九巴118與118P既紛爭

其實最好就係外面 set 返巴士專線 , 而且移走果件障礙物
等 107, 170 果堆線快 d 入到站上客

不過 118/118p, 102/106 , 改無可改 , 除非後面等上客個位都用埋

其實118/118P係不同的線,
在118P服務時間,去柴灣中至小西灣的客根本唔等118,
同時118的客係明顯地少(主要係for去北角的人的輔助線)
係未要附近另外排118P?
在紅隧口,去銅鑼灣上112/116,去北角至筲箕灣上102/106
都唔明去"杏花村、柴灣中至小西灣"同"北角至柴灣西"要用同一站

講重組紅隧巴士站,不如重組紅隧路線好過,
不過照本討論...重組紅隧路線後,紅隧巴士站要多d的站點將不同的客分流

原帖由 da54 於 2011-2-8 01:20 發表

如果你係巴士公司職員，你又會點解決？

既然排到上天橋, 可唔可以將果幾組線移前小小, 比多小小位排 ?
104 果邊咁多位, 又偷小小位出離比返後面堆線 ?
排隊d人可唔可以屈返去天橋後面而唔係上天橋 ?
近 5A, 268B, 269B 行果條路果邊其實仲有位未用盡, 又可唔可以利用一下 ?

紅隧個巴士站我唔係成日去
實際情況係點, 有咩建議我真係唔敢亂比, 點夠呢度d版友熟呀
不過上面條天橋我就成日行
依家見到o既係
一去到 6 點 3, 4 開始
條天橋就係因為排 102, 106 / 118 果幾條人龍搞到塞死哂
情況比 104 果邊嚴重好多 ( 又可能因為 104 清客清得快 )

呢個問題, 因為好難搞就唔做
下面一齊排, 上面又一齊塞, 大家都冇好處 ...
始終都要搞架

如果我係政府......
又假設政府不是只會保鐵、有心解決紅隧口巴士站擠塞問題、又唔怕大工程的話
(大極都只係起條新路口接駁道、將隧道行政大樓搬家，而唔係將隧道行車線道二轉三/四、甚至起多條隧道咁誇張)

我會索性把5A依家行緊那段路改做通往紅隧的巴士專線，唔再通去梳士巴利道
(但麻煩拆走隧道公司大樓，搬去呢家隧道公司停車場位置，比呢條新巴士專線過左收費亭後，有個位轉番個彎，駁番條支路落去隧道口)

同時間花些工程粉飾、將天橋接駁落去呢條新的巴士專線
再把南區線又好、東區線又好、中西區線都好，全部重新分配，調過去新專線位置，總之內中外三條巴士專用通道一齊用 (內指5A條路，中指現102條路，外指171條路)
咁以後巴士上客情況就可以得以舒緩

至於去梳士巴利道的 (5A / 268B / 269B)，先上通往紅磡站的順風道(即現在左手邊第一條支路)
改闊一下個路口，方便巴士轉入去
再在紅磡站上邊，新建一條支路落梳士巴利道
咁就可以解決了康莊道巴士落尖東問題。順便多一條新路，比紅磡站上面的車輛落尖東，不一定要逼暢運路。

[ 本帖最後由 le914 於 2011-2-8 02:35 編輯 ]

原帖由 ben2004 於 2011-2-8 02:00 發表


既然排到上天橋, 可唔可以將果幾組線移前小小, 比多小小位排 ?
104 果邊咁多位, 又偷小小位出離比返後面堆線 ?
排隊d人可唔可以屈返去天橋後面而唔係上天橋 ?
近 5A, 268B, 269B 行果條路果邊其實仲有位未用盡, 又 ...

下繁就當然係 102/106/118 兩條隊多人啦，但係可以點？
上繁 118 用站尾，下繁就將 118 放去站頭？
基本上而家的設計係遷就客流集中的上繁而唔係客流分散的下繁...

另外樓上有人提議 112/116 同 118 對調，都係其中一個方案，
但係解決唔到樓主所講的問題.... 基本上個站唔擴充，118/118P 兩線一隊的問題無法解決。

同意 cx734 兄所講，要重組的唔係站位，而係路線.....

原帖由 2A_DL13 於 2011-2-8 00:56 發表
小弟近來好少可會係晚上繁忙時間由紅隧收費廣場等車過香港島，今晚有事
需要去銅鑼灣，選擇東鐵轉隧道巴，結果眼界大開。

現場只見九巴有兩名稽查，基本上只係應付118及118P，已經難以處理。

相信唔少朋友都知，紅隧A出口連接 ...

其實紅隧口點執都唔得 因為實在太多利益關係
不論大執與小執, 總會有人反對

樓主話兩個稽查係118P有車到果陣去哂102度
咁好明顯是但一個蛇緊王, 不嬲都係一個企102一個企118
但當然唔係咁死板, 是但一邊係無車既話都會去幫另一邊手
一個人做唔會做唔到, 但兩個人既效果係會好好多
118P有人衝出黎上唔到, 就正正係因為無人截龍
問題唔係車長度, 掛得1字頭既都習慣哂等稽查指示開車
無指示既...就當你去左後面截龍 等多十幾秒都無人上就走
稽查當然解釋唔到 唔通佢同個客講"我無盡責"咩
建議樓主可以打上CS度講番呢件事, 如果唔係個車長咁樣硬食投訴真係會好無辜

其實最大問題係紅隧口個站用左咁多年,
路線係呢10幾年亦多左好多,變左個站根本唔夠用,
除非用埋站102/106後面最尾平時比加班車停既站尾坑位,
如果唔係現階段係好難解決到...

主要是下繁會混亂D, 除左有大量過海客外,仲有大批由港島返九龍轉港鐵客。早上冇咁混亂。有幾次試過係天橋多人多到行吾到。

基本上現在好難解決,要解決相信要等東鐵過海啦,不過要等好多年.....

原帖由 da54 於 2011-2-8 02:30 發表

下繁就當然係 102/106/118 兩條隊多人啦，但係可以點？
上繁 118 用站尾，下繁就將 118 放去站頭？
基本上而家的設計係遷就客流集中的上繁而唔係客流分散的下繁...

另外樓上有人提議 112/116 同 118 對調，都係其中一個方案，
但係解決唔到樓主所講的問題.... 基本上個站唔擴充，118/118P 兩線一隊的問題無法解決。

如果 118(P) 用而家 112/116 個位, 人龍向104的方向排,
等車時就較容易望到架車係118定118P同埋上客情況
應該會較理想

講遠 d
應該係搞掂三隧收費不一問題或者填咗維港