巴士公司引入「由車長決定選行捷徑」可行嗎?

原帖由 HA7874~HC2110 於 2011-1-7 23:24 發表


頂閘就走捷徑根本唔可行...  如果有客係四美街、鑽石山落車點算呢?? ...

上車果時放張紙提定個客可能會飛站

唔係做唔到, 條條長途線市區只限上車就可以.
但間間公司多一事不如少一事, 何況你講既係九記公司呢. 叫佢cut車就話睬你

原帖由 yuiok158 於 2011-1-7 23:29 發表
上車果時放張紙提定個客可能會飛站

可以係豬紙度寫
如:1700-2000觀塘碼頭開出班次
於新莆崗至鑽石山地鐵站只供上客

不過, 最理想當然係開特車
最好就好似89D特車咁九龍灣上隧道

其實好多路線本身都有多過一條官方行車路線，
好似大老山隧道線、紅隧線、以前觀塘碼頭總站開既線，都可以俾司機揀路行。

若果要防止乘客o係飛站路段落車，
只要o係車頭放張紙就得，
例如 74x 咁可以寫明「滿載後即直駛大老山隧道，不停彩虹、新蒲崗及鑽石山」就可以。

有時見o的東九線o係創紀之城已經頂閘，仲要一路兜先入隧道真係好多餘，
俾佢地客滿就飛站，其實仲可以善用資源，快o的回車，用少o的車 / 加密班次。

講起走捷徑, 久唔久都見到 91, 92 出鑽石山總站後右轉 (有載客)

雖然可能係站上起載, 但係都已經唔跟行車路線

有無其他例子分享?

其實有路線已經名正言順飛站,
港島區38, 72係出哂通告1700-1900向灣仔方向唔停香港仔隧道口個站~~

中巴司機當年就經常靈活安排行車路線，42線朝早例必飛走田灣同香港仔，離開華富邨後下一站就係新華社，15分鐘到銅鑼灣。不過，繁忙時間響香港仔等車去北角，只好自求多福。

原帖由 alex93 於 2011-1-7 23:44 發表
講起走捷徑, 久唔久都見到 91, 92 出鑽石山總站後右轉 (有載客)

雖然可能係站上起載, 但係都已經唔跟行車路線

有無其他例子分享?

有次搭沙田東隧線，藍田地鐵站個迴旋處塞車，行下路去東隧

原帖由 n281 於 2011-1-7 23:27 發表


唔係 巴士公司 唔賠俾個客
係 保險公司 唔會賠俾巴士公司同乘客

但係九巴係自行承保，咁又點計呢？