成日係度冤人工補水唔夠人地多 係冤人之前有冇諗過本身問題 多轉數唔番 補水多唔番 一有唔老LIKE 就鋤假
咁樣想D老細點樣做好D?

再回樓上 唔一定係63 字頭既月薪人工低 係睇當時入職既底薪而定 唔計而家既打亂哂既634~639字頭既,可以好肯定咁講,每一組字頭既月薪人工都唔同,而且分分鐘同一字頭差百至一千;以我知最差果批月薪底薪67XX~6950,逐年簽約;最好果批8000 底,簽2年約(不包括唔駛簽約頭200 個月薪)
樓上有位版友親戚做38 搵2 萬既,估計個親戚應該至少做左10 年,原裝日薪老NO....呢D 老前輩就算冇水補都高人工,因為底薪高

至於新城,佢地人工點計我唔知 不過要搵錢既就多數係番12粒鐘一日先可以 其他既都係萬零
新城有請PT 但有限番工鐘數 爆鐘就扣鐘 而且冇得轉長工

講真請內地司機講就容易，
但係咪真係實行到就好難。

就好似薪金已經係一大問題，
你請佢到底如你所講以香港水平定以內地既水平？
如果以香港水平的話，
無錯肯定吸引到大量內地司機，
甚至部份會係高學歷，
因為以內地既水平來講萬幾蚊的確好高，
但對巴士公司來講如果用同一筆錢甚至更高去請一個內地人，
我相信除非巴士公司真係非要人不可，
否則無嘜誘因令到巴士公司咁做。
如果用番內地既薪酬水平再加綜貼(可能大約5-6千)，
巴士公司無錯應該好樂意請，
但香港既市民一定反對，
甚至會影響原本既巴士司機。

再者請內地司機唔係話請就得，
至少你都要用唔少時間教番佢地香港既文化、
香港既交通規則，甚至要求佢地略懂兩文三語等，
相信要佢地完全適應都要一段唔短既時間。

至於你話工時既問題，
我同意巴士呢一行既工時真係唔吸引，
但我唔應該呢個真係好主要既原因。
以某快餐店為例，
一個初入職既員工做足一星期6日8個鐘可能得果4千左右，
返早更的話可以早到5點幾，
收夜的話亦可以成2點幾甚至通宵，
但仍有唔少後生仔好希望考到經理賺每月8千左右，
而經理一星期返5日，
每日最少返10個鐘同OT幾多都無補水
(我做果陣時試過有經理做足20個鐘無停過)。
從以上例子我想講既係有部份後生仔返工只係為錢，
咩返工時間收幾點其實都好次要。

當然我咁講唔係話九巴請唔到人唔關工時事，
而係工時既影響未必如你想像中大，
巴士公司要解決請唔到人問題唔係單單靠輸入外勞可以解決，
而係真係清楚個問題重點而去加以諗辦法解決。

原帖由 FD_8592 於 2010-12-29 00:29 發表
回樓上有幾個提及九記同工唔同酬問題既版友

其實中立咁講,由日薪開始到而家月薪,任何一個司機都係同係工唔同酬 既然當初揀左入行 就應該知人工待遇係點
亦都知個遊戲規則點玩 不論新城定九記都係一樣 - - 多勞多得
...

就係因為個個都知點玩,咪長期唔夠人入行缺人lor
就是這麼簡單

原帖由 HG6729 於 2010-12-29 00:19 發表

基本上如果新記肯玩  , 夠膽玩  , 博一博
晚上1930 後自己單向開948 番青衣, 唔夠客停1停葵芳, 包好客~

九巴唔係冇車  , 16蚊的隧道線唔做, 係要走去5.8 的42a , -=.= ...

做 42A 都仲可以理解, 但搵 43B 來柯打 41 真係想像唔到,
41 客量又唔係很高, 居然仲加柯打, 而且行車時間又長,
948 一單既行車時間短過 41, 客量估計冇乜可能差過 41

停葵芳就唔駛, 新城一家親唔好同 930 爭, 不如停美孚啦, 做港島<>美孚特快,
同埋執吓美爭上唔到 41A, 42A, 44 客仔

九巴有錢都唔識賺, 結果影響自己既盈利能力,
冇能力提供更好福利俾員工咪日日收車 =.=

[ 本帖最後由 kingprowm 於 2010-12-29 01:39 編輯 ]

原帖由 dennislokawai 於 2010-12-29 01:08 發表
講真請內地司機講就容易，
但係咪真係實行到就好難。

就好似薪金已經係一大問題，
你請佢到底如你所講以香港水平定以內地既水平？
如果以香港水平的話，
無錯肯定吸引到大量內地司機，
甚至部份會係高學歷，
因為以內地既水平來 ...

其實外勞都只係其中一個可以試行既解決辦法，
當然可以做既野仲有好多，無一個完美辦法解決問題。

但用快餐店例子比係唔同的，
因為快餐店本身流失率高，相信只係會比 sales 低（sales 講緊一年平均流失率去到 200%，即係一人做得半年）。
而且快餐店即使工時長，都難以同車長比，
因為車長除左要對住客，工作係載住過百條人命，壓力比起快餐店高好多倍，
所以職業司機人工本身人工就多過快餐店，其中就包括左壓力補償。

而且另一件事，
就係車長入職都需要一定培訓，而且本身要有三年車牌，本身有既人都唔多，
後生一輩更少，符合要求既除非本身打算考車長，否則大多已係職業司機，
九巴其實只係吸引緊人轉工，問題係誘因有幾大，本身穩定又唔想轉，成日轉得都唔慌穩定。
年輕一輩流失率高，而且好多人都比以前既人需要更多假期，
呢o的情況係巴士車長呢o的需要大量人力按時間表運作既工種會好出事，
入左行難轉不在話下，其實巴士公司亦負擔唔到訓練完人之後好快就走。

引入外勞無一個考慮係減少工資支出，
但係係想以本地工資水平，吸納內地勞動力，黎香港搵錢返去養家，
兼且穩定地長期留港工作。
而更主要係睇中內地有不少人有車牌，有駕駛經驗，但香港工資水平比內地同工種吸引，
以內地計，o係鎮級教書都只係搵六七千人仔，低學歷但有車牌，有排都搵唔到過萬，但黎香港可以。

當然，
巴士公司都要檢討下依家工作範疇同薪酬福利，
睇下長遠點吸引多o的本地人人行。

原帖由 3ASV174 於 2010-12-29 02:09 發表

其實外勞都只係其中一個可以試行既解決辦法，
當然可以做既野仲有好多，無一個完美辦法解決問題。

但用快餐店例子比係唔同的，
因為快餐店本身流失率高，相信只係會比 sales 低（sales 講緊一年平均流失率去到 200%，即係一人 ...

其實事實係，究竟九巴係認同、支持收車，定係覺得自己被迫
要收車？

以過往的客量及社會環境，巴士真係開一班，起碼點都會收支
平衡吧，而家，開一班隨時蝕一班。

其實我覺得有時連運輸署自己都知巴士只係輔助行業，如果當年
中巴既15號收尾車事件今事今日發生，而乘客又真係打電話報警
，我相信今時今日警方做法都係一樣，不過事後唔會向巴士公司
收罰款。我又諗，如果九巴N線收車，乘客又學以前咁報警，究竟
會點算... ...尤其N121、N680等等既線，總站旁邊就係警局，呢
個時間，又無站長......

岩岩去新創建個網睇過, 新城車長招聘廣告已經寫埋年薪145,000
係咪真係個個人都去到呢個價位就唔多清楚勒