如果荃屯鐵路 東涌綫整條支綫有冇可能!?

原帖由 ate_58x 於 2011-2-8 11:26 發表
咪係...良田、山景呢 d大邨點可以冇佢份

你提出的係最理想的沙田式鐵路佈局,
可惜屯門鐵路佈局已經被西鐵破壞,
大大個屯門站在河中心

如果唔理個屯門站,
新線s經良田、山景, 深入民居, 屯門站可以廢站

原帖由 Kaix 於 2011-2-8 19:26 發表


西鐵線仍有大量運量, 係因為屯門段拖累, 導致天水圍30多萬人口(好快40萬)只得一站

屯門區車站又少又要輕鐵接駁, 亦係因為屯門死拉西鐵線落去而導致的格局


當年西鐵草草上馬, 定線求其交功課, 九鐵係千古罪人

...

你都講格局已比西鐵破壞
現今的屯荃鐵路只會步上西鐵後塵，更唔應該重蹈覆轍

有時又唔好事後孔明
果時夠話荃灣西會大發展
九鐵會估到今時今日荃灣西已經唔會填海大發展咩
天水圍唔圍住西鐵站發展
九鐵都控制唔到

千古罪人唔係九鐵
係政府規劃/天時

[ 本帖最後由 tomtom2015 於 2011-2-8 21:13 編輯 ]

原帖由 Kaix 於 2011-2-8 20:06 發表


既然直出荃灣比兜元朗時間差唔多, 西鐵在屯門佔有率為何低得可憐

而且轉車時間有誇大, 荃灣西轉車冇可能係美孚式

現在正在討論的，是假設西鐵延長至屯門碼頭站，而不是由現有的屯門站出發。

因此，西鐵在屯門佔有率低得可憐，並不是因為要兜元朗，而是因為現在並沒有設屯門碼頭站，以及巴士行車時間更快及更便宜。

至於轉車時間有誇大，FINE，我當轉車時間如南昌，只需2分鐘：

西鐵延線方案，往荃灣西站依舊為24分鐘。

屯荃鐵路方案，往荃灣西站15分鐘，轉車2分鐘，候車3分鐘，共需時20分鐘，只快4分鐘。仲要係假設，轉車真係2分鐘，車程真係15分鐘。稍有差池，分分鐘倒轉頭慢一兩分鐘都講唔定。而非繁忙時間，西鐵6分鐘一班之班次立即令屯荃鐵路車程比原西鐵線更慢。

[ 本帖最後由 ahbong 於 2011-2-8 22:21 編輯 ]

其實這條線出到荃灣的接駁都係問題，依現有鐵路規劃，
荃灣綫、西鐵（東西綫貫通）、東涌綫都似乎沒有剩餘能力接載新線乘客出九龍。

我在此建議兩個可作考慮的後續發展：

1. 用交流系統，做屯荃沙線。
優點：開拓新客源，可做特快
缺點：市場調查必需非常準確，工程浩大，一失足成千古恨（看見48X/49X的蛇餅，我不太擔心，但始終巴士同鐵路有分別）

2. 用直流系統，汀九後飛過青衣（咦，乜咁熟口面），盡用東涌綫四軌段，
　至大角咀附近接駁早前有板友講過的東西九龍線（例如經麗翔道、窩打老道至何文田）；同時荃灣綫延長至汀九。
優點：青衣至大角咀間的東涌綫路段得以善用；屯門人用此線駁東涌綫過海較容易
缺點：與西鐵（東西綫）多重競爭，可能造成資源重疊；不能一車直達荃灣，要拉埋荃灣綫落水

以上建議，當然要睇下屯門人想要呢條線去荃灣、沙田、定係想出九龍或過海。

之但係，東鐵而家用12卡車、2分鐘一班，繁時迫到九彩，都想將佢推過海；
西鐵都未到呢個地步，東西綫也要若干年後才能得見成效，荃屯鐵路，成事機會又有幾大呢？

不如加密東涌線班次至4~5分鐘一班仲好啦

（實際）
利用荃灣西預留位建荃屯鐵路接上西鐵屯門站，以半循環線方式運作，烏溪沙 <-> 荃灣西 <-> 屯門 <-> 天水圍 <-> 荃灣西 <-> 烏溪沙。
（奇想）
屯門以南加一支線往機場及東涌，港深機場鐵路到港後於洪水橋設跨月台轉車站往元朗，然後與西鐵共軌，直到屯門再設轉車站（現時屯門站設有預留位），再往機場及東涌。港深機鐵可考慮分開過境班次與出入境班次運作。
三聖以西加一支線往屯門碼頭，並接上屯門至東涌支線，屆時西鐵（東西線）於屯門市區將有4個站：兆康、屯門、屯門碼頭、三聖。屯門、屯門碼頭、三聖組成一可互通之三角形，東西線會有短途班次來往從屯門碼頭來往紅磡／烏溪沙，以及天水圍來往紅磡／烏溪沙（屯門至天水圍班次會稍為減少，以騰出軌道予港深機鐵）。
當一切完成後，東西線將有以下班次：
完整班次：烏溪沙 <-> 荃灣西 <-> 屯門 <-> 天水圍 <-> 荃灣西 <-> 紅磡 <-> 烏溪沙
短途班次：天水圍 <-> 荃灣西 <-> 紅磡 <-> 烏溪沙
短途班次：屯門碼頭 <-> 荃灣西 <-> 紅磡 <-> 烏溪沙
而港深機鐵港段（出入境班次）只停以下車站：
洪水橋（轉車站） <-> 屯門（轉車站）<-> 屯門碼頭（轉車站）  <-> 機場 <-> 東涌

兆康往東涌，請於屯門站轉車（港深機鐵不停兆康站）
東涌往荃灣西，請於屯門碼頭站轉車

原帖由 Kaix 於 2011-2-8 20:06 發表
既然直出荃灣比兜元朗時間差唔多, 西鐵在屯門佔有率為何低得可憐

我諗價錢係一大問題
屯門段收費唔可以平過元朗/ 天水圍, 但咁既價錢搭巴士平好多
屯門搭去柯士甸要16.2, 去尖沙咀要17.2, 但搭260X只需13蚊
屯門搭去太子要15.2, 但58X 只需11.3
屯門搭去荃灣西要10.9, 搭去荃灣仲貴, 要16.3, 起左荃屯線會減幾多呢?
真係起荃屯線, 我相信出九龍價錢應該會相若, 咁既價錢真係吸引力不大

原帖由 jpoon 於 2011-2-11 02:31 發表

我諗價錢係一大問題
屯門段收費唔可以平過元朗/ 天水圍, 但咁既價錢搭巴士平好多
屯門搭去柯士甸要16.2, 去尖沙咀要17.2, 但搭260X只需13蚊
屯門搭去太子要15.2, 但58X 只需11.3
屯門搭去荃灣西要10.9, 搭去荃灣仲 ...

咁講法，我諗都係唔起好過起。
港鐵睇死佢唔會大幅減價，唔減價又吸引唔到人搭，結果又係一隻象......
兩鐵競爭年代都話可以博下，而家既然你都係畀緊咁多錢，
天水圍元朗又夠客，畀著我係政府／港鐵都唔想無事搵事做啦。
條線本身未必冇得做，但建造成本不低，陣間班乜乜後又跳出來，
隨時拖個二三十年先起得成，到時是否仍然有需要呢？

都唔係話唔得既，最重要都係當局是否有心做，
日本的阪神／阪急，兩條線都係來往神戶及梅田，而家係同一集團，
神戶至梅田票價一樣，但阪急主力做特急，梅田開劃一10分鐘一班，
阪神主力做各停短途以及對外直通，10分鐘一班特急／急行中間夾普通車。
但人地無十幾廿條巴士線並排行走。

[ 本帖最後由 DIH 於 2011-2-11 10:36 編輯 ]

如果以三聖到荃灣西，沿青山公路要16.3公里

如果按東涌線的定價標準，大約是0.9/公里，即14.73元(參考香港至青衣0.98/公里和欣澳0.81/公里)
如果按市區線的定價標準，大約是0.65/公里，即10.64元(參考荃灣至尖沙咀0.63/公里和中環0.73/公里)
如果按西鐵線的定價標準，大約是0.45/公里，即7.37元(參考屯門至錦上路0.43/公里和荃灣西0.47/公里)

不過現在不是兩鐵時代，港鐵定價的話，是不會參照西鐵的定價標準，那車費吸引力不強，很難和巴士競爭。