72線冷氣巴代「熱狗」招怨

http://orientaldaily.on.cc/cnt/news/20110313/00196_004.html以下來源東方日報

來往大埔太和邨與長沙灣的72號線巴士車隊現時仍有別號「熱狗」的非空調巴士行駛。不過，陶先生發現，平日首兩班原安排「熱狗」行駛的班次，日前突改以冷氣巴士行駛。陶指「熱狗」與空調巴士車費相差達二元一角，並向客戶服務部熱線證實，已連續三天均無「熱狗」行駛，認為班次安排會加重市民負擔。

九巴發言人表示，根據72號線近日行車記錄顯示，基於車務調動，該線間中會改以其他適合車型行走，以維持正常班次。發言人又稱，該線現時共有兩部普通巴士及八部空調巴士行走該線。

大埔區區議員黃容根則指出，上述路線有較多長者及輪椅使用者乘搭，九巴使用有「低地台」巴士本無可厚非，但認為九巴一旦全線以空調巴士行駛，車費便須下調，以顧及一直使用普通巴士的乘客。

乜72有較多輪椅使用者乘搭咩?
班次安排會加重市民負擔就講得嚴重咗

呢位陶先生真係小題大做，此風不可長。

原帖由 FBI2 於 2011-3-13 11:03 發表
呢位陶先生真係小題大做，此風不可長。

小題大做似乎係該份報導

假設真係有輪椅使用者,
但S1,S2唔出熱時,都係出白版如ADS等,
而果兩架ATR都時常其中一部由白版替,
所以黃議員都唔係太清楚個情況!!

原帖由 Gary_B 於 2011-3-13 11:36 發表



小題大做似乎係該份報導

我接近個個星期搭一次72(唔係香港就另計),對上一次搭中熱狗已經係2年前.呢條72一日都唔知有冇十班熱狗,個位陶先生既行徑,拍得住當年有人用毛筆寫信去九巴投訴6C熱狗少一樣咁"有個性".

耐唔耐見到呢D報導,笑完算數,好似睇娛樂版咁.九巴都係學新巴咁拿拿臨退晒D熱狗,咪唔駛成日為呢D野來煩囉.當然,做巴士迷既,梗係希望熱狗捱到尾啦.

原帖由 FBI2 於 2011-3-13 11:43 發表


耐唔耐見到呢D報導,笑完算數,好似睇娛樂版咁.九巴都係學新巴咁拿拿臨退晒D熱狗,咪唔駛成日為呢D野來煩囉.當然,做巴士迷既,梗係希望熱狗捱到尾啦.

一疊通告 + 路線紙 早日將呢批一日無十班熱狗既線全冷仲好過

擺個熱狗價係度呃鬼咩

原帖由 Gary_B 於 2011-3-13 11:54 發表


一疊通告 + 路線紙 早日將呢批一日無十班熱狗既線全冷仲好過

擺個熱狗價係度呃鬼咩

而家都冇話呃唔呃啦,轉全冷都唔會再減價,不如趁而家一次過轉晒全冷,好過整個價錢係度冇車行,大機構做野要堂堂正正先得架.
據講而家荔廠玩到一架熱狗一日輪流行5條線.

行家就話知唔夠熱狗

一般市民鬼知咩

咁又係wo..你寫有普通巴士，我係慳既話，我真係會等等等等到有...

寫得出黎就要負責任...

(當年521剛變成K51時，有寫普通巴士及冷氣巴士收費..但完全未見過一架冷氣巴士服務...大佬...我熱既時候梗係想搭到冷氣車啦..你寫有但點知冇...你話會點諗???)

原帖由 Gary_B 於 2011-3-13 12:02 PM 發表
行家就話知唔夠熱狗

一般市民鬼知咩

原帖由 lsc04d11 於 2011-3-13 02:50 PM 發表
咁又係wo..你寫有普通巴士，我係慳既話，我真係會等等等等到有...

寫得出黎就要負責任...

(當年521剛變成K51時，有寫普通巴士及冷氣巴士收費..但完全未見過一架冷氣巴士服務...大佬...我熱既時候梗係想搭到冷氣車啦..你 ...

無錯

既然路線未全冷﹐有冷馬價﹐又有熱狗價﹐巴士公司便要派出最少1部熱狗去服務市民﹐唔好令人無止竟等下去﹐等足一天都無他心目中的巴士。

最多﹐講明邊個時段有熱狗﹐邊個時段唔會有熱狗出沒。甚至講明會不會有某一天(例:逄周日)係全冷服務。