輕鐵車廠外的渡線有咩用??

原帖由 barking 於 2011-3-14 23:51 發表


輕鐵在正常方向時, 使用緊急出口的輕鐵係倒轉出來的
不管怎樣, 反正目的是用嚟換向了

雖然小弟忘記左部分車廠路軌配置圖，但印象中，緊急出口條路軌係由車廠24路延伸出來。換句話講，即係d車由緊急出口一出來車頭已經係正確方向往碼頭，唔係「倒叮」，咁又駛咩要條渡線來換向呢？

有錯請指正！

但如果你話唔由24路出來，而係去到堆剷波口再撬波口再倒後波出既，咁就係「倒叮」，咁就講得通！但咁做法要勁耐先出倒一架車，應該冇咩機會要咁做。

[ 本帖最後由 4056 於 2011-3-17 03:41 編輯 ]

原帖由 |_arco 於 2011-3-15 02:44 發表
話說當年輕鐵呢就真係香港俾人呃嘅
因為當初英國佬將成個墨爾本電車系統搬過嚟，整到80年代通車嘅香港輕鐵都仍然有月台

但係連墨爾本電車都有前後cab，又有兩邊車門可以開
咁就更加激氣 ...

我反而聽講另一個版本, LRT係Manchester Metrolink的雙胞胎.
連規劃果陣好多野都係搬字過紙
傳聞當年係Manchester果邊規劃問題, 唔知佢訂錯車又好, 後來改左規劃又好,
批車又出左,
所以個冤大頭就比呢個咁有米的殖民地食左隻死貓佢.

其實唔係講唔通wor, 英國佬做野不嬲唔太用腦,起左先算,
DLR就係另一個笑話,
邊會有人批車行3年已經唔岩用,要四處鑑平鑑賤賣比人...

至於呢個urban legend係堅定流...我就唔包喇.當講多個故仔大家八下算

原帖由 4056 於 2011-3-17 03:40 AM 發表


雖然小弟忘記左部分車廠路軌配置圖，但印象中，緊急出口條路軌係由車廠24路延伸出來。換句話講，即係d車由緊急出口一出來車頭已經係正確方向往碼頭，唔係「倒叮」，咁又駛咩要條渡線來換向呢？

有錯請指正！

但如果你話唔由24 ...

如果正如你所講﹐由這條出來的車﹐都是正確行車方向﹐那麼便只有我上文講出的情況﹐只有工程車才有機會用到。

我聽既版本係澳洲差英國佬廿億澳洲佬話無錢還
只可以俾貨你填數
英國佬又OK
最後輕鐵就係還債黎//

原帖由 4056 於 2011-3-17 03:40 發表


雖然小弟忘記左部分車廠路軌配置圖，但印象中，緊急出口條路軌係由車廠24路延伸出來。換句話講，即係d車由緊急出口一出來車頭已經係正確方向往碼頭，唔係「倒叮」，咁又駛咩要條渡線來換向呢？

有錯請指正！

但如果你話唔由24 ...

冇錯,之前exercise試過坐車由24路用emergency exit去碼頭

原帖由 |_arco 於 2011-3-15 02:44 發表
話說當年輕鐵呢就真係香港俾人呃嘅
因為當初英國佬將成個墨爾本電車系統搬過嚟，整到80年代通車嘅香港輕鐵都仍然有月台

但係連墨爾本電車都有前後cab，又有兩邊車門可以開
咁就更加激氣 ...

墨爾本電車系統大部分車站係冇月台, 只有部分有矮月台

幾年前(至於幾多年前就真係耐到唔記得)
親眼見過緊急出口出的車是車頭出先
但同樣是慢駛及不斷叮

而由於路軌跨越的馬路沒交通燈是與路軌一對
所以有輕鐵經緊急出口出車時
警方會拉起白色粗繩欄截馬路上車輛讓輕鐵先過

其實應該用列車回廠去想, 並非是用列車出廠去想,

萬一真係要用Emergency track回廠, 而架車係由屯門碼頭開來, 就要用到呢條渡線.

原帖由 cl1403 於 2011-3-20 23:48 發表
其實應該用列車回廠去想, 並非是用列車出廠去想,

萬一真係要用Emergency track回廠, 而架車係由屯門碼頭開來, 就要用到呢條渡線.

其實你都岩左九成，應該係用「列車經緊急路軌出廠往track1，或由track1經緊急路軌回廠」去諗。

關鍵在於緊急路軌同廠內路軌連接之前係有個波口叫T351，呢個波口係分配經緊急路軌回廠列車入廠後轉左(往p-way)定係轉右(往24路)。呢個波口存在著「由倒變正」或「由正變倒」既功用，凡係入廠經呢個波口轉左往p-way果邊，就會正叮變倒叮，倒叮變正叮。相反係出廠，就由連接緊急路軌同廠內路軌既另一個波口T345負責「由正變倒」或「由倒變正」既工作。總之，凡係入廠後轉左往p-way，由出廠前由p-way轉往緊急路軌，就會「正倒」剛剛相反。

由於經緊急路軌出running line後車頭係往track2落碼頭，所以往track2既列車只要出廠前係由24路直出，咁就唔會存在倒叮問題。相反若由track2經緊急路軌回廠，亦都係只需倒後波入廠直入24路就已經大功告成，冇變倒叮。

問題在於若出廠後係要往track1上元朗，咁就需要靠T351同T345呢兩個波口做小小功夫，部驟係首先要將部車駛往p-way停低後，用T345倒後波經緊急路軌「倒叮」出track2，然後經渡線往track1後就會變返「正叮」靚靚仔仔咁上元朗。相反若由track1收廠，就要經渡線往track2變「倒叮」，然後keep住「倒叮」狀態經緊急路軌駛返入廠，入倒廠後用T351波口轉左往p-way果邊，就會變返「正叮」靚靚仔仔咁可正常行駛。

可能小弟表達能力較差令板友未能明白，敬請原諒，總之渡線及T351/T345波口係同track1掛勾。渡線係令列車「由正變倒，由倒變正」，而廠內T351/T345波口就用住「倒返轉」既功能。利用佢地既組合，就要可用渡線加緊急路軌來作臨時調頭既用途。

但若需要用倒呢個方法來調倒，需要眾多巧合先有機會，例如係正常出廠回廠路軌有野爆大獲block晒，同時係輕鐵車廠至碼頭，或龍門至青雲爆埋大獲，「雙喜臨門」下先有機會用到呢個方法調頭，相信咁麻煩既方法，除左爆大獲到連接駁巴士都行唔倒，否則都唔會有機會用。



不過，講到最尾，多數人都係吹廿幾年前起輕鐵班工程佬將重鐵思維擺左落去，當左輕鐵兩邊有門，所以先整呢條渡線出來。因為從來未試過用呢套麻煩方法去調頭，所以條渡線一直被人以為係垃圾。況且，若果真係咁岩廠正門口爆獲，再加埋附近南北行running line爆獲而需要用到呢條渡線調頭時，到時點control南行北行既車互相遷就呢？邊度突然有咁多人手撬波口呢？所以諗就天馬行空，實際做就出巴士好過啦！

[ 本帖最後由 4056 於 2011-3-21 02:51 編輯 ]