自己都唔夠車...就咪再玩啦...

原帖由 HV7025 於 2011-4-11 00:55 發表
但近半年等1號, 有種返左十年前既感覺
任何時候都有機會等廿幾分鐘先有一班1號, 去到太子隨時上唔到車
有時星期六日下午見到1號o係竹園收兩部車, 但同時又要拉車去幫2B

的確, 呢排等 1 號真係等耐左
不過我就覺得而家等 1 號感覺總比十年前好
因為十年前o係彌敦道等 1 號等極都冇車時, 同站既 1A 就車海式咁來 N 架, 仲要去到最後o個幾班車車上往往得小貓三四隻... 當你o係條排o左十幾廿人既隊度見到 1A D 車咁樣o黎既時候, 真係火起...
十年過後, 雖然等得耐, 但而家就係 1 同 1A 一齊等得耐, 所以感覺冇以前咁差
當然, 以上純粹個人意見


不過而家 1 號 d 班次咁曳, 除左收車外, 竹園站長其實都有責任
呢位站長除左拉晒 D 車去做 2B/11C/11K 外, 個人覺得佢仲好唔識變通
舉個例, 上個月某一個星期五晚, 小弟企o係竹園總站等 1 號出旺角
我約 7:45 分落到車站, 當時車站放左兩部食飯車, 一架車走左去柯打 2B
我落到車站排隊時, 前面已經企左三四個客

等左十五分鐘, 食飯車繼續唔開, 但呢十數分鐘入面返左三部車, 站長就通通叫晒三個車長去食飯 (註: 其中一個車長都算醒目, 返到總站時已將車泊o係冇車o個條孖坑準備做多轉, 但站長最後都係放佢去食飯, 於是個車長就將架車泊返o係堆食飯車後面)
等到 8:07 左右, 第一架食飯車司機放飯完畢, 返來開車, 班車最後開 8:10

這個經歷已經唔係第一次 (根本上好多時食飯時間都係咁情況), 所以上o左車後我打o左去投訴, 熱線服務員亦證實, 上班車開 7:46, 兩班車相隔左 24 分鐘...


坦白講, 我唔係話要勞役 d 司機, 但我相信o係情況許可下, 確保班次穩定係站長既責任
食緊飯既司機站長叫唔到佢 cut 飯鐘返來開車無話可說, 但明知脫班點解仲要叫晒剛到總站既司機們去食飯?
呢位站長個安排可唔可以妥當一點?



最後, 想問樓主張相係咪星期六影架? 如果係, 後面架 LB7092 係咪做 11K 既呢?

張相係星期五影架~
但係就真係一架2B一架11K的~

果日就係等左好耐車...
跟住返到總站見到一堆食飯車...
同埋呢兩架拉走左的掛牌,,,
車長見我影相就同我吐下苦水咁~

原帖由 DR1666 於 2011-4-11 15:12 發表

不過而家 1 號 d 班次咁曳, 除左收車外, 竹園站長其實都有責任
呢位站長除左拉晒 D 車去做 2B/11C/11K 外, 個人覺得佢仲好唔識變通
舉個例, 上個月某一個星期五晚, 小弟企o係竹園總站等 1 號出旺角
我約 7:45 分落到車站, 當時車站放左兩部食飯車, 一架車走左去柯打 2B
我落到車站排隊時, 前面已經企左三四個客

不如你去試下做站長
如果果D 2B/11C/11K 甩哂班又唔拉 1 號去做
收投訴俾稽查同主任照肺問做乜唔拉 1 號去塡氹
咁你又點?

(我唔係站長)
無人話唔搵救兵，但1號仔自身已經都搞唔掂，點解唔學其他站頭搵1A救命
事實上真係成日都見到1號仔搵1A救命，可想而之1號仔仲要救其他線，佢既班次會變成點

[ 本帖最後由 JT4686 於 2011-4-11 22:25 編輯 ]

原帖由 HL1097 於 2011-4-10 18:07 發表
比得個幾蚊答巴士...仲要係到嘈嘈閉..不知所謂..
喂...如果你係唔想等車..你咪飛的囉..講真個句...
自己個身又要冇銀兩...又要係到嘈.."你有錢...咪飛的...冇錢..咪等車囉.. ...

個人經歷

又係因為收車已起

某將軍澳線熱狗車長

因為有位乘客等得太耐, 登車後問候車長家人

個車長停左部車, 熄埋匙

走上上層要求個乘客道歉

佢: 要投訴就打去九龍公司, 唔好係度講粗口鬧我

最後乘客向司機道歉...

有時真係好唔抵, 明明係有人鋤假 / 欠人收車

但係受氣既就係當值司傅, 唔怪得愈來愈無心機做

相熟司傅都話, 真係連去廁所都唔得閒...

原帖由 Keo 於 2011-4-11 21:25 發表


不如你去試下做站長
如果果D 2B/11C/11K 甩哂班又唔拉 1 號去做
收投訴俾稽查同主任照肺問做乜唔拉 1 號去塡氹
咁你又點?

首先搞清楚先, 我冇話反對拉 1 號既車去做 2B/11C/11K
因為拉車都係一個盡量做到班次穩定既做法
而竹園線入面, 班次最密就係 1 號, 所以要拉 1 號過隔離坑做柯打係可以理解既

但係我覺得, 拉車都應該有個限度
拉一部當然冇問題
但如果諗得 extreme 一點, 同一時間拉左兩部, 一部做 2B, 一部做 11K
再加一部正常柯打車 (我就當朝早做 106/106P 吧)
仲要自己本身收一架車
咁即係話, 同一時間條線就冇左四架車, 差唔多係全線車隊既四分之一

咁你認為, 呢個情況下個班次會唔會天下大亂? 班客又會唔會投訴?
投訴既話最後係咪又係入個站長, 話佢好拉晒 D 車做其他線呢?


況且, 我針對既, 係個站長唔懂變通 (或者咁講, 佢只識拉車救班次, 但就唔識調動司傅食飯鐘數去穩定返個班次)
就好似我舉既例, 明明有三架車剛剛返到總站
只要留一個司機, 稍稍執一執佢既食飯時間
咁中間就已經可以開一班車
雖然班次可能都做唔到 10 分鐘一班, 但隔十五分鐘開總好過隔廿四分鐘先開吧...


仲有, 你仲要諗, 竹園開 24 分鐘一班既話
當架車出到尖碼同樣就會同前車相隔左 24 分鐘先開
大家都知, 1/1A 呢類線, 夜晚出尖咀既客唔算多, 隔咁耐先開一架都仲算頂得住
但回程呢? 如果仲要咁啱呢班車遇著韓國觀光團, 分分鐘去到 Park Lane 班客已經上唔到車
咁係咪又要再等多 10 分鐘等下一架?
咁既情況下最後咪又係投訴收場囉...

[ 本帖最後由 DR1666 於 2011-4-12 00:37 編輯 ]

點解要拉車? 咪問吓 2B, 11K D 人點解要鋤假囉
如果佢地正正常常返工, 駛乜野拉車?

原帖由 cn2661_2d32 於 2011-4-10 18:43 發表
以前個年代d司機態度衰又爛口,飛站,手車搾得衰
南風腳跑馬仔乜都有.
呢d抵鬧

21世紀d公司形象做得好,d司機文明左...我好相信絕大部份司機都係用心去服務
加上顧住屋企大細怕比人port...個個都讓客受氣.
其實佢地都 ...

而家巴士司機的服務態度大大改善.
乘客欺善怕惡,睇下D客敢不敢鬧紅VAN的司機.

好老實，唔止哩兩條線既師傅鋤假，係而家到到都有人鋤假
見到1A唔收車，只係因為落左Order點都要齊人返工咋

原帖由 JT4686 於 2011-4-12 10:24 AM 發表
好老實，唔止哩兩條線既師傅鋤假，係而家到到都有人鋤假
見到1A唔收車，只係因為落左Order點都要齊人返工咋

因為1A要負責幫其他線手?