今朝差d又重演利東215,DA90互撞

原帖由 3bx 於 2011-2-25 17:47 發表


如果部車係要右轉入學校，停係個度等對面的車過了先
都可以係合理。

其實停係個度無話合唔合理，假如係因為前面塞車而停係度，
如果城巴司機用同一邏輯，咁咪好大機會發生交通意外。
一個達標的司機係呢類盲位，要停低部車 ...

就算有冇雙黃線，任何車都可以因為任何理由停在任何地方，例如塞車、壞車、有人衝出馬路、有阿婆過馬馬路、同埋其他千千萬萬種無法預測既突發事件，都係突然停車既理由。樓主講既城巴司機，係唔可以因為有盲點位就假設盲點範圍係安全。盲點位睇唔清楚，就要減慢車速，假設睇唔倒既位係有野先，要在盲點位有車阻時在不改變行車路徑既情況下將車剎停，咁先係合理車速。

若果樓主講既並無誇大，咁呢個城巴司機係犯左嚴重過失，建議樓主立即向城巴及TCU投訴有關司機違例。如果個個都係咁渣既話，上年對撞既事當然好大機會重演，而且以後亦都不能避免。雙白線唔cut得都唔知有幾難做到，真係想問問班司機係咪巴士有特權可以咁做。我感覺上，樓主講果個司機唔係停唔切，而係故意咁做多d，博晒大霧。

不過呢個年代d巴士冇咩唔可能發生，冇人會估到秀戊坪會有架巴士差d衝落山，冇人會估到最安全既行人路會有架巴士撞埋來，都唔知仲有邊度安全。行人路都會有巴士撞埋來，都唔知係咪應該行馬路最安全？

[ 本帖最後由 4056 於 2011-2-25 19:07 編輯 ]

的確有位新巴司機過果個彎係踩住油過彎
次次搭佢車幾驚一出彎塞車/有車停

之前94有位司機一樣, 不過215,DA90單野後,
佢過彎都慢左唔少