巴模加價到$328,賺錢大過天!?

講真一句 .. 你加價我覺得都合理既 ..
不過既係 , 如果你加左價之後出既車出到好似部醫蛇 / S3V , 再唔係 d QC 好似係 5501 / S3V 咁既我諗一定會仲少人買 ..
相反 , 你出 d 車出到好似康都 / Daimler E 咁樣好好睇睇
加少少真係合理既 ..

原帖由 1005 於 2010-12-29 07:54 PM 發表


其實呢個心態唔應該係加價先咁講

若你本身唔係家財萬貫
幾百萬未開頭的話
奉勸各位唔好盲目去追
出一部買一部

買黎保值
又算唔上
買黎炒
炒燶就有份
鍾意買黎睇
都要衡量一下夠唔夠位放

雖然出黎野之後有少少餘 ...

其實買得多, 好多時都只係為情意結或者衝動
老實講. 一部模型買返黎, 如果唔係做改裝既話
實在係得個擺字. 試問有幾何會拎出黎睇丫
要睇, 直接走去專門店就得啦

我而家已經變到有新模型出, 就有衝動去買
去到舖頭, 就會諗其實望下就夠
因為唔係有得攪牌或者開門之類, 頂多係開到個引擎蓋,
為乜要徙幾百蚊買黎齋睇? 又唔係靚到藝術品咁...

呢幾年我都好少買巴模了,都係真係好鍾意先買,而且因為有朋友有特價,通常都係叫佢地幫手買左,食飯時再收車比錢,所以check車既任務都係佢地負責埋
但今次部九巴仔,我就自己忍唔住走左去某大寶號買,好耐無自己揀過車, 第一部一睇就好多點甩油,叫`1佢拎多部,第二部連廣告既水貼到2有花有甩色,最後第三部,其實都唔係無問題,只係相對地比較正常,都唔想再揀落去了
而且因為我鍾意個車身廣告.所以其實都無留意個籠有無錯漏,但淨講外殼都同我幾年車買車既QC有段距離,以前一架起兩架止,多數都揀到,就算比我彈走個部,都比我而家呢部好, 而家我既感想"點解正價成三百蚊既車,咁既QC都可以拎出黎賣",如果仲話加價,睇來某大寶號都係想繼續挑戰各位fans們既底線

買野個時有人曾經指話巴士10幾年內籠不斷加野,愈泥愈精細,都係加$30-$40
不過,以現時技術,以前既個d Corgi AV巴模真的值$288嗎???

另外,率先用$328應該係小飛俠ATR

原帖由 亞空 於 2010-12-31 08:25 AM 發表
買野個時有人曾經指話巴士10幾年內籠不斷加野,愈泥愈精細,都係加$30-$40
不過,以現時技術,以前既個d Corgi AV巴模真的值$288嗎???

另外,率先用$328應該係小飛俠ATR ...

的確係第一部$328,你地會唔會覺得,QC好左但車尾無得開引擎蓋唔抵呢??

原帖由 ATR83 於 2011-1-4 12:58 發表

的確係第一部$328,你地會唔會覺得,QC好左但車尾無得開引擎蓋唔抵呢??

講真我唔會, 個d開到引擎蓋既模型我一次都無開過黎睇

其實都好難取捨

以前的年代,EFE/Corgi手工就靚喇,QC一流,
但個模就九流...明明唔係果部車揀硬用圖案印上去... 好似堆Olympian個車咀同埋尾窗
不過 efe個手工真係讚

呢個年代比對香港公司爭晒來做, csm ABC開左個先河架車唔洗手工好,
總之乜野似真車的都加晒上去. 中巴牌布, 轉得頭軸, 半開窗, engine門, 倒後鏡
現在真係乜都有喇,但個手工就九流. 出錯模小錯我唔計你.
內龍打風, 高低軸, 噴油起泡, 水貼離晒罩, 裝工又差, d窗呀門呀緊要自己出手去執
真係仲衰過玩具. 至少冇乜見過玩具車會起泡啦d油

不過冇計,以前出d車款少,現在用經典車型去補quality不足.
果頭鬧完架車點唔得QC,果頭就成班人: AX 咁經典,訂番3部先.
嘩2xx/8x/4x線係我條愛線, 每樣買部先
嘩部s3xx咁核突ge.算啦.係最愛車型.一車三款每人入部先.
總之佢有出得幾差,d人就有咁多部同佢掃咁多部,出都未出比人訂晒
你係老闆,反正你出部屎出來人地都唔理一定幫你買晒,
咁你仲洗乜用咁靚料,洗乜高質素.

賣果個冇良心唔敬業,買過個冇要求有消費力

最後就真係冇乜興趣再儲車落去.
好多車款都諗左想買好耐.但最後都買唔落手.好多年冇買過車.

[ 本帖最後由 cn2661_2d32 於 2011-1-8 04:46 編輯 ]

原帖由 cn2661_2d32 於 2011-1-8 04:45 發表
其實都好難取捨

以前的年代,EFE/Corgi手工就靚喇,QC一流,
但個模就九流...明明唔係果部車揀硬用圖案印上去... 好似堆Olympian個車咀同埋尾窗
不過 efe個手工真係讚

呢個年代比對香港公司爭晒來做, csm ABC開左個先 ...

最近架巴士仔同小飛俠ATR都有買,但d QC真係令人顏汗
成個廣告都用水貼貼,好心印落去算啦,又貼得衰,我部小飛俠ATR係朋友幫我買既,到我手時,我已經發現一角仔水貼甩左飛左去膠盒邊
睇黎以後都唔駛買

人地貼水貼o既原因正正係為咗節省成本
而水貼呢家野通常都會出現少少問題架啦

原帖由 busdynasty 於 2011-1-8 15:23 發表
人地貼水貼o既原因正正係為咗節省成本
而水貼呢家野通常都會出現少少問題架啦

個外殼係最基本野,都搞成咁,真係好無言