人大/政協討論:高鐵建設放慢

原帖由 3bx 於 2011-3-3 11:11 發表


其實一條簡單數學題，如韶關-廣州為例，假設每小時
一班普速，1000人，收38人仔，得3萬8千
六班高鐵，每班100人，收119人仔，100x6x119=71400人仔。
其實列車載幾多人，成本也差不多，
只有行政指令普速減少班次，高鐵加密班次，
要吸引客 ...

若有行政指令......
咁買不起高鐵車票的人怎麼辦?
中國是社會主義國家, 不應用鐵路盈虧去理順普速鐵路蝕錢要減班

「中國是社會主義國家」，認真你就輸了。

以下資料，我只係好簡單的用維基查，並通過連結找到source，我假設source準確但我不保證。

2008年，中國鐵路總客運量全年約14.6億人次，鐵路總長約87000公里，
平均每公里鐵路每日載客46人次（好似好少，唔出奇，中國鐵路只有約10%車次是客運）。

2010年，中國高鐵總客運量每日約796000人次，高鐵總長約4674公里，
平均每公里高鐵每日載客170人次。
歷史：秦瀋客專7年，其他少於3年

這兩個數其實沒有實際意義，因為我沒有再深入查究與高鐵平行之路線的原有客量，
不能比較高鐵開通前後對原客量的影響，該等資料亦可能沒有公開或難以計算。

我之所以列出來，只係畀大家參詳一下，至於何謂高何謂低，就要拿外國比。
下面資料來源除另有註明外，皆為維基百科，由於維基有檢查制度，我假設資料正確。

日本所有新幹線，2007年，總長2144.8公里，年載客量3.5億人次，
平均每公里每日載客451人次，其中東海道新幹線佔總客量約42%。
歷史：44年

日本JR East旗下新幹線，2009年，總長948.7公里，日載客量26萬人次，
平均每公里每日載客274人次。（客量資料來自http://www.jreast.co.jp/e/investor/ar/2009/pdf/ar_2009_08.pdf）
歷史：28年

法國TGV，2006年，總長1552.6公里，年載客量9700萬人次，
平均每公里每日載客171人次。
歷史：29年

韓國KTX，2007年，總長661公里，日載客量10萬人次，
平均每公里每日載客151人次。
歷史：7年

德國ICE，由於ICE服務範圍包括原有鐵路，難以計算淨高鐵客量，在此撇除。
西班牙AVE及意大利ETR等其他高鐵系統，我沒有再深究。

純粹提供資料比較，而我個人的感想係：
1. 中國整體上係有必要發展高鐵，隨著GDP提高及人民生活改善，「先讓一部分人快起來」，
　長遠減少對石油依賴，亦有必要騰出既有線給貨運列車。
2. 高鐵發展步伐，其實唔算太快，純粹睇人數而唔睇負擔能力的話，
　現有步伐只係追回本來早應興建的路線，我都講過中國鐵路係要追需求。
3. 即使鐵道部高層大地震，我相信在施工上不會太馬虎，
　中共咁愛面子，鐵路亦有軍備用途，即使有瑕疵佢都會盡量補救。
4. 我認同在發展高鐵的同時，亦應該兼顧低下階層需要，
　中國與其他高鐵國不同之處在於中國係發展中國家，國民收入分佈不平均，
　例如票價及班次等可以適當調整，但我對全盤情況不了解，不欲胡亂評論。

參考日本新幹線的每小時班次：
東海道新幹線－8-10（包括直通山陽新幹線之列車）
山陽新幹線　－3-5
東北新幹線　－4-7
上越新幹線　－2-4
長野新幹線　－1-2
九州新幹線　－2
（http://www.hyperdia.com/）

中國高鐵每小時班次，只計350km/h級長途線：
武廣－3-5
鄭西－1-2
滬杭－3-5
（http://www.shike.org.cn/）

是好是壞，是高是低，看倌自行定斷。

[ 本帖最後由 DIH 於 2011-3-3 23:43 編輯 ]

原帖由 DIH 於 2011-3-3 23:26 發表
是好是壞，是高是低，看倌自行定斷。

有班人會突然失明

補充少少：

我對統計一竅不通，純粹想自己做盤數去睇下。

我之所以用「每公里鐵路每日載客量」，
主要係想有一個不用理會「國情不同」的共同指標，
但這在統計學上是否有謬誤，我就唔知喇。

很多人捉住高鐵客少，係講緊滬寧線，而講高鐵受歡迎，就拿住武廣，
但係武廣幾長、滬寧幾長？市場定位如何？對乘客的吸引力有無分別？

在本篇中有爭議的是「高鐵」是否多客，不是計算個別路線，因此我將所有路線撈埋平分，
而其實所有國家都總有某線受歡迎、某線較少人，將所有路線夾埋計，對「高鐵」整個項目比較公平。

假如真實情況調轉，滬寧迫爆、武廣拍烏蠅，
得出來的「每公里鐵路每日載客量」就會偏低，亦代表當局規劃有問題，高鐵理應主打長途客運。
但而家情況唔係咁，滬寧相對於整個高鐵網絡，簡直微不足道，但武廣、鄭西等就意義重大。
（我在此指的是滬寧因為短，所以對整體高鐵的impact比較細。）

而我計出的中國高鐵「每公里鐵路每日載客量」，與日法韓等比較，
大致上亦和心目中的情況差不多，沒有特別奇怪之處，甚至可以話中國高鐵比我預期中多人。

當然，有牽涉到行政手段取消普鐵班次等等，
不過這不是「高鐵是否多客」的考慮，人的確是買了票上了車。

歡迎其他板友提供更多資料或各式統計數據，我就計住咁多先。

[ 本帖最後由 DIH 於 2011-3-4 22:17 編輯 ]

不過睇來高鐵發展真係受長官意志影響..

好似南車部衝高車, 有傳被叫停
唉, 都就到衝高的日子先來叫停, 中國高鐵未來發展睇怕都.....

原帖由 DIH 於 2011-3-4 17:44 發表
很多人捉住高鐵客少，係講緊滬寧線，而講高鐵受歡迎，就拿住武廣，
但係武廣幾長、滬寧幾長？市場定位如何？對乘客的吸引力有無分別？

滬寧線通車冇耐就已經多人過武廣線,
就係一篇報導拍烏蠅一篇報導迫爆個排

滬寧多人過武廣係正常,
因為滬寧兩地距離近好多, 人流自然較密切,
滬寧沿線之間的地方經濟都比武長廣沿線之間發達