嘩，咁樣提早私牌收工法都得?

嘩，咁樣提早私牌收工法都得?

其實只係岩岩發生既事，話說小弟今朝響紅隧口上左一部九巴
荔廠柯打 104 紅隧起載特車，部車紅隧開出果陣上層都差不
多坐滿曬，不過過左上環文娛中心之後上層已經落剩我一個，
我就如常響朝光街個站落車，落車果陣見下層都係全吉 (即係
我係全車最後一個落)，點知個司機停站果陣離開駕駛艙，上左
上層行一轉之後，將電牌轉做私牌，然後響皇后大道西連 cut
幾條線再右轉水街走人! 部車直落水街然後無睇錯就干諾道西
右轉，睇怕都經西隧私牌返荔廠。

(註：部車電牌係「堅尼地城 104」而且完全無牌話係乜野特
車，正常點都係去到堅尼地城先走下嘛)

講真就無影響到我，兼且 104 朝早咁密車，就算真係有人再
之後想上車去堅尼地城都唔易察覺無左班車，不過乜 104 特
車係唔駛去到堅尼地城摺數架咩? 我好耐之前坐過 27 柯打
104 部車一樣要去到堅尼地城交飛單俾站長架喎。

--
我幾年前試過一次 93K 寶林尾二車，當時仲有彌敦道北行右
轉旺角道果個位 (即 95、203 同前 300 用果個) 個司機唔
用新填地街，偷雞用果個位右轉旺角道；跟住去到旺角道個站，
個司機同我講話「唔好意思呢部車唔上火車站架」 (下乜 93K
又有呢 d 唔上火車站既車架咩?) 原來個司機清客後即刻插私
牌兼熄曬燈，睇怕都係出亞皆老街之後唔轉上火車站直行私牌
返將軍澳廠收工!
--


我無諗住投訴定乜，只係見到佢咁玩真係可能我少見多怪，下
乜原來 104 去到西營盤見無曬人就可以轉私牌收工咁架?

其實呢d好多時都會發生. 就算你真係去投訴, 又可以投訴咩? 你都落左車, 又沒影響到你.

其實個司機咁做無乜問題架,
樓主你又落左車,車上又無人,之後都應該唔會有人死等104,
咁佢order完返廠又慳油又可以休息多陣幾好呀!
樓主唔好少見多怪啦!

之前亦都試過見到部新記2號
係愛東商場落哂客之後即刻轉私牌
再係愛賢街右轉愛禮街左轉東喜道上東廊

唔知係返廠定去睇2度

原帖由 skh30 於 2011-2-7 10:25 發表
其實個司機咁做無乜問題架,
樓主你又落左車,車上又無人,之後都應該唔會有人死等104,
咁佢order完返廠又慳油又可以休息多陣幾好呀!
樓主唔好少見多怪啦! ...

104 特車咁樣收工法我就真係少見多怪，不過收工車提早偷走收工呢樣野
我就一定唔係少見更加唔係多怪，如果唔係我都唔駛數埋 93K 最後果個
站仲夠膽趕我落車為左提早收工，再唔係 72A 上水廠收工車唔兜大景街
直接轉入大埔工業村個總站收工我都領教過。之不過呢 d 都係偷雞最尾
一個站姐，104 響朝光街至到堅城總站都好遠下架喎，咁都私得走我先覺
得犀利姐。


[ 本帖最後由 fokck 於 2011-2-7 10:46 編輯 ]

原帖由 fokck 於 2011-2-7 10:15 發表

嘩，咁樣提早私牌收工法都得?

其實只係岩岩發生既事，話說小弟今朝響紅隧口上左一部九巴
荔廠柯打 104 紅隧起載特車，部車紅隧開出果陣上層都差不
多坐滿曬，不過過左上環文娛中心之後上層已經落剩我一個，
我就如常響朝光街 ...

以前中巴既104,成日去到中環之後打死火燈叫人過客,過晒客之後開番架車私番紅隧,一樣冇問題啦.

今次既然架104落晒客,而車長又上左上層望過,咪當幫九巴慳油囉,反正都唔關新記堅城站長事.

樓主第二個例子：93K不上火車站，呢個似乎比較大問題，
當時係司機叫乘客落車，而唔係乘客已經落晒車，
我如果真係要去新世紀／駁東鐵，而又據理力爭的話（其實唔使理由，你理得我上到總站做乜），
司機係在路面交通沒有問題下私自更改路線，真係可以投訴到佢甩褲。

[ 本帖最後由 DIH 於 2011-2-7 11:08 編輯 ]

到西環啦, 邊個o甘多錢坐104? 坐101亦都一樣.
要坐o既都坐5, 5A, 5X 啦.

個司機可能仲有第二條線要做.

原帖由 DIH 於 2011-2-7 11:05 AM 發表
樓主第二個例子：93K不上火車站，呢個似乎比較大問題，
當時係司機叫乘客落車，而唔係乘客已經落晒車，
我如果真係要去新世紀／駁東鐵，而又據理力爭的話（其實唔使理由，你理得我上到總站做乜），
司機係在路面交通沒有問題下私自更改路線 ...

如果真係要上火車站的﹐正常都唔會落車﹐除非部車有問題或路面情況令部車唔可以到達。

個司機如果係發現部車已經無客﹐按理都是要按照指定路線返總站。當然﹐一些order 車﹐收工車的司機﹐偷雞是他們的事﹐他們自己接受風險﹐例如有客投訴(擺明個客無受影響都可以投訴)﹐偷雞走人時部車有意外或壞車。

但如果車上有客﹐為了早收工﹐趕下一order而趕客落車﹐個司機都唔係蠢的﹐明知個客一定有機會事後投訴﹐所以都會了小心行事﹐專搵一些小朋友﹐或者好「蝦」的人去開刀。遇到個客唔肯下車﹐他們都會照原定路線去行走﹐強行來的一定無好結果。



ps. 而家偷雞走唔返總站的﹐應該只有過海線同時總站是由對方站長處理。

其他路線﹐司機要同站長報到﹐沒有站長的的總站要同電腦報到﹐所以最多只可不依原定路線返總站﹐唔會輕易直接走人唔返總站。而去到總站﹐都唔會太早拍卡報到﹐如果時間比正常相差太遠﹐不排除日後會有人在電腦check record 而出事。

原帖由 leungfan 於 2011-2-7 10:40 發表
之前亦都試過見到部新記2號
係愛東商場落哂客之後即刻轉私牌
再係愛賢街右轉愛禮街左轉東喜道上東廊
唔知係返廠定去睇2度

以前仍然有愛德街臨時總站的時期，曾經見到在愛東商場落客後便右轉愛禮街而沒有返回愛德街總站。