啲投訴回覆呃細路

原帖由 cktse 於 2011-2-5 03:41 發表

想請問呢個機會率有幾高?
如果為左唔要有人齋坐就寧願編少堆後備, 呢d管理真係非常人道同顧客至上咯

請問點為止夠後備?
如果有一百個更份, 通常有十個人缺勤, 可能就會準備12個後備, 咁個日如果有13個人缺勤咪會唔夠人囉,
咁你可以話點解唔預足20個後備, 甚至30個?
呢個成本效益同顧客滿意度o既平衡, 巴士公司係唔會以做到你100%滿意為目標的,
佢都要顧自己搵幾多錢, 只要個滿意度係夠佢得到續專營權就夠了

點解 iTalk 班人鬧新巴收車就諸多解釋辯護，鬧九巴收車就另一副咀臉嘅？

[ 本帖最後由 kp3011 於 2011-2-5 19:58 編輯 ]

我試過係金鐘等789無左班車.. 打電話上熱線..
佢都可以話班車正常時間開..
我之後串佢話我係總站等緊班車
佢搞一大輪之後話佢搞錯左柴灣開
之後又話架車係總站壞左...

原帖由 neosan 於 2011-2-6 11:11 發表
我試過係金鐘等789無左班車.. 打電話上熱線..
佢都可以話班車正常時間開..
我之後串佢話我係總站等緊班車
佢搞一大輪之後話佢搞錯左柴灣開
之後又話架車係總站壞左... ...

九記都試過, 我問熱線員總站幾時有車開, 佢話部車未返, 但明明已有部車o係度 (不過我無串佢),
可能係個車長玩野, 拖時間唔拍卡所以熱線員check唔到...

另外我想問, 而家係咪規定左車長返到總站要有幾分鐘休息時間?
我記得以前D巴士就算過鐘返到總站都會即刻開, 但而家好似過左鐘點都要等一陣先開?

原帖由 kp3011 於 2011-2-5 19:57 發表
點解 iTalk 班人鬧新巴收車就諸多解釋辯護，鬧九巴收車就另一副咀臉嘅？

咁上面版友又冇講錯, 的而且確, 冇可能日日都出齊, 間中有一日半日唔夠人都可以接受。
最重要係新巴冇好似九巴員工待遇咁差, 搞到冇人做然後日日故意大幅度收車
所以兩種情況根本唔同, 唔可以話咩另一副咀臉對佢既。
面係人地比, 假係自己丢既。

原帖由 ctb8107 於 2011-2-6 13:48 發表

咁上面版友又冇講錯, 的而且確, 冇可能日日都出齊, 間中有一日半日唔夠人都可以接受。
最重要係新巴冇好似九巴員工待遇咁差, 搞到冇人做然後日日故意大幅度收車
所以兩種情況根本唔同, 唔可以話咩另一副咀臉對佢既 ...

言下之意即係巴士公司咁樣做冇錯喇喎
乘客係完全冇責任去了解巴士公司的內部運作係點㗎
站在一般市民乘客立場
我理得你內部係點運作都與我冇關
仲要咁不負責任地回覆乘客的查詢
更加係不能夠接受，完全係推卸責任