玩命碌齡 巨水樽撼巴士 炮台山長命斜頑童闖禍

【本報訊】一批頑皮的 90後初中生將北角炮台山道長命斜當作「碌齡場」，把行人路上一樽 18公升商用蒸餾水當作保齡球，水樽沿斜路直滾而下，猛撞一輛迎頭駛至的巴士，當場撼爆車底風喉，幸車長及時停車，令全車乘客免於受傷，亦令水樽不致滾下英皇道撞向正在過馬路的人群，算是不幸中之大幸。 「有冇搞錯呀，咁都玩得嘅？如果咁樣撞落私家車度，一定會死人，會好大鑊 o架！」事發時正在巴士上的樹仁大學學生劉希垟立即跑下車，目擊新巴車長怒罵四名身穿校服的初中男生，車長更將他們關在巴士內並報警。 盛滿 18公升蒸餾水 事發於上月 31日早上 11時許，劉同學乘 27號新巴上學，巴士由英皇道轉上炮台山道斜路不久突然停下，原來車長見到約 10名學生正在路邊追逐嬉戲，而行人路上放有 20多樽盛滿的 18公升商用蒸餾水，車長恐怕學生一時忘形跑出馬路，於是將車停下。 豈料一名學生玩得興起，將一樽蒸餾水踢出馬路，水樽沿斜路滾下，撞向對面路壆，再反彈路中繼續滾下。現場車行老闆傅先生說，他當時想過飛身撲出截停水樽，但路上不斷有車經過，他無能為力，結果水樽直撞巴士車頭，滾入車底撞爆風喉，令巴士發出「嘶嘶」的洩氣聲。 「如果唔係架巴士擋住，成樽水咁重轆落下面電車路（英皇道），好危險！」傅先生說，當時巴士乘客紛紛下車指摘該批頑皮學生，「佢哋好明顯係玩，事後若無其事、嘻皮笑臉，少少錯嘅意識都冇」。 四學生須上車解釋 車長叫其中四名學生登上巴士解釋事件，並致電公司報告及報警。警員到場調查後接納學生解釋，指「當時有學生拗柴唔小心整跌個水樽」。四名學生歡天喜地離開現場。新巴發言人指出，當日車長看見有學生在路旁推撞嬉戲，為安全起見煞停車輛，其後有人將放置在路旁的一個水樽踢出馬路，巴士車底風喉損毀，需回廠修理。 該批學生在寶馬山東華三院李潤田紀念中學讀中一。東華三院企業傳訊處發言人回應稱，當日該校四名中一學生測驗後提早放學，行經現場時一人絆倒撞向兩個蒸餾水樽，他們立即慌忙追截，更成功截回其中一個水樽。發言人稱，警方亦接納四名學生的解釋，認為事件已完結，但若有學生故意將水樽踢出馬路，校方會加強向學生灌輸安全意識。 據悉，現場每星期總有一天有工人將蒸餾水放在行人路上，每次至少有 20至 30樽，霸佔大半行人路。街坊指，送貨工人早上在該處卸貨，然後逐一送貨，沒料到一樽樽蒸餾水會變成都市陷阱。 動新聞:

http://hk.apple.nextmedia.com/template/apple/art_main.php?iss_id=20110413&sec_id=4104&art_id=15162677
好彩司機夠醒目, 停左車先,
如果唔係行緊車爆風缸都幾牙煙
1102@27

[ 本帖最後由 Anpretext 於 2011-4-13 10:41 編輯 ]

咁都放得堆學生走,
有時真係好令人感到失望

我知差佬做野有程序,
但係一個咁既理由有冇覺得講唔過去?

原帖由 da93 於 2011-4-13 10:43 發表
咁都放得堆學生走,
有時真係好令人感到失望

我知差佬做野有程序,
但係一個咁既理由有冇覺得講唔過去?

聽過話有 d 巡邏警察係抱住多一事不如少一事的態度，如果單 case 無咩人命傷亡或重大財物損失的話就唔多願做....

原帖由 da54 於 2011-4-13 10:51 發表

聽過話有 d 巡邏警察係抱住多一事不如少一事的態度，如果單 case 無咩人命傷亡或重大財物損失的話就唔多願做....

仲有間學校發言人都唔抵幫, 巴士上司機乘客同車房東主親眼見到佢地玩嫁啦,學校恂然可以話係跘倒2個, 仲要話追返1個, 真係威威咯

最好笑係竟然拗柴唔小心都咁有力踢咁大樽水。

原帖由 Anpretext 於 2011-4-13 10:57 發表
仲有間學校發言人都唔抵幫, 巴士上司機乘客同車房東主親眼見到佢地玩嫁啦,學校恂然可以話係跘倒2個, 仲要話追返1個, 真係威威咯

連學校管理層都可以不分是非,
試問教出黎既學生又點會有對錯之分?

原帖由 da93 於 2011-4-13 10:43 AM 發表
咁都放得堆學生走,
有時真係好令人感到失望

我知差佬做野有程序,
但係一個咁既理由有冇覺得講唔過去?

原帖由 da93 於 2011-4-13 11:18 AM 發表


連學校管理層都可以不分是非,
試問教出黎既學生又點會有對錯之分?

班學生同警察講唔小心﹐而到場處理的警察都相信班學生唔小心的時間﹐試問學校負責人回應新聞界﹐應該信在場處理的警察定係信在場路人?

原帖由 kei_hk 於 2011-4-13 11:59 發表

班學生同警察講唔小心﹐而到場處理的警察都相信班學生唔小心的時間﹐試問學校負責人回應新聞界﹐應該信在場處理的警察定係信在場路人?

我覺得,
只係需要話知道有件咁既事,
警察調查後相信學生唔小心就可以

學校居然就咁了卻件事
而且話如果就算知道真係學生問題都只係加強教育
一啲懲罰都冇
咁嘅學校簡直不知所謂
枉為人師表
非常失望

明明有人在場做證係學生唔啱在先
差佬都可以就咁放人
家吓咩世界啊？

原帖由 sea1986 於 2011-4-13 12:15 PM 發表
學校居然就咁了卻件事
而且話如果就算知道真係學生問題都只係加強教育
一啲懲罰都冇
咁嘅學校簡直不知所謂
枉為人師表
非常失望

明明有人在場做證係學生唔啱在先
差佬都可以就咁放人
家吓咩世界啊？ ...

加強教育咪早會講幾句囉。

而家係警察講是學生唔小心﹐學校可以點做?   
即係叫學校唔相信警方的調查?
唔通真係記他們小過大過咩學生或家長問番學校﹐你有什麼証明是學生有心﹐學校已經無野好講。


除非﹐在場警察一開始已經講學生是有心﹐學校才可以再作跟進。


而當時時發過程﹐大家都唔係當事人﹐有無任何一方(包括報紙)有無「作加」成份﹐無從稽考﹐再講也沒有結論。